ಅಕ್ರಮವಾಗಿ ಜಲಗಡಿ ಪ್ರವೇಶಿಸಿದ್ದ ಅಮೆರಿಕ ಯುದ್ಧ ನೌಕೆಯನ್ನು ಬೆನ್ನಟ್ಟಿ ಓಡಿಸಿದ್ದೇವೆ: ರಷ್ಯಾ!
ಜಪಾನ್ ಸಮುದ್ರದಲ್ಲಿ ರಷ್ಯಾದ ಪ್ರಾದೇಶಿಕ ಜಲಗಡಿಯ ಒಳಗೆ ಅಕ್ರಮವಾಗಿ ನುಗ್ಗಿದ್ದ, ಅಮೆರಿಕ ನೌಕಾಸೇನೆಯ ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆಯನ್ನು ಬೆನ್ನಟ್ಟಿ ಹೊರದಬ್ಬಿರುವುದಾಗಿ ರಷ್ಯಾ ನೌಕಾಸೇನೆ ಪ್ರತಿಪಾದಿಸಿದೆ.
Vijaya Karnataka Web 24 Nov 2020, 3:15 pm
ಮಾಸ್ಕೋ: ಅಕ್ರಮವಾಗಿ ತನ್ನ ಜಲಗಡಿ ಪ್ರವೇಶಿಸಿದ್ದ ಅಮೆರಿಕದ ಯುದ್ಧ ನೌಕೆಯನ್ನು, ಜಲಗಡಿ ಬಿಟ್ಟು ತೆರಳುವಂತೆ ಮಾಡಿರುವುದಾಗಿ ರಷ್ಯಾ ಪ್ರತಿಪಾದಿಸಿದೆ.
ಜಪಾನ್ ಸಮುದ್ರದಲ್ಲಿ ರಷ್ಯಾದ ಪ್ರಾದೇಶಿಕ ಜಲಗಡಿಯ ಒಳಗೆ ಅಕ್ರಮವಾಗಿ ನುಗ್ಗಿದ್ದ, ಅಮೆರಿಕ ನೌಕಾಸೇನೆಯ ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆಯನ್ನು ಬೆನ್ನಟ್ಟಿ ಹೊರದಬ್ಬಿರುವುದಾಗಿ ರಷ್ಯಾ ನೌಕಾಸೇನೆ ಸ್ಪಷ್ಟಪಡಿಸಿದೆ.
ತನ್ನ ಜಲಗಡಿಯಲ್ಲಿ ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆಯನ್ನು ಗುರುತಿಸಿದ ರಷ್ಯಾ ನೌಕಾಸೇನೆಯ ಅಡ್ಮಿರಲ್ ವಿನೋಗ್ರಾಡೋವ್ ಯುದ್ಧ ನೌಕೆ, ಯುಎಸ್ ನೇವಿ ಹಡಗನ್ನು ಬೆನ್ನಟ್ಟಿ ಹೊರದಬ್ಬುವಲ್ಲಿ ಯಶಸ್ವಿಯಾಗಿದೆ ಎಂದು ಮಾಸ್ಕೋ ತಿಳಿಸಿದೆ.
ತೈವಾನ್ ಜಲಸಂಧಿಯಲ್ಲಿ ಅಮೆರಿಕ ನೌಕೆ ಸಂಚಾರ: ಕೆರಳಿದ ಡ್ರ್ಯಾಗನ್ ನೀಡಿದ ಎಚ್ಚರಿಕೆ ಏನು?
ಕೂಡಲೇ ತನ್ನ ಜಲಗಡಿಯನ್ನು ಬಿಟ್ಟು ತೆರಳುವಂತೆ ನೀಡಿದ ಎಚ್ಚರಿಕೆಯ ಪರಿಣಾಮ, ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆ ತನ್ನ ಜಲಗಡಿ ಬಿಟ್ಟು ತಟಸ್ಥ ಜಲ ಪ್ರದೇಶಕ್ಕೆ ತೆರಳಿತು ಎಂದು ರಷ್ಯಾದ ರಕ್ಷಣಾ ಇಲಾಖೆ ಸ್ಪಷ್ಟಪಡಿಸಿದೆ.
ಸದ್ಯ ತಟಸ್ಥ ಅಂತಾರಾಷ್ಟ್ರೀಯ ಜಲಗಡಿಯಲ್ಲಿರುವ ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆಯ ಚಲನವಲನಗಳ ಮೇಲೆ ನಿಗಾ ಇಡಲಾಗಿದೆ ಎಂದೂ ರಷ್ಯಾದ ರಕ್ಷಣಾ ಇಲಾಖೆ ಮಾಹಿತಿ ನೀಡಿದೆ.
ಆದರೆ ಈ ಘಟನೆಯ ಕುರಿತು ಅಮೆರಿಕದ ನೌಕಾಸೇನೆಯಾಗಲಿ ಅಥವಾ ರಕ್ಷಣಾ ಇಲಾಖೆಯಾಗಲಿ ಯಾವುದೇ ಅಧಿಕೃತ ಹೇಳಿಕೆಯನ್ನು ಬಿಡುಗಡೆ ಮಾಡಿಲ್ಲ.
ಪೆಸಿಫಿಕ್ ಮಹಾಸಾಗರಕ್ಕೆ 3 ಅಣ್ವಸ್ತ್ರ ಯುದ್ಧ ಹಡಗು ರವಾನಿಸಿದ ಅಮೆರಿಕ: ಕಾರಣ?
ಇತ್ತೀಚಿಗೆ ಅಲಾಸ್ಕಾ ವಾಯು ಪ್ರದೇಶದ ಬಳಿ ರಷ್ಯಾದ ವಾಯುಸೇನಾ ಯುದ್ಧ ವಿಮಾನಗಳ ಹಾರಾಟಕ್ಕೆ ಅಮೆರಿಕ ತಡೆಯೊಡ್ಡಿತ್ತು. ರಷ್ಯಾದ ನಾಲ್ಕು Tu-142's ಯುದ್ಧ ವಿಮಾನಗಳು ದಕ್ಷಿಣ ಅಲಾಸ್ಕಾದ ಅಲ್ಯೂಟಿಯನ್ ದ್ವೀಪದ ಮೇಲೆ ಹಾರಾಟ ನಡೆಸಿದೆ. ಇದು ಅಲಾಸ್ಕಾ ವಾಯು ರಕ್ಷಣಾ ಒಪ್ಪಂದ ಉಲ್ಲಂಘನೆ ಎಂದು ಅಮೆರಿಕ ಅಸಮಾಧಾನ ಹೊರಹಾಕಿದ್ದನ್ನು ಇಲ್ಲಿ ಸ್ಮರಿಸಬಹುದು.
ಜಪಾನ್ ಸಮುದ್ರದಲ್ಲಿ ರಷ್ಯಾದ ಪ್ರಾದೇಶಿಕ ಜಲಗಡಿಯ ಒಳಗೆ ಅಕ್ರಮವಾಗಿ ನುಗ್ಗಿದ್ದ, ಅಮೆರಿಕ ನೌಕಾಸೇನೆಯ ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆಯನ್ನು ಬೆನ್ನಟ್ಟಿ ಹೊರದಬ್ಬಿರುವುದಾಗಿ ರಷ್ಯಾ ನೌಕಾಸೇನೆ ಸ್ಪಷ್ಟಪಡಿಸಿದೆ.
ತನ್ನ ಜಲಗಡಿಯಲ್ಲಿ ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆಯನ್ನು ಗುರುತಿಸಿದ ರಷ್ಯಾ ನೌಕಾಸೇನೆಯ ಅಡ್ಮಿರಲ್ ವಿನೋಗ್ರಾಡೋವ್ ಯುದ್ಧ ನೌಕೆ, ಯುಎಸ್ ನೇವಿ ಹಡಗನ್ನು ಬೆನ್ನಟ್ಟಿ ಹೊರದಬ್ಬುವಲ್ಲಿ ಯಶಸ್ವಿಯಾಗಿದೆ ಎಂದು ಮಾಸ್ಕೋ ತಿಳಿಸಿದೆ.
ತೈವಾನ್ ಜಲಸಂಧಿಯಲ್ಲಿ ಅಮೆರಿಕ ನೌಕೆ ಸಂಚಾರ: ಕೆರಳಿದ ಡ್ರ್ಯಾಗನ್ ನೀಡಿದ ಎಚ್ಚರಿಕೆ ಏನು?
ಕೂಡಲೇ ತನ್ನ ಜಲಗಡಿಯನ್ನು ಬಿಟ್ಟು ತೆರಳುವಂತೆ ನೀಡಿದ ಎಚ್ಚರಿಕೆಯ ಪರಿಣಾಮ, ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆ ತನ್ನ ಜಲಗಡಿ ಬಿಟ್ಟು ತಟಸ್ಥ ಜಲ ಪ್ರದೇಶಕ್ಕೆ ತೆರಳಿತು ಎಂದು ರಷ್ಯಾದ ರಕ್ಷಣಾ ಇಲಾಖೆ ಸ್ಪಷ್ಟಪಡಿಸಿದೆ.
ಸದ್ಯ ತಟಸ್ಥ ಅಂತಾರಾಷ್ಟ್ರೀಯ ಜಲಗಡಿಯಲ್ಲಿರುವ ಯುಎಸ್ಎಸ್ ಜಾನ್ ಎಸ್. ಮೆಕೇನ್ ಯುದ್ಧ ನೌಕೆಯ ಚಲನವಲನಗಳ ಮೇಲೆ ನಿಗಾ ಇಡಲಾಗಿದೆ ಎಂದೂ ರಷ್ಯಾದ ರಕ್ಷಣಾ ಇಲಾಖೆ ಮಾಹಿತಿ ನೀಡಿದೆ.
ಆದರೆ ಈ ಘಟನೆಯ ಕುರಿತು ಅಮೆರಿಕದ ನೌಕಾಸೇನೆಯಾಗಲಿ ಅಥವಾ ರಕ್ಷಣಾ ಇಲಾಖೆಯಾಗಲಿ ಯಾವುದೇ ಅಧಿಕೃತ ಹೇಳಿಕೆಯನ್ನು ಬಿಡುಗಡೆ ಮಾಡಿಲ್ಲ.
ಪೆಸಿಫಿಕ್ ಮಹಾಸಾಗರಕ್ಕೆ 3 ಅಣ್ವಸ್ತ್ರ ಯುದ್ಧ ಹಡಗು ರವಾನಿಸಿದ ಅಮೆರಿಕ: ಕಾರಣ?
ಇತ್ತೀಚಿಗೆ ಅಲಾಸ್ಕಾ ವಾಯು ಪ್ರದೇಶದ ಬಳಿ ರಷ್ಯಾದ ವಾಯುಸೇನಾ ಯುದ್ಧ ವಿಮಾನಗಳ ಹಾರಾಟಕ್ಕೆ ಅಮೆರಿಕ ತಡೆಯೊಡ್ಡಿತ್ತು. ರಷ್ಯಾದ ನಾಲ್ಕು Tu-142's ಯುದ್ಧ ವಿಮಾನಗಳು ದಕ್ಷಿಣ ಅಲಾಸ್ಕಾದ ಅಲ್ಯೂಟಿಯನ್ ದ್ವೀಪದ ಮೇಲೆ ಹಾರಾಟ ನಡೆಸಿದೆ. ಇದು ಅಲಾಸ್ಕಾ ವಾಯು ರಕ್ಷಣಾ ಒಪ್ಪಂದ ಉಲ್ಲಂಘನೆ ಎಂದು ಅಮೆರಿಕ ಅಸಮಾಧಾನ ಹೊರಹಾಕಿದ್ದನ್ನು ಇಲ್ಲಿ ಸ್ಮರಿಸಬಹುದು.