ಸಂಭಾವ್ಯ ಅನ್ಯಗ್ರಹ ಜೀವಿಗಳ ಯಾನದ ಅಧ್ಯಯನಕ್ಕೆ ಹೊಸ ಘಟಕ ಸ್ಥಾಪಿಸಿದ ಪೆಂಟಗನ್!

ವಾಷಿಂಗ್ಟನ್: ಈ ವಿಶಾಲ ಬ್ರಹ್ಮಾಂಡದಲ್ಲಿ ನಾವು ಒಬ್ಬಂಟಿಯೇ ಅಥವಾ ಜೀವ ಸಂಕುಲ ಬದುಕಲು ಯೋಗ್ಯವಾಗಿರುವ ಮತ್ತೊಂದು ಗ್ರಹದಲ್ಲಿ ಜೀವಿಗಳಿವೆಯೇ ಎಂಬ ಪ್ರಶ್ನೆ ಮಾನವ ನಾಗರಿಕತೆಯುದ್ದಕ್ಕೂ ಎದುರಾಗಿದೆ.

ಆಧುನಿಕ ಮಾನವ ವಿಜ್ಞಾನ ಮತ್ತು ತಂತ್ರಜ್ಞಾನದ ಸಹಾಯದಿಂದ ಈ ಪ್ರಶ್ನೆಗೆ ಉತ್ತರ ಕಂಡುಕೊಳ್ಳುವ ಹಂತಕ್ಕೆ ಬಂದು ತಲುಪಿದ್ದಾನೆ. ಇನ್ನು ಕೆಲವೇ ವರ್ಷಗಳಲ್ಲಿ ಅನ್ಯ ಗ್ರಹ ಜೀವಿಗಳ ಅಸ್ತಿತ್ವದ ಬಗ್ಗೆ ಅಧಿಕೃತ ಘೋಷಣೆಯಾದರೆ ಅದರಲ್ಲಿ ಅಚ್ಚರಿಪಡಬೇಕಿಲ್ಲ.

ಹಾರುವ ತಟ್ಟೆಯ ಮೂರು ಅಧಿಕೃತ ವಿಡಿಯೋ ಬಿಡುಗಡೆ ಮಾಡಿದ ಪೆಂಟಗನ್!

ಇದಕ್ಕೆ ಪುಷ್ಠಿ ಎಂಬಂತೆ ಅಮೆರಿಕದ ರಕ್ಷಣಾ ಇಲಾಖೆ ಪೆಂಟಗನ್ ಅನ್ಯಗ್ರಹ ಜೀವಿಗಳ ಯಾನ(ಯುಎಫ್‌ಒ)ಗಳ ಕುರಿತು ಅಧ್ಯಯನ ನಡೆಸಲು ಹೊಸ ಘಟಕವೊಂದನ್ನು ಸ್ಥಾಪಿಸಿದೆ.

ಗುರುತಿಸಲಾಗದ ವೈಮಾನಿಕ ವಿದ್ಯಮಾನ ಕಾರ್ಯಪಡೆ(UAPTF) ಎಂಬ ವಿಶೇಷ ಕಾರ್ಯಪಡೆಯನ್ನು ರಚಿಸಲಾಗಿದ್ದು, ಇದು ಯುಎಫ್‌ಒ ಸಂಬಂಧಿ ಪ್ರಕರಣಗಳ ವಿಚಾರಣೆ ಮತ್ತು ಸಂಶೋಧನೆ ನಡೆಸಲಿದೆ.

ಆಕಾಶದಲ್ಲಿ ಕಂಡ ಬಿಳಿಯ ಬೆಳಕೇನು...? ನೆಟ್ಟಿಗರಲ್ಲಿ ಯುಎಫ್‌ಓ ಬಗೆಬಗೆ ಚರ್ಚೆ!

ಈ ಘಟಕ ಕೇವಲ ಯುಎಫ್‌ಒ ಕುರಿತಾದ ಅಧ್ಯಯನವನ್ನಷ್ಟೇ ಅಲ್ಲದೇ, ಚೀನಾದ ರಹಸ್ಯ ಉಡ್ಡಯನ ಯಂತ್ರಗಳ ಕುರಿತೂ ಕಣ್ಣಿಟ್ಟಿರಲಿದೆ ಎಂದು ಹೇಳಲಾಗಿದೆ.

ಅಮೆರಿಕದ ಗೊತ್ತುಪಡಿಸಿದ ವಾಯುಪ್ರದೇಶಗಳಲ್ಲಿ ಅನಧಿಕೃತ ವಿಮಾನಗಳ ಯಾವುದೇ ಆಕ್ರಮಣಗಳನ್ನು ಗಂಭೀರವಾಗಿ ತೆಗೆದುಕೊಳ್ಳಲಾಗುವುದು ಎಂದು ಪೆಂಟಗನ್ ಸ್ಪಷ್ಟಪಡಡಿಸಿದೆ.

ಅಮೇರಿಕಾದಿಂದ ಯುಎಫ್‌ಓ ವಿಡಿಯೋ ಬಿಡುಗಡೆ : ನೆಟ್ಟಿಗರಲ್ಲಿ ಏಲಿಯನ್ಸ್‌ ಬಗ್ಗೆ ಚರ್ಚೆ!

ಈ ಹೊಸ ಕಾರ್ಯಪಡೆ ರಚನೆಗೆ ಉಪ ರಕ್ಷಣಾ ಕಾರ್ಯದರ್ಶಿ ಡೇವಿಡ್ ನಾರ್ಕ್ವಿಸ್ಟ್ ಕಳೆದ ಆಗಸ್ಟ್ 4 ರಂದು ಅನುಮೋದನೆ ನೀಡಿದ್ದಾರೆ ಎಂದು ಪೆಂಟಗನ್ ಮಾಹಿತಿ ನೀಡಿದೆ.