ಮನೆಗಳ ಮೇಲೆಯೇ ವಿಮಾನ ಪತನ, ಹಲವು ಅನುಮಾನಗಳಿಗೆ ಎಡೆ­ಮಾಡಿಕೊಟ್ಟ ದುರಂತ: 23 ಸಾವು

ಕಿನ್ಹಾಸಾ: 17 ಪ್ರಯಾಣಿಕರಿದ್ದ ವಿಮಾನ­ವೊಂದು ಕಾಂಗೊದ ಗೊಮಾ ನಗರದ ಜನನಿಬಿಡ ಪ್ರದೇಶದಲ್ಲಿ ಭಾನುವಾರ ಪತನಗೊಂಡಿದ್ದು ಸಿಬ್ಬಂದಿ ಸಮೇತ 27ಪ್ರಯಾಣಿಕರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಬೆನಿ ನಗರಕ್ಕೆ ಹೊರಟಿದ್ದ ಡಾರ್ನಿಯರ್‌-228 ವಿಮಾನ ಗೊಮಾ ವಿಮಾನ ನಿಲ್ದಾಣದಿಂದ ಹಾರಾಟ ಆರಂಭಿಸಿದ ಕೆಲವೇ ನಿಮಿಷಗಳಲ್ಲಿ ಪತನಗೊಂಡಿರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ.

ವಿಮಾನ ಪತನಗೊಂಡಿರುವ ಉತ್ತರ ಕಿವು ಪ್ರಾಂತ್ಯದ ಉಪಾಧ್ಯಕ್ಷ ಜಿಯಾನ್‌ ಪೌಲ್‌ ದುರಂತದ ತನಿಖೆಗೆ ಆದೇಶಿಸಿದ್ದಾರೆ. ವಿಮಾನ ನಿರ್ವಹಣೆ ಹೊಣೆ ಹೊತ್ತಿದ್ದ ಬ್ಯುಸಿ ಬೀ ಸಂಸ್ಥೆ ಅಂತಾರಾಷ್ಟ್ರೀಯ ಪತ್ರಿಕೆ­ಯೊಂದಕ್ಕೆ ಪ್ರತಿಕ್ರಿಯೆ ನೀಡಿದೆ.

ಗ್ವಾಲಿಯರ್ ಬಳಿ ಮತ್ತೊಂದು ಮಿಗ್ 21 ಯುದ್ಧ ವಿಮಾನ ಪತನ: ಇಬ್ಬರು ಪೈಲಟ್‌‌ಗಳು ಸುರಕ್ಷಿತ

ಇತ್ತೀಚೆಗೆ ವಿಮಾನದ ಇಂಜಿನ್‌ ಬದಲಾಯಿಸ­ಲಾಗಿತ್ತು.ಅದರಲ್ಲಿನ ತಾಂತ್ರಿಕ ದೋಷ­ದಿಂದ ದುರಂತ ಸಂಭವಿಸಿರಬಹುದು. ತಜ್ಞರು ಪರಿಶೀಲನೆ ನಡೆಸಿ ಸರಕಾರಕ್ಕೆ ವರದಿ ನೀಡಲಿದ್ದಾರೆ ಎಂದಿದೆ. ಕಾಂಗೊದಲ್ಲಿಸಕ್ರಿಯವಾಗಿರುವ ವಿಶ್ವ­ಸಂಸ್ಥೆಯ ಕಚೇರಿಯಿಂದಲೂ ದುರಂತದ ಸ್ಥಳಕ್ಕೆ ತುರ್ತು ಅಪಘಾತ ಮತ್ತು ರಕ್ಷಣಾ ಕಾರ್ಯಪಡೆ ಕಳುಹಿಸಿಕೊಡಲಾಗಿದೆ.