ಇಸ್ಲಾಮಾಬಾದ್‌: ಪನಾಮಾ ಪೇಪರ್ಸ್‌ ಹಗರಣದಲ್ಲಿ ಆರೋಪಿಗಳಾಗಿರುವ ಪಾಕ್‌ ಪ್ರಧಾನಿ ನವಾಜ್‌ ಷರೀಫ್‌ ಹಾಗೂ ಅವರ ಕುಟುಂಬದ ನಾಲ್ವರು ಸದಸ್ಯರು ದೇಶ ಬಿಟ್ಟು ತೆರಳದಂತೆ ಶೀಘ್ರವೇ ನಿರ್ಬಂಧ ಹೇರಲಾಗುವುದು ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
ಪಾಕಿಸ್ತಾನದ ಭ್ರಷ್ಟಾಚಾರ ನಿಗ್ರಹ ಕಾವಲು ದಳವು, ಈ ಐದು ಮಂದಿಯ ಹೆಸರುಗಳನ್ನು, ನಿರ್ಗಮನ ನಿಯಂತ್ರಣ ಪಟ್ಟಿಯಲ್ಲಿ (ಇಸಿಎಲ್‌)ಸೇರ್ಪಡೆಗೊಳಿಸಲು ಮುಂದಾಗಿದೆಯೆಂದು ಮಾಧ್ಯಮ ವರದಿಯೊಂದು ಶನಿವಾರ ತಿಳಿಸಿದೆ.
67 ವರ್ಷದ ಷರೀಫ್‌ ಹಾಗೂ ಅವರ ಕುಟುಂಬಿಕರು ಲಂಡನ್ನಿನಲ್ಲಿ ಆಕ್ರಮ ಆಸ್ತಿ ಹೊಂದಿರುವ ಆರೋಪಕ್ಕೆ ಗುರಿಯಾಗಿದ್ದಾರೆ. ಅಘೋಷಿತ ಆದಾಯವನ್ನು ಹೊಂದಿದ ಆರೋಪದಲ್ಲಿ ಪಾಕ್‌ ಸುಪ್ರೀಂಕೋರ್ಟ್‌ ಷರೀಫ್‌ ಅವರನ್ನು ಅನರ್ಹಗೊಳಿಸಿದ್ದರಿಂದ ಅವರು ಜುಲೈನಲ್ಲಿ ಪ್ರಧಾನಿ ಹುದ್ದೆಗೆ ಹುದ್ದೆಗೆ ರಾಜೀನಾಮೆ ನೀಡಿದ್ದರು.
Nawaz Sharif, Family Members May Face Travel Restrictions