ಹ್ಯೂಸ್ಟನ್: ಬಹುನಿರೀಕ್ಷಿತ 'ಹೌಡಿ ಮೋದಿ' ಕಾರ್ಯಕ್ರಮ ಅಮೆರಿಕಾದ ಹ್ಯೂಸ್ಟನ್ ನಲ್ಲಿ ಭಾನುವಾರ ನಡೆಯಲಿದೆ. ಎನ್ ಆರ್ ಜಿ ಫುಟ್ಬಾಲ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಕಾರ್ಯಕ್ರಮ ದೇಶದ ಜನರ ಕುತೂಹಲ ಕೆರಳಿಸಿದೆ. ಸುಮಾರು 50,000 ಅಮೆರಿಕಾದ ಭಾರತೀಯ ನಿವಾಸಿಗಳು ಭಾಗಿಯಾಗುವ ನಿರೀಕ್ಷೆ ಇದ್ದು, ತಯಾರಿಗಳು ನಡೆಯುತ್ತಿವೆ. ಮೂರು ಗಂಟೆ ಅವಧಿಯ ಕಾರ್ಯಕ್ರಮದಲ್ಲಿ ಏನೆಲ್ಲಾ ವಿಶೇಷತೆಗಳಿವೆ ಎಂಬುವುದರ ಸಂಪೂರ್ಣ ವಿವರ ಇಲ್ಲಿದೆ.
ಏನಿದು 'ಹೌಡಿ ಮೋದಿ' ಕಾರ್ಯಕ್ರಮ ?
ಅಮೆರಿಕಾದ ಹ್ಯೂಸ್ಟನ್ನಲ್ಲಿ ಭಾನುವಾರ ನಡೆಯಲಿರುವ 'ಹೌಡಿ ಮೋದಿ' ಭಾರತೀಯರ ಗಮನ ಸೆಳೆಯುತ್ತಿದೆ. ಅಮೆರಿಕಾದ ಅನಿವಾಸಿ ಭಾರತೀಯರು ಹಮ್ಮಿಕೊಂಡಿರುವ ಈ ಕಾರ್ಯಕ್ರಮದ ಹೆಸರೇ ವಿಭಿನ್ನ. ಏನಪ್ಪ ಈ 'ಹೌಡಿ ಮೋದಿ' ಅಂತ ಸಹಜವಾಗಿ ಜನಸಮಾನ್ಯರಲ್ಲೂ ಕುತೂಹಲ ಇದ್ದೇ ಇರುತ್ತೆ. ಅಂದಹಾಗೆ ಅಮೆರಿಕನ್ನರು ಅದರಲ್ಲೂ ಟೆಕ್ಸಾಸ್ ನಿವಾಸಿಗಳು ಸ್ನೇಹಪೂರ್ವಕವಾಗಿ ಹೌಡಿ ಪದವನ್ನು ಬಳಸುತ್ತಾರೆ. ಹೌಡಿ ಅಂದ್ರೆ, How do u do, ಹೇಗಿದ್ದೀರಾ ಎಂದು. ಈ ಆಡುಭಾಷೆ ಪದವನ್ನೇ ಮೋದಿ ಕಾರ್ಯಕ್ರಮಕ್ಕೆ ಇಡಲಾಗಿದೆ. ಪರಿಣಾಮ ಹೌಡಿ ಮೋದಿ ಹೆಸರು ಜನರ ಗಮನಸೆಳೆಯುತ್ತಿದೆ.
ಎಷ್ಟೊತ್ತಿಗೆ 'ಹೌಡಿ ಮೋದಿ' ಕಾರ್ಯಕ್ರಮ ?
ಭಾನುವಾರ ಅಮೆರಿಕಾದ ಹ್ಯೂಸ್ಟನ್ನಲ್ಲಿ ನಡೆಯಲಿರುವ 'ಹೌಡಿ ಮೋದಿ' ಕಾರ್ಯಕ್ರಮ ಭಾರತೀಯ ಕಾಲಮಾನ ರಾತ್ರಿ 8.30 ಕ್ಕೆ ನಡೆಯಲಿದೆ. ಟೆಕ್ಸಾಸ್ ನ ಎನ್ ಆರ್ ಜಿ ಫುಟ್ ಬಾಲ್ ಮೈನಾದಲ್ಲಿ ಕಾರ್ಯಕ್ರಮ ನಡೆಯಲಿದ್ದು, ಪೂರ್ವ ತಯಾರಿಗಳು ಭರ್ಜರಿಯಾಗಿ ನಡೆಯುತ್ತಿದೆ. ಸುಮಾರು 50,000 ಜನರು ಭಾಗಿಯಾಗುವ ನಿರೀಕ್ಷೆ ಇರುವುದರಿಂದ ವ್ಯಾಪಕವಾದ ಭದ್ರತೆಯನ್ನು ಕೈಗೊಳ್ಳಲಾಗಿದೆ.
'ಹೌಡಿ ಮೋದಿ' ಯಲ್ಲಿ ಮೋದಿ ಜೊತೆ ಟ್ರಂಪ್
ಹೌಡಿ ಮೋದಿ ಕಾರ್ಯಕ್ರಮದ ಮತ್ತೊಂದು ವಿಶೇಷ ಏನಂದರೆ ಪ್ರಧಾನಿ ಮೋದಿ ಜೊತೆ ಅಮೆರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕೂಡಾ ಭಾಗಿಯಾಗಲಿದ್ದಾರೆ. ರಾತ್ರಿ 9.30 ಗಂಟೆಗೆ ಕಾರ್ಯಕ್ರಮ ನಡೆಯುವ ಮೈದಾನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಡೊನಾಲ್ಡ್ ಟ್ರಂಪ್ ಆಗಮಿಸಲಿದ್ದಾರೆ. ಎರಡು ದೇಶಗಳ ಭಾಂಧವ್ಯ ಗಟ್ಟಿಗೊಳಿಸುವ ನಿಟ್ಟಿನಲ್ಲಿ ಟ್ರಂಪ್ ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ವಿಶೇಷ ಅಥಿತಿಯಾಗಿ ಭಾಗಿಯಾಗಲಿದ್ದಾರೆ. ಟ್ರಂಪ್ 10 ಗಂಟೆಗೆ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. ಇದಾದ ಬಳಿಕ 10.30 ಮೋದಿ ಭಾಷಣ ಆರಂಭವಾಗುತ್ತದೆ.
ಹೌಡಿ ಮೋದಿಯಲ್ಲಿ ವಿಭಿನ್ನ ಸಾಂಸ್ಕೃತಿಕ ಕಾರ್ಯಕ್ರಮ
ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಟ್ರಂಪ್ ಭಾಷಣದ ಮೊದಲು ಸುಂದರ ಸಾಂಸ್ಕೃತಿಕ ಸಂಜೆ ಪ್ರೇಕ್ಷಕರನ್ನು ಮೋಡಿ ಮಾಡಲಿದೆ. 90 ನಿಮಿಷಗಳ ಕಾಲ ವಿಭಿನ್ನ ಹಾಗೂ ವಿಶೇಷ ಸ್ವರೂಪರ ಸಾಂಸ್ಕೃತಿಕ ಕಾರ್ಯಕ್ರಮ ಹ್ಯೂಸ್ಟನ್ ಎನ್ಆರ್ಜಿ ಮೈದಾನದಲ್ಲಿ ನಡೆಯಲಿದೆ. ಭಾರತೀಯ ಸಂಸ್ಕೃತಿಯ ವೈಭವವನ್ನು ಅಮೆರಿಕಾದ ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ಈ ಸಾಂಸ್ಕೃತಿಕ ಸಂಜೆ ತೆರೆದಿಡಲಿದೆ. 400 ಅಧಿಕ ಕಲಾವಿದರು ಈ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಭಾರತೀಯರ ಜೊತೆಗೆ ಅಮೆರಿಕಾದ ಜನಪ್ರತಿನಿಧಿಗಳು, ಅಧಿಕಾರಿಗಳು ಕೂಡಾ ಈ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಲಿದ್ದಾರೆ.
ಅಮೆರಿಕಾಗೂ ಮೋದಿ 'ಸ್ವಚ್ಛ ಭಾರತ್' ಪಾಠ ! ವೈರಲ್ ಆಯ್ತು ವಿಡಿಯೋ
ಇಂಧನ ಕಂಪನಿ ಸಿಇಒಗಳ ಜೊತೆಗೂ ಮೋದಿ ಮಾತು
ಅಮೆರಿಕಾ ಭೇಟಿಯಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ಭಾಗಿಯಾಗುವುದರ ಜೊತೆಗೆ ಅಮೆರಿಕಾದ ಪ್ರಮುಖ ಇಂಧನ ಕಂಪನಿಗಳ ಸಿಇಒಗಳೊಂದಿಗೆ ಮಾತುಕತೆ ನಡೆಸಲಿದ್ದಾರೆ. ಭಾರತ ಹಾಗೂ ಯುಎಸ್ ಇಂಧನ ಸಹಭಾಗಿತ್ವವನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಈ ಮಾತುಕತೆ ಮಹತ್ವ ಪಡೆದುಕೊಂಡಿದೆ. ನ್ಯೂಯಾರ್ಕ್ ನಲ್ಲಿ ಸೆಪ್ಟಂಬರ್ ಅಂತ್ಯದಲ್ಲಿ ನಡೆಯಲಿರುವ ವಿಶ್ವಸಂಸ್ಥೆ ಸಾಮಾನ್ಯ ಸಭೆ ಸಂದರ್ಭದಲ್ಲಿ ಮೋದಿ -ಟ್ರಂಪ್ ಕೆಲ ಮಹತ್ವದ ವಾಣಿಜ್ಯ ಒಪ್ಪಂದಗಳಿಗೆ ಸಹಿ ಹಾಕುವ ಸಾಧ್ಯತೆ ಇದೆ.
ಪ್ರಧಾನಿ ಮೋದಿ ಅಮೆರಿಕಾ ಭೇಟಿಯ ಕೊನೆಯಲ್ಲಿ ಯು.ಎನ್ ಸಾಮಾನ್ಯ ಸಭೆಯನ್ನು ಉದ್ದೇಶಿಸಿ ಭಾಷಣ ಮಾಡಲಿದ್ದು ಪ್ರಮುಖ ವಿಚಾರಗಳ ಕುರಿತಾಗಿ ಮಾತನಾಡಲಿದ್ದಾರೆ. ಅಲ್ಲದೆ ಭಾನುವಾರದ ಹೌಡಿ ಮೋದಿ ಕಾರ್ಯಕ್ರಮದ ಭಾಷಣದಲ್ಲಿ ಭಾರತ- ಪಾಕಿಸ್ತಾನ ಸಂಬಂಧ ಹಾಗೂ ಜಮ್ಮು ಕಾಶ್ಮೀರದ ವಿಶೇಷ ಸ್ಥಾನಮಾನ ರದ್ದು ಕುರಿತಾಗಿಯೂ ಮೋದಿ ಮಾತನಾಡುವ ನಿರೀಕ್ಷೆ ಇದೆ.
ಏನಿದು 'ಹೌಡಿ ಮೋದಿ' ಕಾರ್ಯಕ್ರಮ ?
ಅಮೆರಿಕಾದ ಹ್ಯೂಸ್ಟನ್ನಲ್ಲಿ ಭಾನುವಾರ ನಡೆಯಲಿರುವ 'ಹೌಡಿ ಮೋದಿ' ಭಾರತೀಯರ ಗಮನ ಸೆಳೆಯುತ್ತಿದೆ. ಅಮೆರಿಕಾದ ಅನಿವಾಸಿ ಭಾರತೀಯರು ಹಮ್ಮಿಕೊಂಡಿರುವ ಈ ಕಾರ್ಯಕ್ರಮದ ಹೆಸರೇ ವಿಭಿನ್ನ. ಏನಪ್ಪ ಈ 'ಹೌಡಿ ಮೋದಿ' ಅಂತ ಸಹಜವಾಗಿ ಜನಸಮಾನ್ಯರಲ್ಲೂ ಕುತೂಹಲ ಇದ್ದೇ ಇರುತ್ತೆ. ಅಂದಹಾಗೆ ಅಮೆರಿಕನ್ನರು ಅದರಲ್ಲೂ ಟೆಕ್ಸಾಸ್ ನಿವಾಸಿಗಳು ಸ್ನೇಹಪೂರ್ವಕವಾಗಿ ಹೌಡಿ ಪದವನ್ನು ಬಳಸುತ್ತಾರೆ. ಹೌಡಿ ಅಂದ್ರೆ, How do u do, ಹೇಗಿದ್ದೀರಾ ಎಂದು. ಈ ಆಡುಭಾಷೆ ಪದವನ್ನೇ ಮೋದಿ ಕಾರ್ಯಕ್ರಮಕ್ಕೆ ಇಡಲಾಗಿದೆ. ಪರಿಣಾಮ ಹೌಡಿ ಮೋದಿ ಹೆಸರು ಜನರ ಗಮನಸೆಳೆಯುತ್ತಿದೆ.
ಎಷ್ಟೊತ್ತಿಗೆ 'ಹೌಡಿ ಮೋದಿ' ಕಾರ್ಯಕ್ರಮ ?
ಭಾನುವಾರ ಅಮೆರಿಕಾದ ಹ್ಯೂಸ್ಟನ್ನಲ್ಲಿ ನಡೆಯಲಿರುವ 'ಹೌಡಿ ಮೋದಿ' ಕಾರ್ಯಕ್ರಮ ಭಾರತೀಯ ಕಾಲಮಾನ ರಾತ್ರಿ 8.30 ಕ್ಕೆ ನಡೆಯಲಿದೆ. ಟೆಕ್ಸಾಸ್ ನ ಎನ್ ಆರ್ ಜಿ ಫುಟ್ ಬಾಲ್ ಮೈನಾದಲ್ಲಿ ಕಾರ್ಯಕ್ರಮ ನಡೆಯಲಿದ್ದು, ಪೂರ್ವ ತಯಾರಿಗಳು ಭರ್ಜರಿಯಾಗಿ ನಡೆಯುತ್ತಿದೆ. ಸುಮಾರು 50,000 ಜನರು ಭಾಗಿಯಾಗುವ ನಿರೀಕ್ಷೆ ಇರುವುದರಿಂದ ವ್ಯಾಪಕವಾದ ಭದ್ರತೆಯನ್ನು ಕೈಗೊಳ್ಳಲಾಗಿದೆ.
'ಹೌಡಿ ಮೋದಿ' ಯಲ್ಲಿ ಮೋದಿ ಜೊತೆ ಟ್ರಂಪ್
ಹೌಡಿ ಮೋದಿ ಕಾರ್ಯಕ್ರಮದ ಮತ್ತೊಂದು ವಿಶೇಷ ಏನಂದರೆ ಪ್ರಧಾನಿ ಮೋದಿ ಜೊತೆ ಅಮೆರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕೂಡಾ ಭಾಗಿಯಾಗಲಿದ್ದಾರೆ. ರಾತ್ರಿ 9.30 ಗಂಟೆಗೆ ಕಾರ್ಯಕ್ರಮ ನಡೆಯುವ ಮೈದಾನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಡೊನಾಲ್ಡ್ ಟ್ರಂಪ್ ಆಗಮಿಸಲಿದ್ದಾರೆ. ಎರಡು ದೇಶಗಳ ಭಾಂಧವ್ಯ ಗಟ್ಟಿಗೊಳಿಸುವ ನಿಟ್ಟಿನಲ್ಲಿ ಟ್ರಂಪ್ ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ವಿಶೇಷ ಅಥಿತಿಯಾಗಿ ಭಾಗಿಯಾಗಲಿದ್ದಾರೆ. ಟ್ರಂಪ್ 10 ಗಂಟೆಗೆ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. ಇದಾದ ಬಳಿಕ 10.30 ಮೋದಿ ಭಾಷಣ ಆರಂಭವಾಗುತ್ತದೆ.
ಹೌಡಿ ಮೋದಿಯಲ್ಲಿ ವಿಭಿನ್ನ ಸಾಂಸ್ಕೃತಿಕ ಕಾರ್ಯಕ್ರಮ
ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಟ್ರಂಪ್ ಭಾಷಣದ ಮೊದಲು ಸುಂದರ ಸಾಂಸ್ಕೃತಿಕ ಸಂಜೆ ಪ್ರೇಕ್ಷಕರನ್ನು ಮೋಡಿ ಮಾಡಲಿದೆ. 90 ನಿಮಿಷಗಳ ಕಾಲ ವಿಭಿನ್ನ ಹಾಗೂ ವಿಶೇಷ ಸ್ವರೂಪರ ಸಾಂಸ್ಕೃತಿಕ ಕಾರ್ಯಕ್ರಮ ಹ್ಯೂಸ್ಟನ್ ಎನ್ಆರ್ಜಿ ಮೈದಾನದಲ್ಲಿ ನಡೆಯಲಿದೆ. ಭಾರತೀಯ ಸಂಸ್ಕೃತಿಯ ವೈಭವವನ್ನು ಅಮೆರಿಕಾದ ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ಈ ಸಾಂಸ್ಕೃತಿಕ ಸಂಜೆ ತೆರೆದಿಡಲಿದೆ. 400 ಅಧಿಕ ಕಲಾವಿದರು ಈ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಭಾರತೀಯರ ಜೊತೆಗೆ ಅಮೆರಿಕಾದ ಜನಪ್ರತಿನಿಧಿಗಳು, ಅಧಿಕಾರಿಗಳು ಕೂಡಾ ಈ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಲಿದ್ದಾರೆ.
ಅಮೆರಿಕಾಗೂ ಮೋದಿ 'ಸ್ವಚ್ಛ ಭಾರತ್' ಪಾಠ ! ವೈರಲ್ ಆಯ್ತು ವಿಡಿಯೋ
ಇಂಧನ ಕಂಪನಿ ಸಿಇಒಗಳ ಜೊತೆಗೂ ಮೋದಿ ಮಾತು
ಅಮೆರಿಕಾ ಭೇಟಿಯಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ಭಾಗಿಯಾಗುವುದರ ಜೊತೆಗೆ ಅಮೆರಿಕಾದ ಪ್ರಮುಖ ಇಂಧನ ಕಂಪನಿಗಳ ಸಿಇಒಗಳೊಂದಿಗೆ ಮಾತುಕತೆ ನಡೆಸಲಿದ್ದಾರೆ. ಭಾರತ ಹಾಗೂ ಯುಎಸ್ ಇಂಧನ ಸಹಭಾಗಿತ್ವವನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಈ ಮಾತುಕತೆ ಮಹತ್ವ ಪಡೆದುಕೊಂಡಿದೆ. ನ್ಯೂಯಾರ್ಕ್ ನಲ್ಲಿ ಸೆಪ್ಟಂಬರ್ ಅಂತ್ಯದಲ್ಲಿ ನಡೆಯಲಿರುವ ವಿಶ್ವಸಂಸ್ಥೆ ಸಾಮಾನ್ಯ ಸಭೆ ಸಂದರ್ಭದಲ್ಲಿ ಮೋದಿ -ಟ್ರಂಪ್ ಕೆಲ ಮಹತ್ವದ ವಾಣಿಜ್ಯ ಒಪ್ಪಂದಗಳಿಗೆ ಸಹಿ ಹಾಕುವ ಸಾಧ್ಯತೆ ಇದೆ.
ಪ್ರಧಾನಿ ಮೋದಿ ಅಮೆರಿಕಾ ಭೇಟಿಯ ಕೊನೆಯಲ್ಲಿ ಯು.ಎನ್ ಸಾಮಾನ್ಯ ಸಭೆಯನ್ನು ಉದ್ದೇಶಿಸಿ ಭಾಷಣ ಮಾಡಲಿದ್ದು ಪ್ರಮುಖ ವಿಚಾರಗಳ ಕುರಿತಾಗಿ ಮಾತನಾಡಲಿದ್ದಾರೆ. ಅಲ್ಲದೆ ಭಾನುವಾರದ ಹೌಡಿ ಮೋದಿ ಕಾರ್ಯಕ್ರಮದ ಭಾಷಣದಲ್ಲಿ ಭಾರತ- ಪಾಕಿಸ್ತಾನ ಸಂಬಂಧ ಹಾಗೂ ಜಮ್ಮು ಕಾಶ್ಮೀರದ ವಿಶೇಷ ಸ್ಥಾನಮಾನ ರದ್ದು ಕುರಿತಾಗಿಯೂ ಮೋದಿ ಮಾತನಾಡುವ ನಿರೀಕ್ಷೆ ಇದೆ.