ಹನಿಟ್ರ್ಯಾಪ್‌ ಮೂಲಕ ರಷ್ಯಾ ಕಾರ್ಯಾಚರಣೆ

ವಾಷಿಂಗ್ಟನ್‌: ಕಳೆದ ನಾಲ್ಕು ವರ್ಷಗಳಿಂದ ವಿದ್ಯಾರ್ಥಿ ವೀಸಾ ಅಡಿಯಲ್ಲಿ ಅಮೆರಿಕದಲ್ಲಿ ನೆಲೆಸಿರುವ ಶಂಕಿತ ಗೂಢಚಾರಿ ರಷ್ಯಾನ್‌ ಮಹಿಳೆ, ಸೆಕ್ಸ್‌ ಮೂಲಕ ರಾಜಕಾರಿಣಿಗಳ ಸುಲಭ ಭೇಟಿಯ ಅವಕಾಶ ಪಡೆಯಲು ಮತ್ತು ರಾಜಕೀಯ ಪ್ರಕ್ರಿಯೆ ಮೇಲೆ ಪ್ರಭಾವ ಬೀರಲು ನಿರಂತರವಾಗಿ ಪ್ರಯತ್ನಿಸಿದ್ದಾಳೆ ಎಂದು ಅಮೆರಿಕದ ಸರಕಾರಿ ವಕೀಲರು ಆರೋಪಿಸಿದ್ದಾರೆ.

ಶಂಕಿತ ಮಹಿಳೆಯನ್ನು ರಷ್ಯಾ ಪ್ರಜೆ ಮರಿಯಾ ಬಟಿನಾ ಎಂದು ಗುರುತಿಸಲಾಗಿದ್ದು, ಅಮೆರಿಕ ಅಧಿಕಾರಿಗಳು ಈಕೆಯನ್ನು ಕಳೆದ ಭಾನುವಾರ ಬಂಧಿಸಿದ್ದಾರೆ. ಮರಿಯಾ ರಷ್ಯಾ ಗುಪ್ತಚರ ದಳದ ಹಿರಿಯ ಅಧಿಕಾರಿ ಕ್ರೆಮ್ಲಿನ್‌ ಅವರೊಂದಿಗೆ ರಹಸ್ಯವಾಗಿ ಸಂಪರ್ಕದಲ್ಲಿದ್ದಳು. 2014ರಿಂದ ಈಕೆ ಅಮೆರಿಕದಲ್ಲಿ ಕ್ರಿಯಾಶೀಲವಾಗಿದ್ದು, ಕನ್ಸರ್‌ವೇಟಿವ್‌ ಪಕ್ಷದ ರಾಜಕಾರಿಗಳೊಂದಿಗೆ ಸಂಪರ್ಕ ಸಾಧಿಸಲು ಮತ್ತು ರಿಪಬ್ಲಿಕನ್‌ ಪಕ್ಷದ ನಾಯಕರ ಮೇಲೆ ಪ್ರಭಾವ ಬೀರಲು ಪ್ರಯತ್ನಸಿದ್ದಾಳೆ. ಅಮೆರಿಕ ವಿಶ್ವವಿದ್ಯಾಲಯದಲ್ಲಿ ವಿದ್ಯಾಭ್ಯಾಸಕ್ಕಾಗಿ ಎಂದು ಸುಳ್ಳು ಹೇಳಿ ವಿದ್ಯಾರ್ಥಿ ವೀಸಾ ಪಡೆದಿದ್ದಾಳೆ. ನಂತರ ಹೆಚ್ಚು ಕಾಲ ಅಮೆರಿಕದಲ್ಲೇ ನೆಲಸಲು ಉದ್ಯೋಗ ವೀಸಾಗೆ ಪ್ರಯತ್ನಿಸಿದ್ದಾಳೆ. ಅಲ್ಲದೇ ಉದ್ಯೋಗ ಅವಕಾಶದ ಬದಲಿಯಾಗಿ ಸೆಕ್ಸ್‌ ಪ್ರಸ್ತಾಪ ಇಟ್ಟಿದ್ದಳು ಎಂದು ವಕೀಲರು ಆರೋಪಿಸಿದ್ದಾರೆ.