ಅಮೆರಿಕದಲ್ಲಿ ಪೇಟ ಧರಿಸಲು ಸಿಖ್‌ ಸಿಬ್ಬಂದಿಗೆ ಅವಕಾಶ

ವಾಷಿಂಗ್ಟನ್‌: ಅಮೆರಿಕದ ವಾಯುಪಡೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಭಾರತೀಯ ಮೂಲದ ಹರ್‌ಪ್ರೀತಿಂದರ್‌ ಸಿಂಗ್‌ ಬಾಜ್ವಾ ಅವರಿಗೆ ಸಿಖ್‌ ಧರ್ಮದ ಅನುಸಾರ ಗಡ್ಡ ಬಿಟ್ಟು, ಪೇಟ ಧರಿಸಿಕೊಂಡೇ ಸೇವೆ ಸಲ್ಲಿಸಲು ಅವಕಾಶ ಮಾಡಿಕೊಡಲಾಗಿದೆ. 2017ರಲ್ಲಿ ಇವರು ಅಮೆರಿಕ ವಾಯುಪಡೆ ಸೇರಿದ್ದು, ವಾಷಿಂಗ್ಟನ್‌ನ ಮ್ಯಾಕ್‌ಕಾರ್ಡ್‌ ವಾಯುನೆಲೆಯಲ್ಲಿ ಏರ್‌ಮನ್‌ ಆಗಿ ಕೆಲಸ ಮಾಡುತ್ತಿದ್ದಾರೆ. ಅಮೆರಿಕದಲ್ಲಿ ಸಿಖ್‌ ಧರ್ಮದಂತೆ ಒಂದಷ್ಟು ನಿಯಮಗಳನ್ನು ಪಾಲಿಸಲು ವಾಯುಪಡೆ ತಮ್ಮ ವಿಷಯದಲ್ಲಿ ಉದಾರತೆ ತೋರಿರುವುದಕ್ಕೆ ಅವರು ಹರ್ಷ ವ್ಯಕ್ತಪಡಿಸಿದ್ದಾರೆ. ಇದಕ್ಕೂ ಮೊದಲು ಅವರು ಅಮೆರಿಕ ಸಿಖ್‌ ಯೋಧರ ಒಕ್ಕೂಟ ಹಾಗೂ ಅಮೆರಿಕನ್‌ ಸಿವಿಲ್‌ ಲಿಬಟ್ರೀಸ್‌ ಯೂನಿಯನ್‌ ಮೂಲಕ ಹೋರಾಟ ನಡೆಸಿದ್ದರು.