ಕೈ ಕೊಟ್ಟರೆ ವಿಮಾನವನ್ನೇ ಉರುಳಿಸುವೆ...

ಬರ್ಲಿನ್: ತನ್ನನ್ನು ಬಿಟ್ಟು ಹೋದರೆ 200 ಪ್ರಯಾಣಿಕರನ್ನೊಳಗೊಂಡ ವಿಮಾನವನ್ನು ಮಾರ್ಗಮಧ್ಯದಲ್ಲೇ ಪತನಗೊಳಿಸುವುದಾಗಿ ಪೈಲಟ್ ಒಬ್ಬ ಪತ್ನಿಯನ್ನು ಬೆದರಿಸಿದ ವಿಲಕ್ಷಣ ಘಟನೆ ವರದಿಯಾಗಿದೆ.

ರೋಮ್‌ನಿಂದ ಜಪಾನ್‌ಗೆ ಹೊರಡಬೇಕಿದ್ದ ವಿಮಾನದ ಪೈಲಟ್, ಟೇಕಾಫ್‌ಗೆ ಮುನ್ನ ತನ್ನ ಪತ್ನಿಗೆ ಟೆಕ್ಸ್ಟ್ ಮೆಸೇಜ್ ಮೂಲಕ ಈ ಬೆದರಿಕೆ ಹಾಕಿದ್ದಾನೆ. ತನ್ನನ್ನು ಬಿಟ್ಟು ಹೋದರೆ, ವಿಮಾನವನ್ನು ಬೀಳಿಸಿ, ಪ್ರಯಾಣಿಕರೊಂದಿಗೆ ಪ್ರಾಣ ಬಿಡುವುದಾಗಿ ಹೆದರಿಸಿದ್ದಾನೆ.

ಆದರೆ, ಆತನ ಪತ್ನಿಯಿಂದ ವಿಷಯ ತಿಳಿದ ಪೊಲೀಸರು, ರೋಮ್‌ನಿಂದ ವಿಮಾನ ಟೇಕ್ ಆಫ್ ಆಗುವ ಕೆಲ ಕ್ಷಣಗಳ ಮುನ್ನ ಪೈಲಟ್‌ನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. ಈ ಪ್ರಕರಣ ನಡೆದಿರುವುದು ಕಳೆದ ವರ್ಷದ ಜನವರಿಯಲ್ಲಾದರೂ, ಇದುವರೆಗೂ ಪ್ರಯಾಣಿಕರಿಗೆ ವಿಷಯ ಬಹಿರಂಗಪಡಿಸಿರಲಿಲ್ಲ ಎಂದು ‘ದಿ ಟೈಮ್ಸ್ ’ ಪತ್ರಿಕೆ ವರದಿ ಮಾಡಿದೆ.

ಜರ್ಮನ್ ಪೈಲಟ್ ಒಬ್ಬರು ಉದ್ದೇಶಪೂರ್ವಕವಾಗಿ ವಿಮಾನವನ್ನು ‘ಆಲ್ಪ್ಸ್’ ಪರ್ವತಕ್ಕೆ ಡಿಕ್ಕಿಹೊಡೆಸಿ, 149 ಜನರ ಸಾವಿಗೆ ಕಾರಣವಾದ ಘಟನೆಯ 2 ತಿಂಗಳ ಮುನ್ನವಷ್ಟೇ ಈ ಬೆದರಿಕೆ ಪ್ರಕರಣ ನಡೆದಿದೆ.