ಜರ್ಮನಿ: ಮುಸುಕುಧಾರಿಗಳಿಂದ ಸಾಮೂಹಿಕ ಗುಂಡಿನ ದಾಳಿ, 8 ಮಂದಿ ಬಲಿ

ಬರ್ಲಿನ್: ಜರ್ಮನಿಯ ಹನೌ ನಗರದಲ್ಲಿ ಬುಧವಾರ ತಡರಾತ್ರಿ ನಡೆದ ಸಾಮೂಹಿಕ ಗುಂಡಿನ ದಾಳಿಯಲ್ಲಿ 8 ಮಂದಿ ಸಾವನ್ನಪ್ಪಿ ಕನಿಷ್ಠ 5 ಮಂದಿ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ನಡೆದಿದೆ.

ಹನೌ ನಲ್ಲಿರುವ ಎರಡು ಪ್ರತ್ಯೇಕ ಶಿಶಾ ಬಾರ್‌ಗಳ ಮೇಲೆ ಇಬ್ಬರು ಅಪರಿಚಿತ ಬಂದೂಕುಧಾರಿಗಳು ಸಾಮೂಹಿಕವಾಗಿ ಮನಬಂದಂತೆ ಗುಂಡಿನ ದಾಳಿ ನಡೆಸಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ದಾಳಿ ಮಾಡಿದ ಬಳಿಕ ಇಬ್ಬರೂ ಮುಸುಕುಧಾರಿಗಳು ಸ್ಥಳದಿಂದ ಪರಾರಿಯಾಗಿದ್ದಾರೆ. ದಾಳಿಯ ಹಿಂದಿನ ಉದ್ದೇಶ ಏನೆಂದು ತಿಳಿದುಬಂದಿಲ್ಲ. ಘಟನಾ ಸ್ಥಳಕ್ಕೆ ಪೊಲೀಸರು ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ನಟ ಕಮಲ ಹಾಸನ್ ಇಂಡಿಯನ್-2 ಸೆಟ್ ನಲ್ಲಿ ಕ್ರೇನ್ ಅವಘಡ, 3 ಮಂದಿ ದುರ್ಮರಣ


ಬಂದೂಕುದಾರಿಗಳು ಮೊದಲು ನಗರದ ಕೇಂದ್ರದಲ್ಲಿರುವ ಮೊದಲ ಬಾರ್‌ಗೆ ಪ್ರವೇಶಿಸಿ ಗುಂಡು ಹಾರಿಸಿದರು,ತದನಂತರ ಕ್ಯಾಸೆಲ್‌ಸ್ಟಾಡ್ ಜಿಲ್ಲೆಯ ಇನ್ನೊಂದು ಶಿಶಾ ಬಾರ್ ಗೆ ತೆರಳಿ ಗುಂಡಿನ ದಾಳಿ ನಡೆಸಿದರು ಎಂದು ವರದಿ ತಿಳಿಸಿದೆ.