ಮದ್ಯ ಸೇವನೆಯಿಂದ ವರ್ಷಕ್ಕೆ 28 ಲಕ್ಷ ಸಾವು

ಹ್ಯೂಸ್ಟನ್‌: ಮದ್ಯ ಸೇವನೆಯಿಂದ ವಿಶ್ವದಾದ್ಯಂತ ವರ್ಷಕ್ಕೆ 28 ಲಕ್ಷ ಜನ ಮೃತಪಡುತ್ತಿದ್ದಾರೆ ಎಂದು ಅಧ್ಯಯನ ವರದಿ ತಿಳಿಸಿದೆ.

ಇತ್ತೀಚಿನ ವರ್ಷಗಳಲ್ಲಿ ಯುವ ಸಮುದಾಯದಲ್ಲಿ ಮದ್ಯ ಸೇವನೆ ಪ್ರಮಾಣ ಹೆಚ್ಚುತ್ತಿದೆ. ಇದರಿಂದ ಕ್ಯಾನ್ಸರ್‌, ಹೃದಯ ಸಂಬಂಧ ಕಾಯಿಲೆ ಸೇರಿದಂತೆ ನಾನಾ ಬಗೆಯ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತಿವೆ. ಇದರ ಜತೆಗೆ ಅಪಘಾತಗಳೂ ಹೆಚ್ಚುತ್ತಿವೆ ಎಂದು ವಾಷಿಂಗ್ಟನ್‌ ವಿವಿ ನಡೆಸಿದ 'ಗ್ಲೋಬಲ್‌ ಬರ್ಡನ್‌ ಆಫ್‌ ಡಿಸೀಸಿಸ್‌' ಅಧ್ಯಯನ ವರದಿ ತಿಳಿಸಿದೆ. ಮದ್ಯ ಸೇವನೆಗೆ ಬಲಿಯಾಗುವವರಲ್ಲಿ 15ರಿಂದ 49 ವರ್ಷದೊಳಗಿನವರೇ ಹೆಚ್ಚು ಎಂದು ವರದಿಯಿಂದ ತಿಳಿದುಬಂದಿದೆ.