ಲಾಹೋರ್‌: ಪದಚ್ಛುತ ಪ್ರಧಾನಿ ನವಾಜ್‌ ಷರೀಫ್‌ ಹಾಗೂ ಅವರ ಸೋದರ ಸೇರಿ ತಮ್ಮನ್ನು ಮುಗಿಸಲು ಎರಡು ಬಾರಿ ಸಂಚು ರೂಪಿಸಿದ್ದರು ಎಂದು ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಆಸಿಫ್‌ ಅಲಿ ಜರ್ದಾರಿ ಗಂಭೀರ ಆರೋಪ ಮಾಡಿದ್ದಾರೆ.
ಭ್ರಷ್ಟಾಚಾರ ಪ್ರಕರಣದಲ್ಲಿ ತಾವು ಎಂಟು ವರ್ಷಗಳ ದೀರ್ಘ ಕಾಲ ಕಾರಾಗೃಹ ಶಿಕ್ಷೆ ಅನುಭವಿಸುತ್ತಿದ್ದ ವೇಳೆ ಷರೀಫ್‌ ಬಳಗದಿಂದ ಹತ್ಯೆಗೆ ಸಂಚು ರೆಡಿಯಾಗಿತ್ತು ಎಂದಿದ್ದಾರೆ. ''1990ರಲ್ಲಿ ಸೆರೆಯಲ್ಲಿದ್ದ ನನ್ನನ್ನು ಮುಗಿಸಲು ಷರೀಫ್‌ ಅವರ ಕಿರಿಯ ಸೋದರ, ಪಂಜಾಬ್‌ ರಾಜ್ಯದ ಮುಖ್ಯಮಂತ್ರಿಯೂ ಆಗಿದ್ದ ಶಹಾಬಜ್‌ ಷರೀಫ್‌ ಹೊಂಚು ಹಾಕಿದ್ದರು,'' ಎಂದು ತಮ್ಮ ಪಕ್ಷದ ಕಾರ್ಯಕರ್ತರ ಸಭೆ ಉದ್ದೇಶಿಸಿ ಮಾತಾಡುವ ವೇಳೆ ಆರೋಪಿಸಿದ್ದಾರೆ.
ತಮ್ಮನ್ನು ಭೇಟಿಯಾಗುವಂತೆ ಷರೀಫ್‌ ಕಳಿಸಿದ್ದ ಸಂದೇಶವನ್ನು ತಿರಸ್ಕರಿಸಿದ್ದಾಗಿ ತಿಳಿಸಿದ ಜರ್ದಾರಿ, ''ನನಗೆ ಮತ್ತು ಬೆನಜೀರ್‌ ಭುಟ್ಟೋ (ತಮ್ಮ ಪತ್ನಿ) ಅವರಿಗೆ ಷರೀಫ್‌ ಮಾಡಿದ ದ್ರೋಹವನ್ನು ಮರೆಯಲು ಸಾಧ್ಯವೇ ಇಲ್ಲ,'' ಎಂದಿದ್ದಾರೆ.
Nawaz Sharif, Brother Tried To Kill Me Twice