ಪಾಕಿಸ್ತಾನಕ್ಕೆ ಕಡುಬೂದು ಪಟ್ಟಿ ಸೇರುವ ಆತಂಕ

ಪ್ಯಾರಿಸ್‌: ಉಗ್ರ ನಿಗ್ರಹ ಹಾಗೂ ಭಯೋತ್ಪಾದನೆ ನಿಯಂತ್ರಣಕ್ಕೆ ಪ್ಯಾರಿಸ್‌ ಮೂಲದ ಹಣಕಾಸು ಕ್ರಿಯಾಸಮಿತಿ (ಎಫ್‌ಎಟಿಎಫ್‌) ನೀಡಿದ್ದ ಗಡುವು ಪಾಲಿಸುವಲ್ಲಿವಿಫಲವಾದ ಪಾಕಿಸ್ತಾನವನ್ನು ಕಡುಬೂದು ಪಟ್ಟಿಗೆ ಸೇರ್ಪಡೆಗೊಳಿಸಲು ಎಫ್‌ಎಟಿಎಫ್‌ ಸದಸ್ಯರು ತೀರ್ಮಾನಿಸಿದ್ದಾರೆ.

ರಗಳೆ ರಾಷ್ಟ್ರಕ್ಕೆ ದಂಡವೇ ಮದ್ದು: ಕೇಡು ಬಯಸುವವರಿಗೆ ಉಪಕಾರ ಮಾಡುವುದು ಅರ್ಥಹೀನ ಎಂದ ಮೋದಿ

ಮೂರು ದಿನಗಳಿಂದ ನಡೆಯುತ್ತಿರುವ ಎಫ್‌ಎಟಿಎಫ್‌ ಸಮಗ್ರ ಅಧಿವೇಶನದಲ್ಲಿ ಪಾಕ್‌ಗೆ ಉಗ್ರ ನಿಗ್ರಹಕ್ಕಾಗಿ ನೀಡಿದ್ದ 27 ಮಾರ್ಗಸೂಚಿಯ ಪಾಲನೆ ಕುರಿತು ಪರಿಶೀಲನೆ ನಡೆಸಲಾಗಿದೆ. ಆ ಪೈಕಿ ಕೇವಲ 6 ಮಾರ್ಗಸೂಚಿಗಳನ್ನು ಮಾತ್ರ ಪಾಕ್‌ ಪಾಲಿಸಿರುವುದರಿಂದ ಎಫ್‌ಎಟಿಎಫ್‌ ಸದಸ್ಯರು ಅಸಮಾಧಾನಗೊಂಡಿದ್ದಾರೆ.

ಬಾಲಾಕೋಟ್‌ ದಾಳಿ: ಭಾರತದ ಕಣ್ತಪ್ಪಿಸಲು ಉಗ್ರರಿಂದ ಸೈಲಂಟ್‌ ಕೋಡ್‌!

ಇದರಿಂದಾಗಿ ಸದಸ್ಯ ರಾಷ್ಟ್ರಗಳು ಪಾಕಿಸ್ತಾನದೊಂದಿಗೆ ಎಲ್ಲ ರೀತಿಯ ನಂಟು ಕಳೆದುಕೊಂಡು, ದೂರ ಇರಿಸಲು ನಿರ್ಧರಿಸಿವೆ ಎಂದು ತಿಳಿದುಬಂದಿದೆ. ಅಕ್ಟೋಬರ್‌ 18ರಂದು ಪಾಕಿಸ್ತಾನದ ವಿರುದ್ಧ ನಿರ್ಬಂಧ ಹೇರುವ ಬಗ್ಗೆ ಅಂತಿಮ ತೀರ್ಮಾನ ತೆಗೆದುಕೊಳ್ಳಲಿರುವ ಎಫ್‌ಎಟಿಎಫ್‌, ಕಡುಬೂದು ಪಟ್ಟಿಗೆ ಪಾಕಿಸ್ತಾನವನ್ನು ಸೇರ್ಪಡೆಗೊಳಿಸುವ ಚಿಂತನೆಯಲ್ಲಿದೆ. ಬುಧವಾರ ಈ ಕುರಿತು ಅಧಿಕೃತ ತೀರ್ಮಾನ ಹೊರಬೀಳಲಿದೆ.

ಬಾಲಕೋಟ್ ನಲ್ಲಿ ಮತ್ತೆ ಬಾಲ ಬಿಚ್ಚಿದ ಜೈಶ್, ಭಾರತದ ಮೇಲೆ ದಾಳಿಗೆ 50 ಉಗ್ರರಿಗೆ ತರಬೇತಿ!

ಕಟ್ಟಕಡೆಯ ಎಚ್ಚರಿಕೆ: ಕಡುಬೂದು ಪಟ್ಟಿಗೆ ಸೇರ್ಪಡೆ ಎಂದರೆ , ಕಟ್ಟಕಡೆಯ ಎಚ್ಚರಿಕೆಯಾಗಿದೆ. ಈ ಬಳಿಕವೂ ಮಾರ್ಗಸೂಚಿಗಳ ಪಾಲನೆಯಾಗದಿದ್ದಲ್ಲಿಪಾಕಿಸ್ತಾನವನ್ನು ಕಪ್ಪು ಪಟ್ಟಿಗೆ ಸೇರ್ಪಡೆ ಮಾಡಲಾಗುವುದು. ಹಾಗಾದಲ್ಲಿಪಾಕಿಸ್ತಾನಕ್ಕೆ ಜಾಗತಿಕವಾಗಿ ಯಾವುದೇ ರಾಷ್ಟ್ರದಿಂದ ಆರ್ಥಿಕ ನೆರವು ಅಥವಾ ಇತರ ನೆರವು ಸಿಗುವುದಿಲ್ಲ. ಜತೆಗೆ ಅಂತಾರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್‌), ವಿಶ್ವಬ್ಯಾಂಕ್‌, ಯುರೋಪಿಯನ್‌ ಬ್ಯಾಂಕ್‌ಗಳ ನೆರವು ದೊರೆಯುವುದಿಲ್ಲ. ಕಳೆದ ವರ್ಷ ಜೂನ್‌ನಲ್ಲಿಎಫ್‌ಎಟಿಎಫ್‌ ಪಾಕಿಸ್ತಾನವನ್ನು ಬೂದು ಪಟ್ಟಿಗೆ (ಗ್ರೇ ಲಿಸ್ಟ್‌) ಸೇರಿಸಿತ್ತು. ಉಗ್ರ ನಿಗ್ರಹಕ್ಕೆ ಮಾರ್ಗಸೂಚಿಗಳನ್ನು ನೀಡಿ 2019ರ ಅಕ್ಟೋಬರ್‌ ಒಳಗಾಗಿ ಅವುಗಳನ್ನು ಪೂರೈಸುವಂತೆ ಗಡುವು ನೀಡಿತ್ತು. ಸದ್ಯ ಇರಾನ್‌ ಹಾಗೂ ಉತ್ತರ ಕೊರಿಯಾ ಕಪ್ಪುಪಟ್ಟಿಗೆ ಗುರಿಯಾಗಿವೆ.