ಸೇಡು ಅನಿವಾರ್ಯ: ಟ್ರಂಪ್‌ಗೆ ಇರಾನ್ ಸರ್ವೋಚ್ಛ ನಾಯಕನಿಂದ ಟ್ವೀಟ್ ವಾರ್ನಿಂಗ್!

ಟೆಹ್ರನ್: ಅಮೆರಿಕ ಅಧ್ಯಕ್ಷ ಪದವಿಯಿಂದ ಕೆಳಗಿಳಿದಿರುವ ಡೊನಾಲ್ಡ್ ಟ್ರಂಪ್, ಇದೀಗ ತುಸು ನಿರಾಳವಾಗಿ ಕಸಲ ಕಳೆಯುತ್ತಿದ್ದಾರೆ. ಆದರೆ ಇರಾನ್ ಮಾತ್ರ ಟ್ರಂಪ್ ಅವರ ಈ ನಿರಾಳತೆಯನ್ನು ಕಸಿಯುವ ಮುನ್ಸೂಚನೆ ನೀಡಿದೆ.

ಹೌದು, ಡೊನಾಲ್ಡ್ ಟ್ರಂಪ್ ಅವರಿಗೆ 'ಸೇಡು ಅನಿವಾರ್ಯ' ಎಂಬ ಸಂದೇಶ ರವಾನಿಸಿರುವ ಇರಾನ್ ಪರಮೋಚ್ಛ ನಾಯಕ ಆಯತುಲ್ಲಾ ಅಲಿ ಖಮೇನಿ, ಇರಾನ್ ಸೇನಾ ಕಮಾಂಡರ್ ಖಾಸೀಮ್ ಸುಲೈಮಾನಿ ಕೊಲೆಗೆ ಪ್ರತೀಕಾರ ತೀರಿಸಿಕೊಳ್ಳುವ ತಮ್ಮ ವಾಗ್ದಾನವನ್ನು ಪುನರುಚ್ಛಿಸಿದ್ದಾರೆ.

ಅಮೆರಿದಲ್ಲಿ ನಿರಂಕುಶಾಧಿಕಾರದ ಅಂತ್ಯ: ಟ್ರಂಪ್ ನಿರ್ಗಮನಕ್ಕೆ ಸಂತಸ ವ್ಯಕ್ತಪಡಿಸಿದ ಇರಾನ್!

ಅಧ್ಯಕ್ಷ ಗಾದಿಯಿಂದ ಕೆಳಗಿಳಿದಿರುವ ಟ್ರಂಪ್ ಗಾಲ್ಫ್ ಆಡುತ್ತಿರುವ ವೇಳೆ ಅವರ ನೆತ್ತಿಯ ಮೇಲೆ ಡ್ರೋನ್‌‌ವೊಂದು ಹಾರಾಟ ನಡೆಸುತ್ತಿರುವ ಹಾಗೆ ಬಿಂಬಿತವಾಗುವ ಫೋಟೋವನ್ನು, ಖಮೇನಿ ಅಧಿಕೃತ ಟ್ವಿಟ್ಟರ್ ಅಕೌಂಟ್‌ನಲ್ಲಿ ಪೋಸ್ಟ್ ಮಾಡಲಾಗಿದೆ.

ಈ ಫೋಟೋದಲ್ಲಿ ಸೇಡು ಅನಿವಾರ್ಯ ಎಂಬ ವಾಕ್ಯವನ್ನು ಬರೆಯಲಾಗಿದ್ದು, ಖಾಸೀಂ ಸುಲೈಮಾನಿ ಹತ್ಯೆಗೇ ಪ್ರತೀಕಾರ ತೀರಿಸಿಕೊಳ್ಳಲಾಗುವುದು ಎಂದು ಹೇಳಲಾಗಿದೆ.


ಇರಾಕ್‌ ರಾಜಧಾನಿ ಬಾಗ್ದಾದ್‌ನ ವಿಮಾನ ನಿಲ್ದಾಣದಲ್ಲಿ ಅಮೆರಿಕ ನಡೆಸಿದ ಡ್ರೋನ್ ದಾಳಿಯಲ್ಲಿ, ಇರಾನ್‌ನ ಉನ್ನತ ಸೇನಾ ಕಮಾಂಡರ್ ಖಾಸೀಂ ಸುಲೈಮಾನಿ ಹತರಾಗಿದ್ದರು.

ಸುಲೈಮಾನಿ ಹತ್ಯೆ: ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ವಿರುದ್ಧ ಇರಾನ್‌ ವಾರಂಟ್‌

ಸುಲೈಮಾನಿ ಮೇಲೆ ದಾಳಿ ನಡೆಸುವ ಯೋಜನೆಗೆ ಡೊನಾಲ್ಡ್ ಟ್ರಂಪ್ ಒಪ್ಪಿಗೆ ನೀಡಿದ್ದರು ಎಂಬ ಕೋಪ ಇರಾನ್‌ಗಿದ್ದು, ಟ್ರಂಪ್ ಅಧ್ಯಕ್ಷ ಗಾದಿಯಿಂದ ಕೆಳಗಿಳಿದ ಮೇಲೆ ಸೇಡಿನ ಮಾತುಗಳನ್ನಾಡಿರುವುದು ಕುತೂಹಲ ಕೆರಳಿಸಿದೆ.