ಬೇಹುಗಾರಿಕೆ ಆರೋಪ: ತನ್ನದೇ ಬ್ರಿಗೇಡಿಯರ್‌ ನನ್ನು ಗಲ್ಲಿಗೇರಿಸಿದ ಪಾಕ್

ಇಸ್ಲಾಮಾಬಾದ್‌: ವಿದೇಶಗಳಿಗೆ ಪಾಕ್‌ ಸೇನೆಯ ರಹಸ್ಯಗಳನ್ನು ಸೋರಿಕೆ ಮಾಡು ತ್ತಿದ್ದ ಆರೋಪದ ಮೇರೆಗೆ ಬ್ರಿಗೇಡಿಯರ್‌ ರಾಜಾ ರಿಜ್ವಾನ್‌ರನ್ನು ಭಾನುವಾರ ಗಲ್ಲಿಗೇರಿಸಲಾಗಿದೆ. 2019ರ ಮೇನಲ್ಲಿ ರಿಜ್ವಾನ್‌ಗೆ ಗಲ್ಲು ಶಿಕ್ಷೆಯನ್ನು ಪಾಕಿಸ್ತಾನ ಸೇನಾ ಕೋರ್ಟ್‌ ವಿಧಿಸಿತ್ತು.

ಅವರೊಂದಿಗೆ ಸಹಕರಿಸಿದ ಆರೋಪ ಹೊತ್ತಿರುವ ಲೆಫ್ಟಿನೆಂಟ್‌ ಜನರಲ್‌ ಜಾವೇದ್‌ ಇಕ್ಬಾಲ್‌ಗೆ 14 ವರ್ಷಗಳ ಕಠಿಣ ಜೈಲುವಾಸ ವನ್ನು ಪಾಕ್‌ ಸೇನಾ ಮುಖ್ಯಸ್ಥ ಜನರಲ್‌ ಕ್ಯುಮರ್‌ ಜಾವೇದ್‌ ಬಾಜ್ವಾ ವಿಧಿಸಿದ್ದಾರೆ. ಪಾಕಿಸ್ತಾನ ಸೇನಾ ಕಾಯಿದೆ ಅನ್ವಯ ಫೀಲ್ಡ್‌ ಜನರಲ್‌ ಕೋರ್ಟ್‌ ಮಾರ್ಷಲ್‌ನಲ್ಲಿ ವಿಚಾರಣೆಗೆ ಒಳಪಡಿಸಿ ಶಿಕ್ಷೆ ಜಾರಿಗೊಳಿಸಲಾಯಿತು ಎಂದು ಪಾಕ್‌ ಸೇನೆ ಪ್ರಕಟಣೆ ಹೊರಡಿಸಿದೆ.

2017ರಲ್ಲಿ ಭಾರತೀಯ ನೌಕಾಪಡೆ ಮಾಜಿ ಅಧಿಕಾರಿ ಕುಲಭೂಷಣ್‌ ಜಾಧವ್‌ ವಿರುದ್ಧ ಬೇಹುಗಾರಿಕೆ, ಸ್ಥಳೀಯರ ಮೇಲೆ ಬಾಂಬ್‌ ದಾಳಿಗೆ ಸಂಚು ಹಾಗೂ ಇತರ ಆರೋಪಗಳನ್ನು ಹೊರಿಸಿ ಪಾಕಿಸ್ತಾನ ಸೇನಾ ಕೋರ್ಟ್‌ ಗಲ್ಲುಶಿಕ್ಷೆ ವಿಧಿಸಿತ್ತು. ವಿಶ್ವದಲ್ಲಿಅತಿಹೆಚ್ಚು ಗಲ್ಲು ಶಿಕ್ಷೆಯನ್ನು ವಿಧಿಸುವ ರಾಷ್ಟ್ರಗಳ ಪೈಕಿ ಪಾಕಿಸ್ತಾನ ಕೂಡ ಒಂದಾಗಿದೆ ಎಂದು ಮಾನವಹಕ್ಕುಗಳ ರಕ್ಷಣಾ ಸಂಸ್ಥೆಯೊಂದರ ವರದಿ ಹೇಳಿದೆ.

ಚೀನಾದ ಒನ್‌ ಬೆಲ್ಟ್‌ ಒನ್‌ ರೋಡ್‌ ಯೋಜನೆ ಭಾರತದ ವಿರೋಧಕ್ಕೆ ಅಮೆರಿಕ ಬೆಂಬಲ

ಕಳೆದ ವರ್ಷ ಪಾಕಿಸ್ತಾನದಲ್ಲಿ 14 ಕೈದಿಗಳನ್ನು ಗಲ್ಲಿಗೇರಿಸಲಾಗಿದೆ. ಜತೆಗೆ 250 ಮಂದಿಗೆ ವಿವಿಧ ಪ್ರಕರಣಗಳಲ್ಲಿ ಗಲ್ಲುಶಿಕ್ಷೆ ವಿಧಿಸಲಾಗಿದೆ. ಇವರೊಂದಿಗೆ ಗುಪ್ತಚರ ಸಂಸ್ಥೆಯೊಂದರ ಸಿಬ್ಬಂದಿ ಡಾ. ವಾಸೀಮ್‌ ಅಕ್ರಂ ಅವರನ್ನು ಕೂಡ ಬೇಹುಗಾರಿಕೆ ಆರೋಪದ ಮೇರೆಗೆ ಗಲ್ಲುಶಿಕ್ಷೆಗೆ ಗುರಿಪಡಿಸಲಾಗಿದೆ.

ಇಮ್ರಾನ್‌ ಮತ್ತು ಪಾಕ್ ಸೇನಾ ಮುಖ್ಯಸ್ಥರ ನಡುವಿನ ಮನಸ್ತಾಪ ಬಹಿರಂಗ, ಶೀಘ್ರ ಸೇನಾ ದಂಗೆ?

ಆದರೆ ಇವರೆಲ್ಲರೂ ಯಾವ ರೀತಿಯಲ್ಲಿ ಬೇಹುಗಾರಿಕೆ ಚಟುವಟಿಕೆಗಳಲ್ಲಿತೊಡಗಿ ದ್ದರು ಎಂಬುದನ್ನು ಸೇನೆ ಬಹಿರಂಗಪಡಿಸಿಲ್ಲ. ಕಳೆದ 2 ವರ್ಷಗಳಲ್ಲಿಪಾಕ್‌ ಸೇನೆ ವಿವಿಧ ದರ್ಜೆಯ 400ಕ್ಕೂ ಹೆಚ್ಚು ಅಧಿಕಾರಿಗಳನ್ನು ಸೇನಾ ಕಾಯ್ದೆ ಅನ್ವಯ ಶಿಕ್ಷೆಗೆ ಗುರಿಪಡಿಸಿದೆ.