ಕಾಬುಲ್‌: ಭಾರತೀಯ ರಾಯಭಾರಿ ಮನೆ ಆವರಣದಲ್ಲಿಳಿದ ರಾಕೆಟ್‌

ಕಾಬುಲ್‌: ಕಾಬುಲ್‌ನಲ್ಲಿರುವ ಭಾರತೀಯ ರಾಯಭಾರಿ ಮನ್‌ಪ್ರೀತ್‌ ವೋಹ್ರ ಅವರ ನಿವಾಸದ ಟೆನ್ನಿಸ್‌ ಕೋರ್ಟ್‌ನಲ್ಲಿ ಮಂಗಳವಾರ ರಾಕೆಟ್‌ ಲ್ಯಾಂಡ್‌ ಆಗಿರುವ ಬಗ್ಗೆ ವರದಿಯಾಗಿದೆ.

ಭೀಕರ ಕಾಬುಲ್‌ ದಾಳಿ ನಡೆದ ಕೆಲವೇ ದಿನಗಳ ಬಳಿಕ ಈ ಘಟನೆ ನಡೆದಿದೆ. ಘಟನೆಯಲ್ಲಿ ಯಾವುದೇ ಸಾವು ನೋವು ಸಂಭವಿಸಿದ ವರದಿಯಾಗಿಲ್ಲ.

ಅಪರಿಚಿತ ಸ್ಥಳದಿಂದ ರಾಕೆಟ್‌ ಹಾರಿ ಬಂದಿದ್ದು, ನಗರದ ಶಾಶ್‌ ಡರಾಕ್‌ ಪ್ರದೇಶದಲ್ಲಿರುವ ಭಾರತೀಯ ರಾಯಭಾರಿ ಮನೆಯ ಆವರಣದಲ್ಲಿ ಬಿದ್ದಿದೆ. ರಾಕೆಟ್ ಬಿದ್ದಾಗ ಭಾರಿ ಸ್ಫೋಟ ಸಂಭವಿಸಿದಾಗ ಕೇಳಿ ಬರುವ ಶಬ್ದ ಕೇಳಿಸಿತು ಎಂದು ಭದ್ರತಾ ಪಡೆ ಮೂಲಗಳು ತಿಳಿಸಿವೆ.