ದಿವಾಳಿ ಎದ್ದಿರುವ ಪಾಕ್ ಬಳಿ ವಿದೇಶಿ ವಿನಿಮಯಕ್ಕೆ ಉಳಿದಿರೋದು ಕತ್ತೆ ಮಾತ್ರ

ಇಸ್ಲಾಮಾಬಾದ್: ಪಾಕಿಸ್ತಾನ ಆರ್ಥಿಕವಾಗಿ ದಿವಾಳಿಯಾಗಿದ್ದು, ವಿದೇಶಿ ವಿನಿಮಯಕ್ಕಾಗಿ ಅದರ ಕತ್ತೆಯನ್ನುಳಿದು ಏನು ಕೂಡ ಉಳಿದಿಲ್ಲ. ಹೀಗಾಗಿ ನೆರೆಯ ಚೀನಾಕ್ಕೆ ಪಾಕ್ ಕತ್ತೆಗಳನ್ನು ರಫ್ತು ಮಾಡಲಿದೆ.

ವರದಿಗಳ ಪ್ರಕಾರ, ಪಾಕಿಸ್ತಾನದಲ್ಲಿ ಎರಡು ಕತ್ತೆ ಫಾರ್ಮ್‌ಗಳನ್ನು ಆರಂಭಿಸಲು ಚೀನಾ ಹಣ ಹೂಡಿಕೆ ಮಾಡಲಿದೆ. ಅಲ್ಲಿ ಕತ್ತೆಗಳನ್ನು ಸಾಕಿ ಬೆಳೆಸಿ ಬಳಿಕ ಚೀನಾಕ್ಕೆ ರಫ್ತು ಮಾಡಲಾಗುತ್ತದೆ.

ಚೀನಾ ಸರಕಾರ ಮತ್ತು ನೋಂದಾಯಿತ ಕಂಪನಿಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಕಂಪೆನಿಗಳು 3 ಬಿಲಿಯನ್ ಹೂಡಿಕೆ ಮಾಡಲಿವೆ ಎಂದು ಪಾಕ್ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

ಅಂದಾಜಿನ ಪ್ರಕಾರ, ಮೊದಲ ಮೂರು ವರ್ಷಗಳಲ್ಲಿ ಸುಮಾರು ಮೂವತ್ತು ಸಾವಿರ ಕತ್ತೆಗಳನ್ನು ರಫ್ತು ಮಾಡಲಾಗುವುದು.

ಖೈಬರ್ - ಪಖ್ತುಂಕ್ವಾ ಪ್ರಾಂತ್ಯದಲ್ಲಿ ಸುಮಾರು 70ಸಾವಿರ ಕುಟುಂಬಗಳು ಜೀವನೋಪಾಯಕ್ಕಾಗಿ ಕತ್ತೆಯನ್ನು ನೆಚ್ಚಿಕೊಂಡಿವೆ.