2018ಕ್ಕೆ ಹೊರಟ ವಿಮಾನಗಳು 2017ಕ್ಕೆ ತಲುಪಿದ್ದು ಹೇಗೆ...?

ಆಕ್ಲಂಡ್‌: ವಿಚಿತ್ರ ವಿದ್ಯಮಾನವೊಂದರಲ್ಲಿ ತೈಪೆನಿಂದ 2018ರಲ್ಲಿ ಹೊರಟ ಆರು ವಿಮಾನಗಳು 2017 ಡಿಸೆಂಬರ್‌ನಲ್ಲಿ ಅಮೆರಿಕದಲ್ಲಿ ಲ್ಯಾಂಡ್‌ ಆದ ಘಟನೆ ನಡೆದಿದೆ.

ಫ್ಲೈಟ್ ಟ್ರೇಡರ್ ಟ್ವಿಟರ್ ಮಾಹಿತಿ ಪ್ರಕಾರ, 2018ರ ಜ.1ರಂದು ತೈಪೈನಿಂದ ಒಟ್ಟು 6 ವಿಮಾನಗಳು ಹೊರಟಿದ್ದು, 2017ರ ಡಿ.31ರಂದು ಲ್ಯಾಂಡ್ ಆಗಿವೆ. ಈ ವಿಮಾನಗಳು ವಾಂಕೋವರ್, ಸಿಯಾಟ್ಲ್, ಲಾಸ್ ಏಂಜಲೀಸ್ ಮತ್ತು ಸ್ಯಾನ್ ಫ್ರಾನ್ಸಿಸ್ಕೋಗೆ ತೆರಳಬೇಕಿದ್ದವು. ಅಂದರೆ, ಉಭಯ ರಾಷ್ಟ್ರಗಳ ನಡುವಿನ ಸಮಯದ ಅಂತರದಿಂದಾಗಿ (ಗ್ರೀನ್ವಿಚ್ ಮೀನ್ ಟೈಮ್‌ಗೆ ಅನುಗುಣವಾಗಿ) ಈ ರೀತಿ ಲ್ಯಾಂಡಿಂಗ್ ಸಮಯದಲ್ಲಿ ವ್ಯತ್ಯಾಸವು ಕಾಣಿಸಿಕೊಳ್ಳುತ್ತದೆ.
Because of an unexpected delay, Hawaiian Airlines flight 446 took off in 2018 and will land in 2017. #timetravel pic.twitter.com/A5vesXmjqq — Sam Sweeney (@SweeneyABC) 31 December 2017 ಈ ಮಧ್ಯೆ. ಆಕ್ಲಂಡ್‌ನಿಂದ ಹೊನಲೂಲುಗೆ ಹೊರಟ ಹವಾಯನ್ ಏರ್‌ಲೈನ್ಸ್ ವಿಮಾನ HA446 ವಿಮಾನ ಕೆಲ ತಾಂತ್ರಿಕ ದೋಷದಿಂದಾಗಿ ಒಂದು ದಿನ ಬೇಗನೇ ಹೊನಲೂಲುಗೆ ತಲುಪಿದೆ.

ಆಕ್ಲಂಡ್ ಮತ್ತು ಹೊನೊಲುಲುವಿನ ನಡುವೆ 23 ಗಂಟೆಗಳ ವ್ಯತ್ಯಾಸವಿದ್ದು, ಡಿಸೆಂಬರ್ 31ರ ರಾತ್ರಿ 11:55ಕ್ಕೆ ವಿಮಾನವು ಹೊರಟು ಅದೇ ದಿನ ಬೆಳಗ್ಗೆ 9:45ಕ್ಕೆ ಲ್ಯಾಂಡ್ ಆಗುವುದಿತ್ತು. ಆದರೆ ತಾಂತ್ರಿಕ ದೋಷದಿಂದ 10 ನಿಮಿಷ ತಡವಾಗಿ ಆಕ್ಲಂಡ್‌ನಿಂದ ಹೊರಟ ವಿಮಾನ 2017 ಡಿಸೆಂಬರ್ 31ರಂದು ಲ್ಯಾಂಡ್ ಆಗಿದೆ.

ಅಮೆರಿಕದ ಪತ್ರಕರ್ತರೊಬ್ಬರು ಇದನ್ನು ಗಮನಿಸಿದ್ದು, ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ವಿಮಾನ HA446 ಆಕ್ಲಂಡ್‌ನಿಂದ ಜನವರಿ 1ರಂದು 12:05ಕ್ಕೆ ಹೊರಟಿದ್ದು, ಹೊನೊಲುಲುವಿಗೆ ಡಿಸೆಂಬರ್ 31ರಂದು ಬೆಳಗ್ಗೆ 10:16ಕ್ಕೆ ತಲುಪಿದೆ ಎಂದು ತಿಳಿಸಿದ್ದಾರೆ.