ಸ್ಯಾಟ್‌ಲೈಟ್‌ನಲ್ಲಿ ಕಿಮ್ ಐಷಾರಾಮಿ ಬೋಟ್ ಪತ್ತೆ: ವಿಲ್ಲಾದಲ್ಲಿ ಹಾಯಾಗಿರುವ ಸರ್ವಾಧಿಕಾರಿ?

ಸಿಯೋಲ್: ದಿಢೀರ್ ಅದೃಶ್ಯವಾಗಿರುವ ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಪತ್ತೆಗಾಗಿ ದಕ್ಷಿಣ ಕೊರಿಯಾ ಇನ್ನಿಲ್ಲದ ಕಸರತ್ತು ಆರಂಭಿಸಿದೆ. ಕಿಮ್ ಜಾಂಗ್ ಉನ್‌ ಇರುವಿಕೆಯನ್ನು ಖಚಿತಪಡಿಸಿಕೊಳ್ಳಲು ದಕ್ಷಿಣ ಕೊರಿಯಾ ಸಾಧ್ಯವಾದ ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದೆ.

ಅದರಂತೆ ಹೊಸ ಸ್ಯಾಟ್‌ಲೈಟ್ ಇಮೇಜ್‌ಗಳಲ್ಲಿ ಕಿಮ್ ಜಾಂಗ್ ಉನ್ ಬಳಸುವ ಐಷಾರಾಮಿ ಬೋಟ್‌ಗಳು ಸೆರೆಯಾಗಿದ್ದು, ‌ ಆತ ವೋನ್ಸೋನ್ ನಗರದ ತನ್ನ ಐಷಾರಾಮಿ ವಿಲ್ಲಾದಲ್ಲಿ ಹಾಯಾಗಿದ್ದಾನೆ ಎಂದು ದಕ್ಷಿಣ ಕೊರಿಯಾ ಅನುಮಾನ ವ್ಯಕ್ತಪಡಿಸಿದೆ.

ಕೊರೊನಾ ನಿರ್ವಹಣೆ, ಚೀನಾ ಅವಗಣನೆ, ಉ.ಕೊರಿಯಾ ಸ್ಥಿತಿ ಪರಿಗಣನೆ: ಟ್ರಂಪ್ ಬ್ಯುಸಿ ಶೆಡ್ಯೂಲ್ ಕೆದಕಿದಾಗ..!

ಸ್ಯಾಟ್‌ಲೈಟ್‌ನಲ್ಲಿ ಪತ್ತೆಯಾದ ಐಷಾರಾಮಿ ಬೋಟ್‌ಗಳನ್ನು ಕೇವಲ ಕಿಮ್ ಜಾಂಗ್ ಉನ್‌ ಬಳಕೆಗಾಗಿ ಮೀಸಲಿಡಲಾಗಿದ್ದು, ಇವುಗಳು ಸಮುದ್ರ ತದಲ್ಲಿ ಪತ್ತೆಯಾಗಿರುವುದು ಆತ ಇನ್ನೂ ಜೀವಂತವಾಗಿರುವುದಕ್ಕೆ ಸಾಕ್ಷಿ ಎಂದು ದಕ್ಷಿಣ ಕೊರಿಯಾ ಹೇಳಿದೆ.

ಇತ್ತೀಚಿಗಷ್ಟೇ ಅಮೆರಿಕದ ಸ್ಯಾಟ್‌ಲೈಟ್‌ಗಳಿಗೆ ಕಿಮ್ ಜಾಂಗ್ ಉನ್ ಬಳಕೆಗೆ ಮೀಸಲಿಡಲಾಗಿರುವ ವಿಶೇಷ ರೈಲಿನ ಚಲನವಲನ ಸೆರೆಯಾಗಿತ್ತು. ಇದೀಗ ಆತ ಬಳಸುವ ವಿಶೇಷ ಬೋಟ್‌ಗಳು ಪತ್ತೆಯಾಗಿದ್ದು, ಕಿಮ್ ಜಾಂಗ್ ಉನ್ ವೋನ್ಸೋನ್ ನಗರದಲ್ಲಿರುವ ತನ್ನ ಐಷಾರಾಮಿ ವಿಲ್ಲಾದಲ್ಲಿ ಕಾಲ ಕಳೆಯುತ್ತಿರಬಹುದು ಎಂದು ಅಂದಾಜಿಲಸಲಾಗಿದೆ.

ಕಿಮ್ ಜಾಂಗ್ ಉನ್ 'ವಿಶೇಷ ರೈಲು' ಪತ್ತೆ: ಸರ್ವಾಧಿಕಾರಿ ಸತ್ತಿರುವುದು ಅನುಮಾನ?

ಒಟ್ಟಿನಲ್ಲಿ ಕಿಮ್ ಜಂಗ್ ಉನ್ ಏಕಾಏಕಿ ಅದೃಶ್ಯವಾಗಿರುವುದು ಪಕ್ಕದ ದಕ್ಷಿಣ ಕೊರಿಯಾಗೆ ಇನ್ನಿಲ್ಲದ ಕಿರಿಕಿರಿ ಉಂಟು ಮಾಡುತ್ತಿದ್ದು, ಆತನ ಚಲನವಲನಗಳ ಮೇಲೆ ತೀವ್ರ ನಿಗಾ ಇರಿಸಿರುವುದು ಸ್ಪಷ್ಟ.