ಕ್ಷುದ್ರಗ್ರಹ ಎಂದುಕೊಂಡ ನಿಗೂಢ ವಸ್ತು ನಾಸಾದ ಗತಕಾಲದ ವಿಫಲ ರಾಕೆಟ್ ಎಂದು ಗೊತ್ತಾದಾಗ..!
ಖಗೋಳ ವಿಜ್ಞಾನಿಗಳು ಕ್ಷುದ್ರಗ್ರಹ ಎಂದು ನಂಬಿದ್ದ ರಹಸ್ಯಮಯ ಬಾಹ್ಯಾಕಾಶ ವಸ್ತುವೊಂದು ಅಸಲಿಗೆ ಕ್ಷುದ್ರಗ್ರಹವಾಗಿರದೇ, 1966ರಲ್ಲಿ ನಾಸಾ ಉಡಾಯಿಸಿದ್ದ ಸೆಂಟೌರ್ ರಾಕೆಟ್ನ ಅವಶೇಷ ಎಂಬುದು ಇದೀಗ ಸಾಬೀತಾಗಿದೆ.
Vijaya Karnataka Web 12 Oct 2020, 11:37 pm
ವಾಷಿಂಗ್ಟನ್: ಇತ್ತೀಚಿಗೆ ಕ್ಷುದ್ರಗ್ರಹವೊಂದು ಅತ್ಯಂತ ವೇಗವಾಗಿ ಭೂಮಿಯತ್ತ ಬರುತ್ತಿರುವುದನ್ನು ನಾಸಾ ಪತ್ತೆ ಮಾಡಿತ್ತು. ಭೂಮಿ ಕಕ್ಷೆಯನ್ನು ಪ್ರವೇಶಿಸಿದ್ದ ಈ ಕ್ಷುದ್ರಗ್ರಹ ಗಂಟೆಗೆ 1,500 ಮೈಲಿ (2,414 ಕಿ.ಮೀ) ವೇಗದಲ್ಲಿ ಭೂಮಿಯತ್ತ ಧಾವಿಸುತ್ತಿದೆ ಎಂದು ನಾಸಾ ಅಂದಾಜಿಸಿತ್ತು.
ಆದರೆ ಹೊಸ ಅಧ್ಯಯನಗಳಿಂದ ಇದು ಕ್ಷುದ್ರಗ್ರಹವಾಗಿರದೇ ನಾಸಾದ ಗತಕಾಲದ ವಿಫಲ ರಾಕೆಟ್ವೊಂದರ ಬಿಡಿಭಾಗ ಎಂಬುದು ಸಾಬೀತಾಗಿದೆ. ಈ ಮೂಲಕ ಇದೇ ಮೊದಲ ಬಾರಿಗೆ ಮಾನವ ನಿರ್ಮಿತ ರಾಕೆಟ್ನ ಬಿಡಭಾಗವೊಂದನ್ನು, ಕ್ಷುದ್ರಗ್ರಹ ಎಂದು ತಪ್ಪಾಗಿ ಭಾವಿಸಿದ ಅಪರೂಪದ ಪ್ರಸಂಗ ಜರುಗಿದೆ.
ಹವಾಯಿಯಲ್ಲಿರುವ ದೂರದರ್ಶಕ ಯಂತ್ರದಿಂದ ವಿಕ್ಷೀಸಿದಾಗ, ರಹಸ್ಯಮಯ ಬಾಹ್ಯಾಕಾಶ ವಸ್ತುವೊಂದು ಭೂಮಿಯತ್ತ ಅತ್ಯಂತ ವೇಗವಾಗಿ ಧಾವಿಸಿತ್ತಿರುವುದನ್ನು ನಾಸಾದ ಖಗೋಳ ವಿಜ್ಞಾನಿಗಳು ದಾಖಲಿಸಿದ್ದರು. ಇದನ್ನು ಕ್ಷುದ್ರಗ್ರಹ ಎಂದು ಬಗೆದ ಖಗೋಳ ವಿಜ್ಞಾನಿಗಳು, ಇದಕ್ಕೆ 2020 SO ಎಂದು ನಾಮಕರಣವನ್ನೂ ಮಾಡಿ ಬಿಟ್ಟಿದ್ದರು.
ಭೂಮಿಗೆ ಅತ್ಯಂತ ಸಮೀಪದಿಂದ ಹಾದು ಹೋಗಲಿದೆ ಶಾಲಾ ಬಸ್ ಗಾತ್ರದ 2020 SW ಕ್ಷುದ್ರಗ್ರಹ!
ಆದರೆ ನಾಸಾದ ಸೆಂಟರ್ ಫಾರ್ ನಿಯರ್-ಅರ್ಥ್ ಆಬ್ಜೆಕ್ಟ್ ಸ್ಟಡೀಸ್ ನಿರ್ದೇಶಕ ಪಾಲ್ ಚೋಡಾಸ್, ಇದು ಕ್ಷುದ್ರಗ್ರಹವಾಗಿರದೇ 1966ರಲ್ಲಿ ಚಂದ್ರನಡೆಗೆ ಉಡಾಯಿಸಲಾಗಿದ್ದ ಸೆಂಟೌರ್ ರಾಕೆಟ್ನ ಅವಶೇಷ ಎಂದು ಸಾಬೀತುಪಡಿಸಿದ್ದಾರೆ.
1966ರಲ್ಲಿ ನಾಸಾ ಚಂದ್ರನ ನೆಲಕ್ಕೆ ಸರ್ವೇಯರ್-2 ಎಂಬ ಲ್ಯಾಂಡರ್ನ್ನು ಸೆಂಟೌರ್ ರಾಕೆಟ್ ಮೂಲಕ ಕಳುಹಿಸಿತ್ತು. ಆದರೆ ಈ ಯೋಜನೆ ವಿಫಲವಾಗಿ ರಾಕೆಟ್ ಸೂರ್ಯನ ಕಕ್ಷೆಗೆ ತಿರುಗಿ ಮಾಯವಾಗಿತ್ತು. ನಾಸಾ ಮತ್ತೆಂದೂ ಈ ರಾಕೆಟ್ನ ನಿರ್ದಿಷ್ಟ ಸ್ಥಳವನ್ನು ಪತ್ತೆ ಹಚ್ಚಲು ಮುಂದಾಗಲಿಲ್ಲ.
ಆದರೆ ಸರ್ವೇಯರ್-2 ಯೋಜನೆ ವಿಫಲವಾಆಗಿ 54 ವರ್ಷಗಳ ಬಳಿಕ ಇದೀಗ ಸೆಂಟೌರ್ ರಾಕೆಟ್ನ ಅವಶೇಷ ಭುಮಿಯತ್ತ ಮುನ್ನಗ್ಗಿ ಬರುತ್ತಿದ್ದು, ಇದನ್ನು ನಾಸಾ ಕ್ಷುದ್ರಗ್ರಹ ಎಂದು ತಪ್ಪಾಗಿ ಅರ್ಥೈಸಿತ್ತು.
ಭೂಮಿಯ ಅತ್ಯಂತ ಸಮೀಪದಿಂದ ಹಾದು ಹೋಗಲಿದೆ ಫೇಸ್ ಮಾಸ್ಕ್ ಧರಿಸಿದಂತೆ ಕಾಣುವ ಕ್ಷುದ್ರಗ್ರಹ!
ಇನ್ನು ಸೆಂಟೌರ್ ರಾಕೆಟ್ನ ಈ ಅವಶೇಷ ಭೂಮಿಗೆ ಅಪ್ಪಳಿಸುವುದಿಲ್ಲ ಎಂದು ಸ್ಪಷ್ಟಪಡಿಸಿರುವ ಪಾಲ್ ಚೋಡಾಸ್, ಮುಂದಿನ ನಾಲ್ಕು ತಿಂಗಳುಗಳ ಕಾಲ ಭೂಕ್ಷಕೆಯಲ್ಲೇ ಸುತ್ತಲಿರುವ ಈ ಅವಶೇಷ, ಮತ್ತೆ ಸೂರ್ಯನ ಕಕ್ಷೆಗೆ ತಳ್ಳಲ್ಪಡುತ್ತದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಅಂದರೆ ಸೆಂಟೌರ್ ರಾಕೆಟ್ನ ಈ ಅವಶೇಷ ಬಾಹ್ಯಾಕಾಶದಲ್ಲೇ ಉಳಿಯಲಿದೆ.
ಆದರೆ ಹೊಸ ಅಧ್ಯಯನಗಳಿಂದ ಇದು ಕ್ಷುದ್ರಗ್ರಹವಾಗಿರದೇ ನಾಸಾದ ಗತಕಾಲದ ವಿಫಲ ರಾಕೆಟ್ವೊಂದರ ಬಿಡಿಭಾಗ ಎಂಬುದು ಸಾಬೀತಾಗಿದೆ. ಈ ಮೂಲಕ ಇದೇ ಮೊದಲ ಬಾರಿಗೆ ಮಾನವ ನಿರ್ಮಿತ ರಾಕೆಟ್ನ ಬಿಡಭಾಗವೊಂದನ್ನು, ಕ್ಷುದ್ರಗ್ರಹ ಎಂದು ತಪ್ಪಾಗಿ ಭಾವಿಸಿದ ಅಪರೂಪದ ಪ್ರಸಂಗ ಜರುಗಿದೆ.
ಹವಾಯಿಯಲ್ಲಿರುವ ದೂರದರ್ಶಕ ಯಂತ್ರದಿಂದ ವಿಕ್ಷೀಸಿದಾಗ, ರಹಸ್ಯಮಯ ಬಾಹ್ಯಾಕಾಶ ವಸ್ತುವೊಂದು ಭೂಮಿಯತ್ತ ಅತ್ಯಂತ ವೇಗವಾಗಿ ಧಾವಿಸಿತ್ತಿರುವುದನ್ನು ನಾಸಾದ ಖಗೋಳ ವಿಜ್ಞಾನಿಗಳು ದಾಖಲಿಸಿದ್ದರು. ಇದನ್ನು ಕ್ಷುದ್ರಗ್ರಹ ಎಂದು ಬಗೆದ ಖಗೋಳ ವಿಜ್ಞಾನಿಗಳು, ಇದಕ್ಕೆ 2020 SO ಎಂದು ನಾಮಕರಣವನ್ನೂ ಮಾಡಿ ಬಿಟ್ಟಿದ್ದರು.
ಭೂಮಿಗೆ ಅತ್ಯಂತ ಸಮೀಪದಿಂದ ಹಾದು ಹೋಗಲಿದೆ ಶಾಲಾ ಬಸ್ ಗಾತ್ರದ 2020 SW ಕ್ಷುದ್ರಗ್ರಹ!
ಆದರೆ ನಾಸಾದ ಸೆಂಟರ್ ಫಾರ್ ನಿಯರ್-ಅರ್ಥ್ ಆಬ್ಜೆಕ್ಟ್ ಸ್ಟಡೀಸ್ ನಿರ್ದೇಶಕ ಪಾಲ್ ಚೋಡಾಸ್, ಇದು ಕ್ಷುದ್ರಗ್ರಹವಾಗಿರದೇ 1966ರಲ್ಲಿ ಚಂದ್ರನಡೆಗೆ ಉಡಾಯಿಸಲಾಗಿದ್ದ ಸೆಂಟೌರ್ ರಾಕೆಟ್ನ ಅವಶೇಷ ಎಂದು ಸಾಬೀತುಪಡಿಸಿದ್ದಾರೆ.
1966ರಲ್ಲಿ ನಾಸಾ ಚಂದ್ರನ ನೆಲಕ್ಕೆ ಸರ್ವೇಯರ್-2 ಎಂಬ ಲ್ಯಾಂಡರ್ನ್ನು ಸೆಂಟೌರ್ ರಾಕೆಟ್ ಮೂಲಕ ಕಳುಹಿಸಿತ್ತು. ಆದರೆ ಈ ಯೋಜನೆ ವಿಫಲವಾಗಿ ರಾಕೆಟ್ ಸೂರ್ಯನ ಕಕ್ಷೆಗೆ ತಿರುಗಿ ಮಾಯವಾಗಿತ್ತು. ನಾಸಾ ಮತ್ತೆಂದೂ ಈ ರಾಕೆಟ್ನ ನಿರ್ದಿಷ್ಟ ಸ್ಥಳವನ್ನು ಪತ್ತೆ ಹಚ್ಚಲು ಮುಂದಾಗಲಿಲ್ಲ.
ಆದರೆ ಸರ್ವೇಯರ್-2 ಯೋಜನೆ ವಿಫಲವಾಆಗಿ 54 ವರ್ಷಗಳ ಬಳಿಕ ಇದೀಗ ಸೆಂಟೌರ್ ರಾಕೆಟ್ನ ಅವಶೇಷ ಭುಮಿಯತ್ತ ಮುನ್ನಗ್ಗಿ ಬರುತ್ತಿದ್ದು, ಇದನ್ನು ನಾಸಾ ಕ್ಷುದ್ರಗ್ರಹ ಎಂದು ತಪ್ಪಾಗಿ ಅರ್ಥೈಸಿತ್ತು.
ಭೂಮಿಯ ಅತ್ಯಂತ ಸಮೀಪದಿಂದ ಹಾದು ಹೋಗಲಿದೆ ಫೇಸ್ ಮಾಸ್ಕ್ ಧರಿಸಿದಂತೆ ಕಾಣುವ ಕ್ಷುದ್ರಗ್ರಹ!
ಇನ್ನು ಸೆಂಟೌರ್ ರಾಕೆಟ್ನ ಈ ಅವಶೇಷ ಭೂಮಿಗೆ ಅಪ್ಪಳಿಸುವುದಿಲ್ಲ ಎಂದು ಸ್ಪಷ್ಟಪಡಿಸಿರುವ ಪಾಲ್ ಚೋಡಾಸ್, ಮುಂದಿನ ನಾಲ್ಕು ತಿಂಗಳುಗಳ ಕಾಲ ಭೂಕ್ಷಕೆಯಲ್ಲೇ ಸುತ್ತಲಿರುವ ಈ ಅವಶೇಷ, ಮತ್ತೆ ಸೂರ್ಯನ ಕಕ್ಷೆಗೆ ತಳ್ಳಲ್ಪಡುತ್ತದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಅಂದರೆ ಸೆಂಟೌರ್ ರಾಕೆಟ್ನ ಈ ಅವಶೇಷ ಬಾಹ್ಯಾಕಾಶದಲ್ಲೇ ಉಳಿಯಲಿದೆ.