ಅಮೆರಿಕ ನೆಲದಲ್ಲಿ ಸುಷ್ಮಾರನ್ನು ಹೊಗಳಿದ ಮೋದಿ

ವಾಷಿಂಗ್ಟನ್: ಇಟಲಿಯಲ್ಲಿರಲಿ, ಪಾಕಿಸ್ತಾನದಲ್ಲಿರಲಿ...ಭಾರತೀಯರು ಯಾರೇ, ವಿಶ್ವದ ಯಾವ ಮೂಲೆಯಲ್ಲಿಯೇ ಸಂಕಷ್ಟದಲ್ಲಿದ್ದರೂ ಒಂದು ಟ್ವೀಟ್ ಮಾಡಿದರೆ ಸಾಕು, ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ತಕ್ಷಣವೇ ಕಾರ್ಯಪ್ರವೃತ್ತರಾಗುತ್ತಾರೆ. ಸಂಬಂಧಿಸಿದ ರಾಯಭಾರ ಕಚೇರಿಗೆ ತಕ್ಷಣವೇ ಆಗತ್ಯ ನೆರವು ನೀಡುವಂತೆ ಟ್ವೀಟ್ ಮೂಲಕವೇ ಆದೇಶಿಸಿ, ಕೆಲಸ ಆಗುವಂತೆ ನೋಡಿಕೊಳ್ಳುತ್ತಾರೆ.

ಸುಷ್ಮಾ ಟ್ವೀಟರ್‌ನಲ್ಲಿ ಸಿಕ್ಕಾಪಟ್ಟೆ ಸಕ್ರಿಯರಾಗಿರುವುದರಿಂದ ಶ್ರೀಸಾಮಾನ್ಯನಿಗೂ ಸುಲಭವಾಗಿಯೇ ಎಟಕುತ್ತಿದ್ದಾರೆ. ಭಾರತದ ವೈರಿ ದೇಶ ಪಾಕಿಸ್ತಾನದ ಪ್ರಜೆಗೂ, ಮಗುವಿನ ಹೃದಯ ಶಸ್ತ್ರ ಚಿಕಿತ್ಸೆಗೆ ನೆರವು ನೀಡಿ, ಸೈ ಎನಿಸಿಕೊಂಡವರು ಸುಷ್ಮಾ. ಈ ಕಾರಣದಿಂದಲೇ ಪಾಕಿಸ್ತಾನಿಯೂ 'ಜೈ ಹಿಂದ್' ಮಂತ್ರ ಜಪಿಸುವಂತೆ ಮಾಡಿದರು.

Our foreign ministry and in particular our foreign minister, @SushmaSwaraj has shown the way in helping people: PM @narendramodi pic.twitter.com/NtJ7ShaJDB — PMO India (@PMOIndia) 25 June 2017
ಪ್ರಧಾನಿ ಮೋದಿ ಮೂರು ದೇಶಗಳ ಪ್ರವಾಸದಲ್ಲಿದ್ದು, ಅಮೆರಿಕದ ನೆಲದಲ್ಲಿ ಭಾರತೀಯರನ್ನು ಉದ್ದೇಶಿಸಿ ಮಾತನಾಡಿದ ಮೋದಿ, ಸುಷ್ಮಾ ಸ್ವರಾಜ್ ಅವರ ಈ ಕಾರ್ಯ ವೈಖರಿಯನ್ನು ಬಾಯಿ ತುಂಬಿ ಹೊಗಳಿದ್ದಾರೆ. ಇದನ್ನು ಖುದ್ದು ಪ್ರಧಾನಿ ಟ್ವೀಟ್ ಮಾಡಿದ್ದು, ಆ ಟ್ವೀಟನ್ನು ಸುಷ್ಮಾ ರೀ ಟ್ವೀಟ್ ಮಾಡಿದ್ದಾರೆ.

'ವಿದೇಶಾಂಗ ಸಚಿವಾಲಯದ ಈ ನಡೆಯಿಂದ ವಿಶ್ವದ ಎಲ್ಲೆಡೆ ಇರುವ ಭಾರತೀಯ ಪ್ರಜೆಗಳಿಗೆ ಭದ್ರತಾ ಭಾವನೆ ಮೂಡುವಂತಾಗಿದೆ,' ಎಂದು ಅವರು ಹೇಳಿದರು

ಭಾರತದೊಂದಿಗೆ ಸಂಪರ್ಕ ಹೊಂದಿರುವಂತೆ ಅನಿವಾಸಿ ಭಾರತೀಯರಿಗೂ ಮೋದಿ, ಕರೆ ನೀಡಿದ್ದಾರೆ.

ಕಷ್ಟದಲ್ಲಿರುವವರಿಗೆ ಸುಷ್ಮಾ ನೀಡುವ ನೆರವಿನ ಬಗ್ಗೆ ಹೇಳಿದ ಮಾತುಗಳಿವು...
WATCH: PM Modi praises @sushmaswaraj's social media presence and her speedy help to Indians in distress#ModiInUS #GrowingTogether pic.twitter.com/Oh0gvPjcwy — Times of India (@timesofindia) 25 June 2017