ಕಾಶ್ಮೀರ ಜಲ ವಿದ್ಯುತ್‌ ಯೋಜನೆಗಳ ಸ್ಥಗಿತಕ್ಕೆ ಪಾಕ್‌ ಆಗ್ರಹ

ಇಸ್ಲಾಮಾಬಾದ್‌: ಜಮ್ಮು ಮತ್ತು ಕಾಶ್ಮೀರದ ಕಿಶನ್‌ಗಂಗಾ ಮತ್ತು ರಾಟ್ಲ್ ಜಲವಿದ್ಯುತ್ ಯೋಜನೆಗಳನ್ನು ಸ್ಥಗಿತಗೊಳಿಸುವಂತೆ ಪಾಕಿಸ್ತಾನ ಭಾರತಕ್ಕೆ ಒತ್ತಾಯಿಸಿದೆ. ಪಾಕ್‌ನ ಎರಡು ಸಂಸದೀಯ ಸಮಿತಿಗಳು ಈ ಒತ್ತಾಯ ಮಂಡಿಸಿವೆ ಎಂದು ಡಾನ್ ಪತ್ರಿಕೆ ವರದಿ ಮಾಡಿದೆ.

ಈ ಎರಡು ಯೋಜನೆಗಳನ್ನು ಝೀಲಂ ಮತ್ತು ಚೀನಾಬ್‌ ನದಿಗಳಲ್ಲಿ ನಿರ್ಮಿಸಲಾಗುತ್ತಿದೆ.

ಪಾಕ್‌ ಸಂಸತ್ತಿನಲ್ಲಿ ವಿದೇಶಾಂಗ ವ್ಯವಹಾರಗಳ ಸಮಿತಿ ಹಾಗೂ ಜಲ ಮತ್ತು ವಿದ್ಯುತ್‌ ಸಮಿತಿಗಳು ಈ ನಿರ್ಣಯ ಅಂಗೀಕರಿಸಿದ್ದು, ಉಭಯ ದೇಶಗಳ ನಡುವಣ ಸಿಂಧೂ ನದಿ ಜಲ ಒಪ್ಪಂದದ ವಿವಾದಗಳನ್ನು ಬಗೆಹರಿಸಲು ನ್ಯಾಯಪಂಚಾಯ್ತಿ ವ್ಯವಸ್ಥೆ ರೂಪಿಸಬೇಕೆಂದು ವಿಶ್ವಬ್ಯಾಂಕ್‌ಗೆ ಒತ್ತಾಯಿಸಿವೆ.

ಇಂಡಸ್‌ ವಾಟರ್ ಟ್ರೀಟಿ (ಐಡಬ್ಲ್ಯುಟಿ) ಎಂದು ಕರೆಯಲಾಗುವ ಈ ಒಪ್ಪಂದದ ವಿಷಯದಲ್ಲಿ ವಿಶ್ವಬ್ಯಾಂಕ್‌ ಕೂಡಲೇ ಮಧ್ಯಪ್ರವೇಶಿಸಬೇಕು ಎಂದು ಪಾಕ್‌ ಆಗ್ರಹಿಸಿದೆ.

ವಿಶ್ವಬ್ಯಾಂಕ್‌ ರಾಜೀಸಂಧಾನ ವ್ಯವಸ್ಥೆ ರೂಪಿಸುವ ವರೆಗೆ ರಾಟ್ಲ್‌ ಅಣೆಕಟ್ಟು ನಿರ್ಮಾಣ ಕಾರ್ಯವನ್ನು ಸ್ಥಗಿತಗೊಳಿಸುವಂತೆ ಭಾರತದ ಮೇಲೆ ಒತ್ತಡ ಹೇರಬೇಕು ಎಂದು ಪಾಕ್ ಹೇಳಿದೆ.

ಸಿಂಧೂ ನದಿ ಜಲಹಂಚಿಕೆ ಒಪ್ಪಂದವನ್ನು ಮರುಪರಿಶೀಲಿಸುವುದಾಗಿ ಭಾರತ ಬೆದರಿಕೆ ಒಡ್ಡಿರುವ ಹಿನ್ನೆಲೆಯಲ್ಲಿ ಪಾಕಿಸ್ತಾನ ಈ ಕ್ರಮಕ್ಕೆ ಮುಂದಾಗಿದೆ.


Pakistan asks India to suspend work on Kishanganga, Ratle hydro power projects in Jammu and Kashmir

ISLAMABAD: Pakistan's two parliamentary committees in a joint resolution asked India to immediately suspend the ongoing construction of the Kishanganga and Ratle hydro power projects in Jammu and Kashmir, Dawn reported.