ವಾಷಿಂಗ್ಟನ್: ಅಮೆರಿಕದ ಟೆಕ್ಸಾಸ್‌ನ ಸ್ಯಾನ್ ಆಂಟೋನಿಯೋದಲ್ಲಿ ಸೋಮವಾರ ಟ್ರ್ಯಾಕ್ಟರ್ ಟ್ರೈಲರ್‌ನ ಒಳಗೆ ಕನಿಷ್ಠ 46 ಶವಗಳು ಪತ್ತೆಯಾಗಿವೆ ಎಂದು ಕಾನೂನು ಜಾರಿ ಅಧಿಕಾರಿಗಳು ತಿಳಿಸಿದ್ದಾರೆ. ಮೃತರೆಲ್ಲರೂ ವಲಸಿಗರಾಗಿದ್ದು, ಮೆಕ್ಸಿಕೋದಿಂದ ಅಮೆರಿಕಕ್ಕೆ ಟ್ರಕ್‌ಗಳ ಒಳಗೆ ಕೂರಿಸಿ ಕಳ್ಳಸಾಗಣೆ ಮಾಡಲಾಗುತ್ತಿತ್ತು ಎನ್ನಲಾಗಿದೆ.
ಬೃಹತ್ ಟ್ರಕ್‌ನ ಸುತ್ತಲೂ ಪೊಲೀಸ್ ವಾಹನಗಳು ಮತ್ತು ಆಂಬುಲೆನ್ಸ್‌ಗಳು ನಿಂತಿರುವುದನ್ನು ಕೆಸ್ಯಾಟ್ ವರದಿಗಾರ ಟ್ವೀಟ್ ಮಾಡಿರುವ ಫೋಟೊಗಳು ತೋರಿಸಿವೆ.
ಮೃತರೆಲ್ಲರೂ ವಲಸಿಗರಾಗಿದ್ದಾರೆ ಎಂದು ನಗರದ ಅಗ್ನಿಶಾಮಕ ಇಲಾಖೆ ತಿಳಿಸಿದೆ. ಅಮೆರಿಕ- ಮೆಕ್ಸಿಕೋ ಗಡಿಯಲ್ಲಿ ಮಾನವ ಕಳ್ಳಸಾಗಣೆಯ ಇತ್ತೀಚಿನ ಅತ್ಯಂತ ಭಯಾನಕ ಘಟನೆಗಳಲ್ಲಿ ಒಂದಾಗಿದೆ. ವಿಪರೀತ ಬಿಸಿಲಿನ ಝಳ ಮತ್ತು ಬಳಲಿಕೆಯಿಂದ ಮೃತರಾದ 16 ಮಂದಿಯ ಶವಗಳು ಟ್ರೈಲರ್ ಒಳಗೆ ಪತ್ತೆಯಾಗಿವೆ. ಇವರಲ್ಲಿ ನಾಲ್ವರು ಅಪ್ರಾಪ್ತ ವಯಸ್ಕರು ಇದ್ದಾರೆ. ಘಟನೆಯ ಸಂಬಂಧ ಮೂವರನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಟ್ರಕ್‌ನಲ್ಲಿ ವಲಸಿಗರು ಉಸಿರುಗಟ್ಟಿ ಮೃತರಾಗಿರುವುದು 'ಟೆಕ್ಸಾಸ್‌ನಲ್ಲಿನ ದುರಂತ' ಎಂದು ಮೆಕ್ಸಿಕೋ ವಿದೇಶಾಂಗ ಸಚಿವ ಮಾರ್ಕೆಲೋ ಹೇಳಿದ್ದಾರೆ. ಈ ಸ್ಥಳಕ್ಕೆ ಸ್ಥಳೀಯ ಕಾನ್ಸುಲೇಟ್ ಅಧಿಕಾರಿಗಳು ತೆರಳುತ್ತಿದ್ದಾರೆ. ಮೃತಪಟ್ಟವರು ಯಾವ ದೇಶಗಳಿಗೆ ಸೇರಿದವರು ಎನ್ನುವುದು ಖಚಿತವಾಗಿಲ್ಲ.
ಇತ್ತೀಚಿನ ಕೆಲವು ತಿಂಗಳಿನಿಂದ ಅಮೆರಿಕ- ಮೆಕ್ಸಿಕೋ ಗಡಿಯಲ್ಲಿ ದಾಖಲೆ ಪ್ರಮಾಣದ ವಲಸಿಗರ ಕಳ್ಳಸಾಗಣೆ ನಡೆಯುತ್ತಿದೆ. ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರ ವಲಸೆ ನೀತಿಗಳ ವಿರುದ್ಧ ಇದು ಟೀಕೆಗಳಿಗೆ ಕಾರಣವಾಗಿದೆ.
ಮೆಕ್ಸಿಕನ್ ಗಡಿಯಿಂದ ಸುಮಾರು 250 ಕಿಮೀ ದೂರದಲ್ಲಿರುವ ಸ್ಯಾನ್ ಆಂಟೊನಿಯೋದಲ್ಲಿ ಸೋಮವಾರ ತಾಪಮಾನ 103 ಡಿಗ್ರಿ ಫ್ಯಾರನ್‌ಹೀಟ್ (39.4 ಡಿಗ್ರಿ ಸೆಲ್ಸಿಯಸ್) ತಲುಪಿತ್ತು.
2017ರ ಜುಲೈನಲ್ಲಿ ವಾಲ್ ಮಾರ್ಟ್ ಪಾರ್ಕಿಂಗ್ ಸ್ಥಳದಲ್ಲಿ ಟ್ರ್ಯಾಕ್ಟರ್- ಟ್ರೈಲರ್‌ನ ಒಳಗೆ ಸಾಗಣೆ ಮಾಡುತ್ತಿದ್ದ 10 ವಲಸಿಗರ ಶವಗಳನ್ನು ಸ್ಯಾನ್ ಆಂಟೋನಿಯೋ ಪೊಲೀಸರು ಪತ್ತೆ ಮಾಡಿದ್ದರು.
ಬೃಹತ್ ಟ್ರಕ್‌ನ ಸುತ್ತಲೂ ಪೊಲೀಸ್ ವಾಹನಗಳು ಮತ್ತು ಆಂಬುಲೆನ್ಸ್‌ಗಳು ನಿಂತಿರುವುದನ್ನು ಕೆಸ್ಯಾಟ್ ವರದಿಗಾರ ಟ್ವೀಟ್ ಮಾಡಿರುವ ಫೋಟೊಗಳು ತೋರಿಸಿವೆ.
ಮೃತರೆಲ್ಲರೂ ವಲಸಿಗರಾಗಿದ್ದಾರೆ ಎಂದು ನಗರದ ಅಗ್ನಿಶಾಮಕ ಇಲಾಖೆ ತಿಳಿಸಿದೆ. ಅಮೆರಿಕ- ಮೆಕ್ಸಿಕೋ ಗಡಿಯಲ್ಲಿ ಮಾನವ ಕಳ್ಳಸಾಗಣೆಯ ಇತ್ತೀಚಿನ ಅತ್ಯಂತ ಭಯಾನಕ ಘಟನೆಗಳಲ್ಲಿ ಒಂದಾಗಿದೆ. ವಿಪರೀತ ಬಿಸಿಲಿನ ಝಳ ಮತ್ತು ಬಳಲಿಕೆಯಿಂದ ಮೃತರಾದ 16 ಮಂದಿಯ ಶವಗಳು ಟ್ರೈಲರ್ ಒಳಗೆ ಪತ್ತೆಯಾಗಿವೆ. ಇವರಲ್ಲಿ ನಾಲ್ವರು ಅಪ್ರಾಪ್ತ ವಯಸ್ಕರು ಇದ್ದಾರೆ. ಘಟನೆಯ ಸಂಬಂಧ ಮೂವರನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಟ್ರಕ್‌ನಲ್ಲಿ ವಲಸಿಗರು ಉಸಿರುಗಟ್ಟಿ ಮೃತರಾಗಿರುವುದು 'ಟೆಕ್ಸಾಸ್‌ನಲ್ಲಿನ ದುರಂತ' ಎಂದು ಮೆಕ್ಸಿಕೋ ವಿದೇಶಾಂಗ ಸಚಿವ ಮಾರ್ಕೆಲೋ ಹೇಳಿದ್ದಾರೆ. ಈ ಸ್ಥಳಕ್ಕೆ ಸ್ಥಳೀಯ ಕಾನ್ಸುಲೇಟ್ ಅಧಿಕಾರಿಗಳು ತೆರಳುತ್ತಿದ್ದಾರೆ. ಮೃತಪಟ್ಟವರು ಯಾವ ದೇಶಗಳಿಗೆ ಸೇರಿದವರು ಎನ್ನುವುದು ಖಚಿತವಾಗಿಲ್ಲ.
ಇತ್ತೀಚಿನ ಕೆಲವು ತಿಂಗಳಿನಿಂದ ಅಮೆರಿಕ- ಮೆಕ್ಸಿಕೋ ಗಡಿಯಲ್ಲಿ ದಾಖಲೆ ಪ್ರಮಾಣದ ವಲಸಿಗರ ಕಳ್ಳಸಾಗಣೆ ನಡೆಯುತ್ತಿದೆ. ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರ ವಲಸೆ ನೀತಿಗಳ ವಿರುದ್ಧ ಇದು ಟೀಕೆಗಳಿಗೆ ಕಾರಣವಾಗಿದೆ.
ಮೆಕ್ಸಿಕನ್ ಗಡಿಯಿಂದ ಸುಮಾರು 250 ಕಿಮೀ ದೂರದಲ್ಲಿರುವ ಸ್ಯಾನ್ ಆಂಟೊನಿಯೋದಲ್ಲಿ ಸೋಮವಾರ ತಾಪಮಾನ 103 ಡಿಗ್ರಿ ಫ್ಯಾರನ್‌ಹೀಟ್ (39.4 ಡಿಗ್ರಿ ಸೆಲ್ಸಿಯಸ್) ತಲುಪಿತ್ತು.
2017ರ ಜುಲೈನಲ್ಲಿ ವಾಲ್ ಮಾರ್ಟ್ ಪಾರ್ಕಿಂಗ್ ಸ್ಥಳದಲ್ಲಿ ಟ್ರ್ಯಾಕ್ಟರ್- ಟ್ರೈಲರ್‌ನ ಒಳಗೆ ಸಾಗಣೆ ಮಾಡುತ್ತಿದ್ದ 10 ವಲಸಿಗರ ಶವಗಳನ್ನು ಸ್ಯಾನ್ ಆಂಟೋನಿಯೋ ಪೊಲೀಸರು ಪತ್ತೆ ಮಾಡಿದ್ದರು.