ಸೋಲ್‌: ಶುಕ್ರವಾರ ತಿಂಗಳಲ್ಲಿ 2ನೇ ಬಾರಿಗೆ ಐಸಿಬಿಎಂ ಕ್ಷಿಪಣಿಯ ಪರೀಕ್ಷಾರ್ಥ ಪ್ರಯೋಗ ನಡೆಸಿದ ಬಳಿಕ ಬಡಾಯಿ ಕೊಚ್ಚಿಕೊಳ್ಳುವುದನ್ನು ಇನ್ನೊಂದು ಸ್ತರಕ್ಕೆ ಕೊಂಡೊಯ್ದಿರುವ ಉತ್ತರ ಕೊರಿಯಾದ ಅಧ್ಯಕ್ಷ ಕಿಂ ಜಾಂಗ್‌ ಉನ್‌, ತಾವು ಮನಸ್ಸು ಮಾಡಿದ್ದೇ ಆದಲ್ಲಿ ಇಡೀ ಅಮೆರಿಕವನ್ನು ಅರೆಕ್ಷಣದಲ್ಲಿ ಉಡಾಯಿಸಬಲ್ಲೆವು ಎನ್ನುವ ಮೂಲಕ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ಗೆ ನೇರ ಸವಾಲೆಸೆದಿದ್ದಾರೆ.
ವಿಶ್ವಸಂಸ್ಥೆಯ ಡಜನ್‌ಗಟ್ಟಲೆ ನಿರ್ಬಂಧಗಳು ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪದೇಪದೆ ವ್ಯಕ್ತವಾಗುತ್ತಿರುವ ಖಂಡನೆ-ಟೀಕೆಗಳ ಹೊರತಾಗಿಯೂ 'ಪರಮಾಣು ದಾಳಿಯ ಸಾಮರ್ಥ್ಯ'ದ ಮೇಲಿನ ತನ್ನ ನಂಬಿಕೆಯನ್ನು ವೃದ್ಧಿಸಿಕೊಳ್ಳುತ್ತಲೇ ಮುನ್ನುಗ್ಗುತ್ತಿದೆ ಕಿಂ ಜಾಂಗ್‌ ಉನ್‌ ನಾಯಕತ್ವದ ಉತ್ತರ ಕೊರಿಯಾ.
'ಕ್ಷಿಪಣಿ ಪರೀಕ್ಷಾರ್ಥ ಪ್ರಯೋಗ' ಎಂಬುದರ ಅರ್ಥ ಅಮೆರಿಕಕ್ಕೆ ನಾವು ರವಾನಿಸುತ್ತಿರುವ ಕಟ್ಟೆಚ್ಚರ. ಯಾವುದೇ ಸ್ಥಳದಲ್ಲಿ ಯಾವುದೇ ಘಳಿಗೆಯಲ್ಲಿ ದಾಳಿಗೈಯ್ಯುವ ಸಾಮರ್ಥ್ಯ ಉತ್ತರ ಕೊರಿಯಾಕ್ಕಿದೆ ಎಂದು ಕಿಂ ಹೇಳಿಕೊಂಡಿರುವುದಾಗಿ ಕೊರಿಯನ್‌ ಸೆಂಟ್ರಲ್‌ ನ್ಯೂಸ್‌ ಏಜೆನ್ಸಿ ಪ್ರಕಟಿಸಿದೆ.
North Korea claims all of US within missile range
North Korea said on Saturday it had conducted another successful test of an intercontinental ballistic missile (ICBM) that proved its ability to strike all of America's mainland, drawing a sharp warning from US President Donald Trump and a rebuke from China.