ಲಂಡನ್: ಬ್ರಿಟನ್ ರಾಜದಂಪತಿ ಪ್ರಿನ್ಸ್ ವಿಲಿಯಮ… ಮತ್ತು ಕೇಟ್ ಮಿಡ್ಲ್ಟನ್ ತಮ್ಮ ಮೂರನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.
ರಾಯಲ್ ದಂಪತಿಯ ಮೊದಲ ಮಗ ನಾಲ್ಕು ವರ್ಷದ ಪ್ರಿನ್ಸ್ ಜಾರ್ಜ್ ಲಂಡನ್ನಲ್ಲಿ ಶಾಲೆಗೆ ಹೋಗಲು ಆರಂಭಿಸಿದ ಒಂದು ವಾರದಲ್ಲಿಯೇ ಮೂರನೇ ಮಗುವಿನ ಸುದ್ದಿ ಬಂದಿದೆ. ಬ್ರಿಟನ್ ರಾಜ ದಂಪತಿಗೆ ಎರಡು ವರ್ಷದ ಮಗಳೂ ಇದ್ದಾಳೆ.
ಮೂರನೇ ಮಗುವಿನ ಆಗಮನ ಸುದ್ದಿಯನ್ನು ಸೋಮವಾರ ಕೆನ್ಸಿಂಗ್ಟನ್ ಅರಮನೆ ಪ್ರಕಟಣೆ ಮೂಲಕ ಘೋಷಿಸಿದೆ. ಅಲ್ಲದೆ ಕೇಟ್ ಮಿಡ್ಲ್ಟನ್ ಯಾವುದೇ ನಿಗದಿತ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದಿಲ್ಲ ಎಂದು ಪ್ರಕಟಣೆ ಸ್ಪಷ್ಟಪಡಿಸಿದೆ.
''ಕೇಂಬ್ರಿಜ್ನ ರಾಜ ದಂಪತಿ ಮೂರನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂದು ತಿಳಿಸಲು ಹರ್ಷವಾಗುತ್ತಿದೆ. ರಾಣಿ ಹಾಗೂ ಉಭಯ ಕುಟುಂಬ ಸದಸ್ಯರೂ ಈ ಸುದ್ದಿ ತಿಳಿದು ಸಂತಸಗೊಂಡಿದ್ದಾರೆ,'' ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.