ಕ್ಯಾಲಿಫೋರ್ನಿಯಾ: ಅಮೆರಿಕದ ಕ್ಯಾಲಿಫೋರ್ನಿಯಾದ ಮಾನೆಟರಿ ಪಾರ್ಕ್‌ನಲ್ಲಿ ಶನಿವಾರ ರಾತ್ರಿ ಗುಂಡಿನ ದಾಳಿ ನಡೆದಿದ್ದು, ಅದರಲ್ಲಿ ಅನೇಕರು ಮೃತಪಟ್ಟಿರುವ ಶಂಕೆ ವ್ಯಕ್ತವಾಗಿದೆ. ಮಾನೆಟರಿ ಪಾರ್ಕ್‌ನಲ್ಲಿ ಚೀನಾದ ಮೊದಲ ಚಾಂದ್ರಮಾನ ಹೊಸ ವರ್ಷ ಆಚರಣೆ ನಡೆಯುತ್ತಿತ್ತು. ಆ ಸ್ಥಳದ ಸುತ್ತಮುತ್ತ ಈ ಭಯಾನಕ ದಾಳಿ ನಡೆದಿದೆ. ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ ಎಂದು ಲಾಸ್ ಏಂಜಲಿಸ್ ಟೈಮ್ಸ್ ವರದಿ ಮಾಡಿದೆ.
ರಾತ್ರಿ 10 ಗಂಟೆಗೆ ಇಲ್ಲಿ ಬಂದೂಕುಧಾರಿ ದಾಳಿ ನಡೆಸಿದ್ದಾನೆ. ಇದಕ್ಕೂ ಮುನ್ನ ಈ ಸ್ಥಳದಲ್ಲಿ ನಡೆದ ಚೀನೀಯರ ಹೊಸ ವರ್ಷದ ಸಂಭ್ರಮದ ಉತ್ಸವದಲ್ಲಿ ಸಾವಿರಾರು ಜನರು ಭಾಗವಹಿಸಿದ್ದರು. ಪೊಲೀಸ್ ಕಾರುಗಳು ಸುತ್ತುವರಿದಿರುವ, ನಿರ್ಬಂಧಾಜ್ಞೆಗಳು ಜಾರಿಯಾಗಿರುವ ಪ್ರದೇಶದ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.
ಮಾನೆಟರಿ ಪಾರ್ಕ್, ಲಾಸ್ ಏಂಜಲಿಸ್ ಕೌಂಟಿಯಲ್ಲಿನ ಒಂದು ನಗರವಾಗಿದ್ದು, ಲಾಸ್ ಏಂಜಲಿಸ್ ಪಟ್ಟಣದಿಂದ ಸುಮಾರು 11 ಕಿಮೀ ದೂರದಲ್ಲಿದೆ.
ಸಾಮೂಹಿಕ ಗುಂಡಿನ ದಾಳಿಯಲ್ಲಿ ಅನೇಕರು ಸಾವಿಗೀಡಾಗಿದ್ದಾರೆ ಎಂದು ಕಾನೂನು ಜಾರಿ ಅಧಿಕಾರಿಗಳು ತಿಳಿಸಿದ್ದಾರೆ. ಆದರೆ ಎಷ್ಟು ಮಂದಿ ಬಲಿಯಾಗಿದ್ದಾರೆ, ದಾಳಿ ನಡೆಸಿದವರು ಯಾರು? ಎಷ್ಟು ಮಂದಿ ಇದರಲ್ಲಿ ಭಾಗಿಯಾಗಿದ್ದಾರೆ? ಅವರು ಸಿಕ್ಕಿದ್ದಾರೆಯೇ ಇತ್ಯಾದಿ ಮಾಹಿತಿಗಳನ್ನು ಪೊಲೀಸರು ಬಹಿರಂಗಪಡಿಸಿಲ್ಲ.
ಈ ದಾಳಿಯಲ್ಲಿ 12ಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ ಎಂದು ಒಂದು ಮೂಲ ತಿಳಿಸಿರುವುದಾಗಿ ಪತ್ರಿಕೆ ವರದಿ ಮಾಡಿದೆ.
ಗುಂಡಿನ ದಾಳಿ ನಡೆದ ಗಾರ್ವಿ ಅವೆನ್ಯೂದಲ್ಲಿನ ಬೀದಿಯಲ್ಲಿ ಸೀಫುಡ್ ಬಾರ್ಬೆಕ್ಯೂ ರೆಸ್ಟೋರೆಂಟ್ ನಡೆಸುತ್ತಿರುವ ಸಿಯಂಗ್ ವೊನ್ ಚೋಯಿ, ತನ್ನ ರೆಸ್ಟೋರೆಂಟ್‌ಗೆ ಓಡಿ ಬಂದ ಮೂವರು, ಬಾಗಿಲು ಹಾಕುವಂತೆ ಸೂಚನೆ ನೀಡಿದ್ದರು ಎಂದು ತಿಳಿಸಿದ್ದಾರೆ.
ಈ ಪ್ರದೇಶದಲ್ಲಿ ಮೆಷಿನ್ ಗನ್ ಹಿಡಿದ ವ್ಯಕ್ತಿಯೊಬ್ಬ ಓಡಾಡುತ್ತಿದ್ದಾನೆ. ಗನ್‌ಮ್ಯಾನ್ ಬಳಿ ಹಲವು ಸುತ್ತುಗಳ ಗುಂಡುಗಳಿವೆ ಎಂದು ಅವರು ತಿಳಿಸಿದ್ದರು. ಹೀಗಾಗಿ ಒಮ್ಮೆ ಆತನ ಗುಂಡುಗಳು ಖಾಲಿಯಾದ ನಂತರ ಮತ್ತೆ ತುಂಬಿಸಿದ್ದ ಎನಿಸುತ್ತದೆ. ಪ್ರದೇಶದ ಡ್ಯಾನ್ಸ್ ಕ್ಲಬ್ ಬಳಿ ಗುಂಡಿನ ದಾಳಿ ನಡೆದಿರಬಹುದು ಎಂದು ಚೋಯಿ ಹೇಳಿದ್ದಾರೆ.
ರಾತ್ರಿ 10 ಗಂಟೆಗೆ ಇಲ್ಲಿ ಬಂದೂಕುಧಾರಿ ದಾಳಿ ನಡೆಸಿದ್ದಾನೆ. ಇದಕ್ಕೂ ಮುನ್ನ ಈ ಸ್ಥಳದಲ್ಲಿ ನಡೆದ ಚೀನೀಯರ ಹೊಸ ವರ್ಷದ ಸಂಭ್ರಮದ ಉತ್ಸವದಲ್ಲಿ ಸಾವಿರಾರು ಜನರು ಭಾಗವಹಿಸಿದ್ದರು. ಪೊಲೀಸ್ ಕಾರುಗಳು ಸುತ್ತುವರಿದಿರುವ, ನಿರ್ಬಂಧಾಜ್ಞೆಗಳು ಜಾರಿಯಾಗಿರುವ ಪ್ರದೇಶದ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.
ಮಾನೆಟರಿ ಪಾರ್ಕ್, ಲಾಸ್ ಏಂಜಲಿಸ್ ಕೌಂಟಿಯಲ್ಲಿನ ಒಂದು ನಗರವಾಗಿದ್ದು, ಲಾಸ್ ಏಂಜಲಿಸ್ ಪಟ್ಟಣದಿಂದ ಸುಮಾರು 11 ಕಿಮೀ ದೂರದಲ್ಲಿದೆ.
ಸಾಮೂಹಿಕ ಗುಂಡಿನ ದಾಳಿಯಲ್ಲಿ ಅನೇಕರು ಸಾವಿಗೀಡಾಗಿದ್ದಾರೆ ಎಂದು ಕಾನೂನು ಜಾರಿ ಅಧಿಕಾರಿಗಳು ತಿಳಿಸಿದ್ದಾರೆ. ಆದರೆ ಎಷ್ಟು ಮಂದಿ ಬಲಿಯಾಗಿದ್ದಾರೆ, ದಾಳಿ ನಡೆಸಿದವರು ಯಾರು? ಎಷ್ಟು ಮಂದಿ ಇದರಲ್ಲಿ ಭಾಗಿಯಾಗಿದ್ದಾರೆ? ಅವರು ಸಿಕ್ಕಿದ್ದಾರೆಯೇ ಇತ್ಯಾದಿ ಮಾಹಿತಿಗಳನ್ನು ಪೊಲೀಸರು ಬಹಿರಂಗಪಡಿಸಿಲ್ಲ.
ಈ ದಾಳಿಯಲ್ಲಿ 12ಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ ಎಂದು ಒಂದು ಮೂಲ ತಿಳಿಸಿರುವುದಾಗಿ ಪತ್ರಿಕೆ ವರದಿ ಮಾಡಿದೆ.
ಗುಂಡಿನ ದಾಳಿ ನಡೆದ ಗಾರ್ವಿ ಅವೆನ್ಯೂದಲ್ಲಿನ ಬೀದಿಯಲ್ಲಿ ಸೀಫುಡ್ ಬಾರ್ಬೆಕ್ಯೂ ರೆಸ್ಟೋರೆಂಟ್ ನಡೆಸುತ್ತಿರುವ ಸಿಯಂಗ್ ವೊನ್ ಚೋಯಿ, ತನ್ನ ರೆಸ್ಟೋರೆಂಟ್‌ಗೆ ಓಡಿ ಬಂದ ಮೂವರು, ಬಾಗಿಲು ಹಾಕುವಂತೆ ಸೂಚನೆ ನೀಡಿದ್ದರು ಎಂದು ತಿಳಿಸಿದ್ದಾರೆ.
ಈ ಪ್ರದೇಶದಲ್ಲಿ ಮೆಷಿನ್ ಗನ್ ಹಿಡಿದ ವ್ಯಕ್ತಿಯೊಬ್ಬ ಓಡಾಡುತ್ತಿದ್ದಾನೆ. ಗನ್‌ಮ್ಯಾನ್ ಬಳಿ ಹಲವು ಸುತ್ತುಗಳ ಗುಂಡುಗಳಿವೆ ಎಂದು ಅವರು ತಿಳಿಸಿದ್ದರು. ಹೀಗಾಗಿ ಒಮ್ಮೆ ಆತನ ಗುಂಡುಗಳು ಖಾಲಿಯಾದ ನಂತರ ಮತ್ತೆ ತುಂಬಿಸಿದ್ದ ಎನಿಸುತ್ತದೆ. ಪ್ರದೇಶದ ಡ್ಯಾನ್ಸ್ ಕ್ಲಬ್ ಬಳಿ ಗುಂಡಿನ ದಾಳಿ ನಡೆದಿರಬಹುದು ಎಂದು ಚೋಯಿ ಹೇಳಿದ್ದಾರೆ.