ಕೊರೊನಾ ವೈರಸ್‌ಗೆ ಲಸಿಕೆ ಸಿದ್ಧ ಎಂದ ರಷ್ಯಾ..! ಸೆಪ್ಟಂಬರ್‌‌ನಿಂದಲೇ ಆರಂಭವಾಗಲಿದೆ ಔಷಧಿ ಉತ್ಪಾದನೆ

ಮಾಸ್ಕೋ (ರಷ್ಯಾ): ಜಗತ್ತನ್ನು ಬೆಂಬಿಡದೆ ಕಾಡುತ್ತಿರುವ ಕೊರೊನಾ ವೈರಸ್‌ಗೆ ಲಸಿಕೆ ಕಂಡುಹಿಡಿಯುವಲ್ಲಿ ಕೊನೆಗೂ ವಿಜ್ಞಾನಿಗಳು ಯಶಸ್ವಿಯಾಗಿದ್ದಾರೆ. ವಿಶ್ವದಲ್ಲಿಯೇ ಮೊದಲ ಕೊರೊನಾ ವೈರಸ್‌ ಲಸಿಕೆಯನ್ನು ರಷ್ಯಾ ಕಂಡುಹಿಡಿದಿದೆ ಎನ್ನಲಾಗಿದೆ. ಕ್ಲಿನಿಕಲ್‌ ಟ್ರಯಲ್‌ ಯಶಸ್ವಿಯಾಗಿದ್ದು, ಆಗಸ್ಟ್‌ 12ರೊಳಗೆ ಲಸಿಕೆಯ ನೋಂದಣಿ ಕಾರ್ಯ ಪೂರ್ಣಗೊಳ್ಳಲಿದೆ. ಜೊತೆಗೆ ಸೆಪ್ಟೆಂಬರ್‌ನಿಂದಲೇ ಬೃಹತ್‌ ಪ್ರಮಾಣದಲ್ಲಿ ಲಸಿಕೆ ಉತ್ಪಾದನೆ ಕಾರ್ಯ ಪ್ರಾರಂಭವಾಗಲಿದೆ ಎಂದು ಮೂಲಗಳು ತಿಳಿಸಿವೆ.

ರಷ್ಯಾದ ಗಮಲೇಯಾ ಸಂಸ್ಥೆ ಕಂಡುಹಿಡಿದಿರುವ ಲಸಿಕೆಯ ಕ್ಲಿನಿಕಲ್‌ ಟ್ರಯಲ್‌ನಲ್ಲಿ ಭಾಗವಹಿಸಿದ್ದ ಸ್ವಯಂ ಸೇವಕರೆಲ್ಲರಿಯೂ ರೋಗ ನಿರೋಧಕ ಶಕ್ತಿ ಬೆಳೆದಿದೆ ಎಂದು ರಷ್ಯಾ ರಕ್ಷಣಾ ಮಂತ್ರಾಲಯ ತಿಳಿಸಿದೆ ಎಂದು ವರದಿಗಳು ಹೇಳಿವೆ. ಸ್ವಯಂ ಸೇವಕರಿಗೆ ರಷ್ಯಾದ ಬರ್ಡೆಂಕೊ ಆಸ್ಪತ್ರೆಯಲ್ಲಿ ಕ್ಲಿನಿಕಲ್‌ ಟ್ರಯಲ್‌ ನಡೆಸಲಾಗಿತ್ತು.

ಕ್ಲಿನಿಕಲ್‌ ಟ್ರಯಲ್‌ನ ಫಲಿತಾಂಶಗಳು ಲಸಿಕೆಯಿಂದ ಸಾಧಿಸಲಾಧ ಪ್ರತಿರಕ್ಷಣಾ ಪ್ರತಿಕ್ರಿಯೆಯನ್ನು ಸ್ಪಷ್ಟವಾಗಿ ತೋರಿಸುತ್ತಿವೆ. ಲಸಿಕೆಯ ಪ್ರಯೋಗದಿಂದ ಸ್ವಯಂಸೇವಕರ ದೇಹದಲ್ಲಿ ಯಾವುದೇ ಅಡ್ಡಪರಿಣಾಮಗಳು ಅಥವಾ ಸಮಸ್ಯೆಗಳು ಕಂಡುಬಂದಿಲ್ಲ ಎಂದು ಸಚಿವಾಲಯ ತಿಳಿಸಿದೆ ಎಂದು ಸ್ಪುಟ್ನಿಕ್ ನ್ಯೂಸ್ ವರದಿ ಮಾಡಿದೆ.

ರಷ್ಯಾದಲ್ಲಿ ಕ್ಲಿನಿಕಲ್‌ ಟ್ರಯಲ್‌ ಪೂರ್ಣ, ಅಕ್ಟೋಬರ್‌ ಹೊತ್ತಿಗೆ ಸಾರ್ವಜನಿಕರ ಬಳಕೆಗೆ ಪ್ಲಾನ್‌!

ಪ್ರಸ್ತುತ, ಸೆಪ್ಟೆಂಬರ್ ವೇಳೆಗೆ ದೇಶವು ಮೊದಲ ದೇಶೀಯ ಕೊರೊನಾವೈರಸ್ ಲಸಿಕೆಯ ಸರಣಿ ಉತ್ಪಾದನೆಯನ್ನು ಪ್ರಾರಂಭಿಸಲಿದೆ ಎಂದು ರಷ್ಯಾದ ಸುದ್ದಿ ಸಂಸ್ಥೆ ಟಾಸ್ ಹೇಳಿದೆ. ರಷ್ಯಾದ ಕೈಗಾರಿಕೆ ಮತ್ತು ವ್ಯಾಪಾರ ಸಚಿವ ಡೆನಿಸ್ ಮಾಂಟುರೊವ್ ಪ್ರಕಾರ, ಒಟ್ಟಾರೆ ಉತ್ಪಾದನೆಯು ಆರೋಗ್ಯ ವ್ಯವಸ್ಥೆಯ ಅಗತ್ಯತೆಗಳನ್ನು ಅವಲಂಭಿಸಿರಲಿದೆ ಎಂದು ಹೇಳಿದ್ದಾರೆ.

ಕೊರೊನಾ ವಿರುದ್ಧ ಲಸಿಕೆ: ಇದ್ದ ಒಂದು ಆಸೆಗೂ ಪೆಟ್ಟು ಬಿತ್ತು!

ಜೊತೆಗೆ 2021ರ ಆರಂಭದ ವೇಳೆಗೆ ರಷ್ಯಾ ತಿಂಗಳಿಗೆ ಹಲವಾರು ಮಿಲಿಯನ್ ಡೋಸ್ ಕೊರೊನಾ ವೈರಸ್ ಲಸಿಕೆಗಳನ್ನು ತಯಾರಿಸಲಿದೆ ಎಂದು ಸಚಿವರು ಹೇಳಿದ್ದಾರೆ. ಸ್ವಯಂ ಸೇವಕರ ಮೇಲೆ ಕೊರೊನಾ ಲಸಿಕೆಯ ಪ್ರಯೋಗದ ನಂತರ ರಷ್ಯಾದ ವೆಕ್ಟರ್ ಸ್ಟೇಟ್ ರಿಸರ್ಚ್ ಸೆಂಟರ್ ಆಫ್ ವೈರಾಲಜಿ ಅಂಡ್ ಬಯೋಟೆಕ್ನಾಲಜಿ ನವೆಂಬರ್‌ನಲ್ಲಿ ಲಸಿಕೆ ಉತ್ಪಾದನೆಯನ್ನು ಪ್ರಾರಂಭಿಸುವುದಾಗಿ ಘೋಷಿಸಿತ್ತು.

ಕೊರೊನಾ ಲಸಿಕೆ ಇನ್ನು ಹತ್ತಿರ..! ದಿಲ್ಲಿಯ ಏಮ್ಸ್‌ ನೈತಿಕ ಸಮಿತಿಯಿಂದ ಕೊವ್ಯಾಕ್ಸಿನ್‌ ಪ್ರಯೋಗಕ್ಕೆ ಅನುಮತಿ

ಈಗ ಗಮಾಲೇಯ ನ್ಯಾಷನಲ್ ರಿಸರ್ಚ್ ಇನ್‌ಸ್ಟಿಟ್ಯೂಟ್ ಆಫ್ ಎಪಿಡೆಮಿಯಾಲಜಿ ಅಂಡ್ ಮೈಕ್ರೋಬಯಾಲಜಿ ಅಭಿವೃದ್ಧಿಪಡಿಸಿದ ಲಸಿಕೆಯ ಉತ್ಪಾದನೆಯನ್ನು ರಷ್ಯಾದ ಮೂರು ಕಂಪನಿಗಳು ಸೆಪ್ಟೆಂಬರ್‌ನಲ್ಲಿ ಪ್ರಾರಂಭಿಸಲಿದೆ ಎಂದು ಮಾಂಟುರೊವ್ ಹೇಳಿದ್ದಾರೆ.