ಮಾಸ್ಕೋ: ರಷ್ಯಾದ ಸೇಂಟ್ ಪೀಟರ್ಸ್‌ಬರ್ಗ್‌ನಲ್ಲಿನ ಕಟ್ಟಡವೊಂದರ ಕಿಟಕಿಯಿಂದ ಬಿದ್ದು, ಉನ್ನತ ಶ್ರೇಣಿಯ ರಕ್ಷಣಾ ಅಧಿಕಾರಿ ಮೃತಪಟ್ಟಿದ್ದಾರೆ. ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರಿಗೆ ಬಹಳ ಆಪ್ತರಾಗಿದ್ದ ಮರೀನಾ ಯಾಂಕಿನಾ ಅವರು 16 ಮಹಡಿಗಳ ಕಟ್ಟಡದಿಂದ ಬಿದ್ದಿದ್ದಾರೆ. ಸೇಂಟ್ ಪೀಟರ್ಸ್‌ಬರ್ಗ್‌ನ ಜಮ್ಷೀನಾ ಬೀದಿಯಲ್ಲಿ ಮನೆಯೊಂದರ ಪ್ರವೇಶ ಭಾಗದ ಬಳಿ ದಾರಿಹೋಕರೊಬ್ಬರಿಗೆ ಮೃತದೇಹ ಕಾಣಿಸಿದೆ.
ಪಶ್ಚಿಮ ಸೇನಾ ಜಿಲ್ಲೆ ಫೊಂಟಂಕಾದಲ್ಲಿನ ರಷ್ಯಾ ತನಿಖಾ ಸಮಿತಿಯು ಮರೀನಾ ಅವರ ಸಾವನ್ನು ಖಚಿತಪಡಿಸಿದೆ. ಅವರ ನಿಗೂಢ ಸಾವಿಗೆ ಕಾರಣ ಪತ್ತೆ ಮಾಡಲು ತನಿಖೆ ಆರಂಭಿಸಿದೆ.
ಮರೀನಾ ಅವರಿಗೆ ಸೇರಿದ ವಸ್ತುಗಳು ಕಟ್ಟಡದ 16ನೇ ಮಹಡಿಯಲ್ಲಿ ಕಂಡುಬಂದಿವೆ. ತಮ್ಮ ಮಾಜಿ ಪತಿಗೆ ಕರೆ ಮಾಡಿದ್ದ ಮರೀನಾ, ತಾವು ಮಾಡಲು ಬಯಸಿರುವ ಸಂಗತಿ ಬಗ್ಗೆ ತಿಳಿಸಿದ್ದರು ಎಂದು ಮಾಧ್ಯಮಗಳು ವರದಿ ಮಾಡಿವೆ.
"ತಾನು ಏನು ಮಾಡಲು ಹೊರಟಿದ್ದೇನೆಂದು ಅವರಿಗೆ ಮರೀನಾ ತಿಳಿಸಿದ್ದರು. ವಸ್ತುಗಳನ್ನು ಎಲ್ಲಿ ಇರಿಸಿದ್ದೇನೆ ಎಂಬ ಮಾಹಿತಿ ನೀಡಿದ್ದರು. ಪೊಲೀಸರಿಗೆ ಕರೆ ಮಾಡುವಂತೆ ಕೂಡ ಹೇಳಿದ್ದರು. ಕರೆ ಮಾಡಿದ ಕೆಲವು ನಿಮಿಷಗಳ ಬಳಿಕ ಅವರು ಶವವಾಗಿ ಪತ್ತೆಯಾಗಿದ್ದಾರೆ" ಎಂದು ಮಾಧ್ಯಮ ಸಂಸ್ಥೆ 'ಮಾಶ್ ಆನ್ ಮೋಯಿಕಾ' ವರದಿ ತಿಳಿಸಿದೆ.
ವೆಸ್ಟರ್ನ್ ಮಿಲಿಟರಿ ಸೇರುವುದಕ್ಕೂ ಮುನ್ನ ಯಾಂಕಿನಾ ಅವರು ಫೆಡರಲ್ ತೆರಿಗೆ ಸೇವೆಯಲ್ಲಿ ಮತ್ತು ಸೇಂಟ್ ಪೀಟರ್ಸ್‌ಬರ್ಗ್‌ನ ಪ್ರಾಪರ್ಟಿ ರಿಲೇಷನ್ಸ್ ಸಮಿರಿಯ ಉಪಾಧ್ಯಕ್ಷರಾಗಿ ಕೆಲಸ ಮಾಡಿದ್ದರು. ಕಳೆದ ವರ್ಷದ ಫೆ. 24ರಂದು ಉಕ್ರೇನ್ ಮೇಲೆ ರಷ್ಯಾ ಆರಂಭಿಸದ ಯುದ್ಧಕ್ಕೆ ಹಣಕಾಸಿನ ನೆರವನ್ನು ಬಲಪಡಿಸುವುದರಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದರು ಎನ್ನಲಾಗಿದೆ.
ರಷ್ಯಾದಲ್ಲಿ ಸರಣಿ ನಿಗೂಢ ಸಾವುಗಳು
ರಷ್ಯಾ ಮತ್ತು ಉಕ್ರೇನ್ ನಡುವಿನ ಯುದ್ಧವು ಉಕ್ರೇನ್ ನೆಲದಲ್ಲಿ ಅನೇಕ ಸಾವು ನೋವುಗಳಿಗೆ ಕಾರಣವಾಗುತ್ತಿದ್ದರೆ, ರಷ್ಯಾದಲ್ಲಿಯೂ ನಿಗೂಢ ಸಾವುಗಳಿಗೆ ಎಡೆಮಾಡಿಕೊಡುತ್ತಿದೆ. ಇತ್ತೀಚೆಗಷ್ಟೇ ರಷ್ಯಾ ಜನರಲ್ ವ್ಲಾಡಿಮಿರ್ ಮಕಾರೊವ್ ಅವರನ್ನು ಅಧ್ಯಕ್ಷ ಪುಟಿನ್ ವಜಾಗೊಳಿಸಿದ್ದರು. ಅದಾಗಿ ಕೆಲವು ದಿನಗಳಲ್ಲಿಯೇ ಅವರು ಶವವಾಗಿ ಪತ್ತೆಯಾಗಿದ್ದರು. ಅವರು ಆತ್ಮಹತ್ಯೆ ಮಾಡಿಕೊಂಡಿದ್ದರು ಎನ್ನಲಾಗಿದೆ. ಅದಾಗಿ ಕೆಲವು ದಿನಗಳಲ್ಲಿಯೇ ಮರೀನಾ ಅವರ ಸಾವಿನ ಸುದ್ದಿ ಬಂದಿದೆ.
ಡಿ. 26ರಂದು ರಷ್ಯನ್ ಡ್ಯುಮಾದ ಹಿರಿಯ ಅಧಿಕಾರಿ ಪಾವೆಲ್ ಆಂಟೊನೊವ್, ಹೋಟೆಲ್ ಕಿಟಕಿಯಿಂದ ಬಿದ್ದ ಮೃತಪಟ್ಟಿದ್ದರು. ಅದಕ್ಕೂ ಹಿಂದಿನ ದಿನವಾದ ಡಿ. 25ರಂದು ರಷ್ಯನ್ ಭೂಪಡೆಯ ಮಾಜಿ ಮುಖ್ಯಸ್ಥ ಅಲೆಕ್ಸಿ ಮಾಸ್ಲೋವ್ ಆಸ್ಪತ್ರೆಯಲ್ಲಿ ಅಸುನೀಗಿದ್ದರೆ, ಡಿ. 24ರಂದು ರಷ್ಯಾದ ಅಡ್ಮಿರಾಲ್ಟಿ ಶಿಪ್‌ಯಾರ್ಡ್‌ನ ಮುಖ್ಯಸ್ಥರಾಗಿದ್ದ ಅಲೆಕ್ಸಾಂಡರ್ ಬುಜಕೋವ್ ಮೃತಪಟ್ಟಿದ್ದರು.
ಪಶ್ಚಿಮ ಸೇನಾ ಜಿಲ್ಲೆ ಫೊಂಟಂಕಾದಲ್ಲಿನ ರಷ್ಯಾ ತನಿಖಾ ಸಮಿತಿಯು ಮರೀನಾ ಅವರ ಸಾವನ್ನು ಖಚಿತಪಡಿಸಿದೆ. ಅವರ ನಿಗೂಢ ಸಾವಿಗೆ ಕಾರಣ ಪತ್ತೆ ಮಾಡಲು ತನಿಖೆ ಆರಂಭಿಸಿದೆ.
ಮರೀನಾ ಅವರಿಗೆ ಸೇರಿದ ವಸ್ತುಗಳು ಕಟ್ಟಡದ 16ನೇ ಮಹಡಿಯಲ್ಲಿ ಕಂಡುಬಂದಿವೆ. ತಮ್ಮ ಮಾಜಿ ಪತಿಗೆ ಕರೆ ಮಾಡಿದ್ದ ಮರೀನಾ, ತಾವು ಮಾಡಲು ಬಯಸಿರುವ ಸಂಗತಿ ಬಗ್ಗೆ ತಿಳಿಸಿದ್ದರು ಎಂದು ಮಾಧ್ಯಮಗಳು ವರದಿ ಮಾಡಿವೆ.
"ತಾನು ಏನು ಮಾಡಲು ಹೊರಟಿದ್ದೇನೆಂದು ಅವರಿಗೆ ಮರೀನಾ ತಿಳಿಸಿದ್ದರು. ವಸ್ತುಗಳನ್ನು ಎಲ್ಲಿ ಇರಿಸಿದ್ದೇನೆ ಎಂಬ ಮಾಹಿತಿ ನೀಡಿದ್ದರು. ಪೊಲೀಸರಿಗೆ ಕರೆ ಮಾಡುವಂತೆ ಕೂಡ ಹೇಳಿದ್ದರು. ಕರೆ ಮಾಡಿದ ಕೆಲವು ನಿಮಿಷಗಳ ಬಳಿಕ ಅವರು ಶವವಾಗಿ ಪತ್ತೆಯಾಗಿದ್ದಾರೆ" ಎಂದು ಮಾಧ್ಯಮ ಸಂಸ್ಥೆ 'ಮಾಶ್ ಆನ್ ಮೋಯಿಕಾ' ವರದಿ ತಿಳಿಸಿದೆ.
ವೆಸ್ಟರ್ನ್ ಮಿಲಿಟರಿ ಸೇರುವುದಕ್ಕೂ ಮುನ್ನ ಯಾಂಕಿನಾ ಅವರು ಫೆಡರಲ್ ತೆರಿಗೆ ಸೇವೆಯಲ್ಲಿ ಮತ್ತು ಸೇಂಟ್ ಪೀಟರ್ಸ್‌ಬರ್ಗ್‌ನ ಪ್ರಾಪರ್ಟಿ ರಿಲೇಷನ್ಸ್ ಸಮಿರಿಯ ಉಪಾಧ್ಯಕ್ಷರಾಗಿ ಕೆಲಸ ಮಾಡಿದ್ದರು. ಕಳೆದ ವರ್ಷದ ಫೆ. 24ರಂದು ಉಕ್ರೇನ್ ಮೇಲೆ ರಷ್ಯಾ ಆರಂಭಿಸದ ಯುದ್ಧಕ್ಕೆ ಹಣಕಾಸಿನ ನೆರವನ್ನು ಬಲಪಡಿಸುವುದರಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದರು ಎನ್ನಲಾಗಿದೆ.
ರಷ್ಯಾದಲ್ಲಿ ಸರಣಿ ನಿಗೂಢ ಸಾವುಗಳು
ರಷ್ಯಾ ಮತ್ತು ಉಕ್ರೇನ್ ನಡುವಿನ ಯುದ್ಧವು ಉಕ್ರೇನ್ ನೆಲದಲ್ಲಿ ಅನೇಕ ಸಾವು ನೋವುಗಳಿಗೆ ಕಾರಣವಾಗುತ್ತಿದ್ದರೆ, ರಷ್ಯಾದಲ್ಲಿಯೂ ನಿಗೂಢ ಸಾವುಗಳಿಗೆ ಎಡೆಮಾಡಿಕೊಡುತ್ತಿದೆ. ಇತ್ತೀಚೆಗಷ್ಟೇ ರಷ್ಯಾ ಜನರಲ್ ವ್ಲಾಡಿಮಿರ್ ಮಕಾರೊವ್ ಅವರನ್ನು ಅಧ್ಯಕ್ಷ ಪುಟಿನ್ ವಜಾಗೊಳಿಸಿದ್ದರು. ಅದಾಗಿ ಕೆಲವು ದಿನಗಳಲ್ಲಿಯೇ ಅವರು ಶವವಾಗಿ ಪತ್ತೆಯಾಗಿದ್ದರು. ಅವರು ಆತ್ಮಹತ್ಯೆ ಮಾಡಿಕೊಂಡಿದ್ದರು ಎನ್ನಲಾಗಿದೆ. ಅದಾಗಿ ಕೆಲವು ದಿನಗಳಲ್ಲಿಯೇ ಮರೀನಾ ಅವರ ಸಾವಿನ ಸುದ್ದಿ ಬಂದಿದೆ.
ಡಿ. 26ರಂದು ರಷ್ಯನ್ ಡ್ಯುಮಾದ ಹಿರಿಯ ಅಧಿಕಾರಿ ಪಾವೆಲ್ ಆಂಟೊನೊವ್, ಹೋಟೆಲ್ ಕಿಟಕಿಯಿಂದ ಬಿದ್ದ ಮೃತಪಟ್ಟಿದ್ದರು. ಅದಕ್ಕೂ ಹಿಂದಿನ ದಿನವಾದ ಡಿ. 25ರಂದು ರಷ್ಯನ್ ಭೂಪಡೆಯ ಮಾಜಿ ಮುಖ್ಯಸ್ಥ ಅಲೆಕ್ಸಿ ಮಾಸ್ಲೋವ್ ಆಸ್ಪತ್ರೆಯಲ್ಲಿ ಅಸುನೀಗಿದ್ದರೆ, ಡಿ. 24ರಂದು ರಷ್ಯಾದ ಅಡ್ಮಿರಾಲ್ಟಿ ಶಿಪ್‌ಯಾರ್ಡ್‌ನ ಮುಖ್ಯಸ್ಥರಾಗಿದ್ದ ಅಲೆಕ್ಸಾಂಡರ್ ಬುಜಕೋವ್ ಮೃತಪಟ್ಟಿದ್ದರು.