ಪಿಎಂ ಇಮ್ರಾನ್‌ ಸರಕಾರದ ವಿರುದ್ಧ ಪ್ರತಿಭಟನೆ ಬೆನ್ನಲ್ಲೆ ಮಾಜಿ ಪ್ರಧಾನಿ ನವಾಜ್‌ ಶರೀಫ್‌ ಅಳಿಯ ಅರೆಸ್ಟ್‌!

ಕರಾಚಿ: ಪಾಕಿಸ್ತಾನ ಪ್ರಧಾನಿ ಇಮ್ರಾನ್‌ ಖಾನ್‌ ಸರಕಾರ ತನ್ನ ಪೊಲೀಸ್‌ ಪಡೆಯನ್ನು ಬಳಸಿಕೊಳ್ಳುತ್ತಿರುವುದು ಇದೀಗ ಸ್ಪಷ್ಟವಾಗಿದೆ. ಪಾಕಿಸ್ತಾನ ಮುಸ್ಲಿಂ ಲೀಗ್‌ ಪಾಕಿಸ್ತಾನ ಮುಸ್ಲಿಂ ಲೀಗ್-ನವಾಜ್ (ಪಿಎಂಎಲ್-ಎನ್)ನ ಉಪಾಧ್ಯಕ್ಷೆ ಮರಿಯಮ್ ನವಾಜ್ ಶರೀಫ್‌ ಅವರ ಪತಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಕರಾಚಿಯ ಹೋಟೆಲ್‌ನಲ್ಲಿ ತಂಗಿದ್ದ ಮರಿಯಮ್ ನವಾಜ್ ಶರೀಫ್‌ ಅವರ ಕೊಠಡಿಗೆ ನುಗ್ಗಿದ ಪೊಲೀಸರು ಪತಿ ಸಪ್ಧರ್‌ ಅವಾನ್‌ ಅವರನ್ನು ಬಂಧಿಸಿದ್ದಾರೆ. ಈ ಬಗ್ಗೆ ಟ್ವೀಟ್‌ ಮಾಡಿ ಮಾಹಿತಿ ನೀಡಿರುವ ಮರಿಯಮ್ ನವಾಜ್ ಶರೀಫ್‌, ಪೊಲೀಸರು ಕರಾಚಿಯಲ್ಲಿ ನಾವು ತಂಗಿದ್ದ ನಮ್ಮ ಕೊಠಡಿಯೊಳಗೆ ನುಗ್ಗಿದ್ದು, ಕ್ಯಾ. ಸಫ್ಧರ್‌ ಅವರನ್ನು ಬಂಧಿಸಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ.

ಭಾನುವಾರ ಕರಾಚಿಯಲ್ಲಿ ಇಮ್ರಾನ್‌ ಖಾನ್‌ ಸರ್ಕಾರದ ವಿರುದ್ಧ 11 ವಿರೋಧ ಪಕ್ಷಗಳು ಪ್ರತಿಭಟನೆ ನಡೆದಿದ್ದವು. ಈ ಬೃಹತ್‌ ಸಮಾವೇಶವನ್ನು ಮಾಜಿ ಪ್ರಧಾನಿ ನವಾಜ್‌ ಶರೀಫ್‌ ಅವರ ಪಾಕಿಸ್ತಾನ ಮುಸ್ಲಿಂ ಲೀಗ್ ಮುಂದಾಳತ್ವ ವಹಿಸಿತ್ತು. ಸಾವಿರಾರು ಜನರು ಸರಕಾರದ ವಿರುದ್ಧ ಪ್ರತಿಭಟನೆ ನಡೆಸಿದ್ದರು.

ಚಂದ್ರನಲ್ಲಿ 4ಜಿ ನೆಟ್‌ವರ್ಕ್‌ ಸ್ಥಾಪನೆಗೆ ನಾಸಾ ರೆಡಿ..! ನೋಕಿಯಾ ತೆಕ್ಕೆಗೆ 105 ಕೋಟಿ ರೂ. ಯೋಜನೆ

ಈ ವೇಳೆ ಮಾತನಾಡಿದ್ದ ಮರಿಯಮ್‌, ಮಾಜಿ ಪ್ರಧಾನಿ ನವಾಜ್ ಷರೀಫ್ ಅವರನ್ನು ಮತ್ತೆ ಅಧಿಕಾರಕ್ಕೆ ತರುವುದಾಗಿಯೂ ಮತ್ತು ಹಾಲಿ ಪ್ರಧಾನಿ ಇಮ್ರಾನ್ ಖಾನ್ ಅವರನ್ನು ಜೈಲಿಗೆ ಕಳುಹಿಸುವುದಾಗಿಯೂ ಪ್ರತಿಜ್ಞೆ ಮಾಡಿದ್ದರು. ಇದರಿಂದ ಕೆರಳಿರುವ ಇಮ್ರಾನ್‌ ಖಾನ್‌ ತನ್ನ ಪೊಲೀಸ್‌ ಪಡೆಯನ್ನು ಬಳಸಿ ದಬ್ಬಾಳಿಕೆ ನಡೆಸಿರುವ ಸಾಧ್ಯತೆ ಇದೆ ಎನ್ನುವ ಆರೋಪಗಳು ಕೇಳಿಬರುತ್ತಿವೆ.