ಬಿಗ್ ಬ್ಯಾಂಗ್ ಬಳಿಕ ಮತ್ತೊಂದು ಮಹಾ ಸ್ಫೋಟ: ಬಲ್ಲವರ‍್ಯಾರು ಬ್ರಹ್ಮಾಂಡದ ಆಟ?

ವಾಷಿಂಗ್ಟನ್: ವಿಶ್ವ ರಚನೆಗೆ ಮೂಲ ಕಾರಣವಾಗಿರುವ ಬಿಗ್ ಬ್ಯಾಂಗ್ ಅಥವಾ ಮಹಾ ವಿಸ್ಫೋಟದ ಕುರಿತು ಖಗೋಳ ವಿಜ್ಞಾನಿಗಳು ಎಡಬಿಡದೇ ಅಧ್ಯಯನ ನಡೆಸಿದ್ದಾರೆ. ಬ್ರಹ್ಮಾಂಡದ ಉಗಮಕ್ಕೆ ಕಾರಣವಾಗಿರರುವ ಈ ಮಹಾ ವಿಸ್ಫೋಟದ ಅನುಕರಣೆಯನ್ನೂ ಭೂಮಿ ಮೇಲೆ ಈಗಾಗಲೇ ಮಾಡಿಯಾಗಿದೆ.

ಆದರೆ ಬಿಗ್ ಬ್ಯಾಂಗ್ ಬಳಿಕ ನಮ್ಮ ಬ್ರಹ್ಮಾಂಡದಲ್ಲಿ ಮತ್ತೆಂದೂ ಸ್ಫೋಟ ಸಂಭವಿಸಿಯೇ ಇಲ್ಲವೇ ಎಂಬ ಪ್ರಶ್ನೆಗೆ ಇದೀಗ ಉತ್ತರ ಸಿಕ್ಕಿದೆ. ಬಿಗ್ ಬ್ಯಾಂಗ್ ಬಳಿಕ ಈ ಅನಂತ ವಿಶ್ವದಲ್ಲಿ ಮತ್ತೊಂದು ಭಾರೀ ಸ್ಫೋಟ ಸಂಭವಿಸಿರುವುದು ದೃಢಪಟ್ಟಿದೆ.

ಭೂಮಿಯಿಂದ ಸುಮಾರು 390 ಮಿಲಿಯನ್ ಜ್ಯೋತಿರ್ವರ್ಷ ದೂರದಲ್ಲಿರುವ ಬೃಹತ್ ಕಪ್ಪುಕುಳಿ(ಬ್ಲ್ಯಾಕ್ ಹೋಲ್) ವಿಸ್ಫೋಟದಿಂದಾಗಿ ಬ್ರಹ್ಮಾಂಡದಲ್ಲಿ ಅಗಾಧ ಪ್ರಮಾಣದ ಶಕ್ತಿಯ ಹರಿಯುವಿಕೆಯನ್ನು ಖಗೋಳ ವಿಜ್ಞಾನಿಗಳು ಗುರುತಿಸಿದ್ದಾರೆ.

ವಸುಧೆಯ ಮಡಿಲಿಗೆ ಮತ್ತೊಂದು ಚಂದಿರ: 'ಮಿನಿ ಮೂನ್' ಎಂಬ ಕುತೂಹಲದ ಆಗರ!

ಒಫಿಯುಚಸ್ ಕ್ಲಸ್ಟರ್ ಎಂದು ಕರೆಯಲ್ಪಡುವ ಗ್ಯಾಲಕ್ಸಿಗಳ ಸಮೂಹದಲ್ಲಿ ಈ ಮಹಾ ವಿಸ್ಫೋಟ ಸಂಭವಿಸಿದ್ದು, ಈ ಹಿಂದನ ಸ್ಫೋಟದ ಐದು ಪಟ್ಟು ಅಧಿಕ ಶಕ್ತಿಯನ್ನು ಹೊರಸೂಸಿದೆ ಎಂದು ಹೇಳಲಾಗಿದೆ.

ಈ ಕುರಿತು ಮಾಹಿತಿ ನೀಡಿರುವ ಅಂತಾರಾಷ್ಟ್ರೀಯ ರೆಡಿಯೋ ಸಂಶೋಧನಾ ಕೇಂದ್ರದ ಖಗೋಳ ವಿಜ್ಞಾನಿ ಮೆಲೆನಿ ಜಾನ್ಸನ್ ಹಾಲಿಟ್, ಗ್ಯಾಲಕ್ಸಿಗಳಲ್ಲಿ ನಕ್ಷತ್ರಗಳು ಹಾಗೂ ಕಪ್ಪುಕುಳಿಳ ಸ್ಫೋಟ ಸಾಮಾನ್ಯ ಸಂಗತಿಯಾದರೂ ಈ ಬಾರಿ ಗುರುತಿಸಲಾದ ಸ್ಫೋಟ ಊಹೆಗೂ ನಿಲುಕದಷ್ಟು ಅಗಾಧವಾಗಿದೆ ಎಂದು ಹೇಳಿದ್ದಾರೆ.

15ಕ್ಕೂ ಹೆಚ್ಚು ಹಾಲುಹಾದಿ(ಮಿಲ್ಕಿ ವೇ) ಗ್ಯಾಲಕ್ಸಿಗಳನ್ನು ಸೇರಿಸಬಹುದಾದಷ್ಟು ಅಗಾಧ ಪ್ರದೇಶದಲ್ಲಿ ಈ ಮಹಾ ವಿಸ್ಫೋಟ ಸಂಭವಿಸಿದ್ದು, ಇದರಿಂದಲೇ ಇದು ಹೊರಸೂಸಿರಬಹುದಾದ ಶಕ್ತಿಯ ಪ್ರಮಾಣವನ್ನು ಅಳೆಯಬಹುದು ಎಂದು ಖಗೋಳ ವಿಜ್ಞಾನಿಗಳು ಹೇಳಿದ್ದಾರೆ.

ಮಂಗಳ ಗ್ರಹದಲ್ಲೂ ಭೂಕಂಪ: ನೆಲ ನಡುಗಿಸಲು ತೋರದು ಅನುಕಂಪ!

2016ರಲ್ಲೇ ನಾಸಾದ ಚಂದ್ರ ಆಬ್ಸರ್ವೇಟರಿ ಈ ಮಹಾ ವಿಸ್ಫೋಟದ ಕುರುಹನ್ನು ಪತ್ತೆ ಮಡಿತ್ತು. ಬಳಿಕ ನೆದ ಸುದೀರ್ಘ ಸಂಶೋಧನೆಯಲ್ಲಿ ಬಿಗ್ ಬ್ಯಾಂಗ್ ನಂತರದ ಮಹಾ ವಿಸ್ಫೋಟದ ಕುರಿತು ಖಚಿತ ಮಾಹಿತಿ ಲಭಿಸಿದೆ ಎಂದು ನಾಸಾ ಸ್ಪಷ್ಟಪಡಿಸಿದೆ.