ಕೊರೊನಾ ರೋಗಿಯಂತೆ ವರ್ತಿಸಿ: ಮನೆಯಲ್ಲಿರಲು ಬೇಜಾರಾದವರಿಗೆ ನ್ಯೂಜಿಲ್ಯಾಂಡ್ ಪ್ರಧಾನಿ ಸಲಹೆ

ವೆಲ್ಲಿಂಗ್ಟನ್: ಕೊರೊನಾ ವೈರಸ್ ವಿರುದ್ಧದ ಹೋರಾಟದ ಭಾಗವಾಗಿ ಭಾರತ 21 ದಿನಗಳ ಲಾಕ್‌ಡೌನ್ ಸ್ಥಿತಿಗೆ ತಳ್ಳಲ್ಪಟ್ಟಿದೆ. ಅದರಂತೆ ವಿಶ್ವದ ಇತರ ದೇಶಗಳೂ ಲಾಕ್‌ಡೌನ್ ಸ್ಥಿತಿಗೆ ಮೊರೆ ಹೋಗಿವೆ. ಇದಕ್ಕೆ ನ್ಯೂಜಿಲ್ಯಾಂಡ್ ಕೂಡ ಹೊರತಲ್ಲ.

ನ್ಯೂಜಿಲ್ಯಾಂಡ್ ಕೂಡ ಲಾಕ್‌ಡೌನ್ ಘೋಷಿಸಿದ್ದು, ಯಾರೂ ಮನೆಯಿಂದ ಹೊರ ಬರದಂತೆ ತನ್ನ ಪ್ರಜೆಗಳಿಗೆ ಕಟ್ಟುನಿಟ್ಟಿನ ಆದೇಶ ಜಾರಿ ಮಾಡಿದೆ. ದೇಶದಲ್ಲಿ ಇದುವರೆಗೂ ಒಟ್ಟು 205 ಕೊರೊನಾ ಪ್ರಕರಣಗಳು ದಾಖಲಾಗಿದ್ದು, ಈ ಹಿನ್ನೆಲೆಯಲ್ಲಿ ರಾಷ್ಟ್ರೀಯ ತುರ್ತು ಪರಿಸ್ಥಿತಿ ಘೋಷಣೆ ಮಾಡಲಾಗಿದೆ.

undefinedಕೊರೊನಾ ವೈರಸ್‌ನಿಂದ ಲೂಕಿ ಫರ್ಗೂಸನ್‌ ಬಚಾವ್‌

ಆದರೆ ನಿರಂತರವಾಗಿ ಮನೆಯಲ್ಲಿರುವುದು ಬೇಜಾರು ಎಂದು ಗೊಣಗುತ್ತಿರುವ ಕೆಲವರಿಗೆ ನ್ಯೂಜಿಲ್ಯಾಂಡ್ ಪ್ರಧಾನಿ ಜೆಸಿಂಡಾ ಅರ್ಡೆರ್ನ್ ವಿಶೇಷ ಸಲಹೆಯೊಂದನ್ನು ನೀಡಿದ್ದಾರೆ.

ಮನೆಯಲ್ಲಿದ್ದು ಬೇಜಾರು ಎನ್ನುವವರು ತಮ್ಮನ್ನು ತಾವು ಕೋವಿಡ್-19 ರೋಗಿಯಂತೆಯೇ ಪರಿಗಣಿಸಬೇಕು. ಆಗ ಬೇಜಾರು ದೂರವಾಗಿ ಸುರಕ್ಷಿತವಾಗಿ ಇರಬೇಕು ಎಂಬ ಭಾವನೆ ಮೂಡುತ್ತದೆ ಎಂದು ಜೆಸಿಂಡಾ ಅರ್ಡೆರ್ನ್ ಅಭಿಪ್ರಾಯಪಟ್ಟಿದ್ದಾರೆ.

ಶೇಕ್ ಹ್ಯಾಂಡ್ ಹವ್ಯಾಸ; ಕೊರೊನಾ ಭೀತಿಯಲ್ಲಿ ಕೇನ್, ಫಿಂಚ್ ಮಾಡಿದ್ದೇನು?

ದೇಶಾದ್ಯಂತ ಒಂದು ತಿಂಗಳ ಲಾಕ್‌ಡೌನ್ ಘೋಷಿಸಿರುವ ಜೆಸಿಂಡಾ ಅರ್ಡೆರ್ನ್, ಈ ಒಂದು ತಿಂಗಳುಗಳ ಕಾಲ ಎಲ್ಲರೂ ಕೋವಿಡ್-19 ರೋಗಿಗಳಂತೆ ವರ್ತಿಸಿ ಎಂದು ಮನವಿ ಮಾಡಿದ್ದಾರೆ.