ದ.ಕೊರಿಯಾ ವಿರುದ್ಧ ಮಿಲಿಟರಿ ಕಾರ್ಯಾಚರಣೆಗೆ ಉ.ಕೊರಿಯಾ ಬ್ರೇಕ್: ಇಷ್ಟೊಳ್ಳೆ ಬುದ್ಧಿ ಹೇಗೆ ಬಂತು?

ಸಿಯೋಲ್: ಗಡಿಯಲ್ಲಿ ಸಾಮಾಜಿಕ ಹೋರಾಟಗಾರರು ತನ್ನ ದೇಶದ ವಿರುದ್ಧ ಕರಪತ್ರ ಹಂಚುತ್ತಿದ್ದಾರೆ ಎಂಬ ಕಾರಣಕ್ಕೆ, ದಕ್ಷಿಣ ಕೊರಿಯಾ ವಿರುದ್ಧ ಮಿಲಿಟರಿ ಕಾರ್ಯಾಚರಣೆ ಯ ಬೆದರಿಕೆ ಹಾಕಿದ್ದ ಉತ್ತರ ಕೊರಿಯಾ ಇದೀಗ ತಣ್ಣಗಾಗಿದೆ.

ದಕ್ಷಿಣ ಕೊರಿಯಾ ವಿರುದ್ಧ ಮಿಲಿಟರಿ ಕಾರ್ಯಾಚರಣೆಯ ತನ್ನ ಹಿಂದಿನ ಆದೇಶವನ್ನು ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಹಿಂಪಡೆದಿದ್ದಾನೆ ಎನ್ನಲಾಗಿದೆ.

ದ.ಕೊರಿಯಾದೊಂದಿಗೆ ರಾಜಕೀಯ ಸಂವಹನ ನಿಲ್ಲಿಸಿದ ಉ.ಕೊರಿಯಾ: ಕಿಮ್ ಜಾಂಗ್ ಹೊಸ ದಾಳ!

ದಕ್ಷಿಣ ಕೊರಿಯಾ ತನ್ನ ವಿರುದ್ಧ ಅಪಪ್ರಚಾರದಲ್ಲಿ ನಿರತವಾಗಿದೆ ಎಂದು ಆರೋಪಿಸಿದ್ದ ಉತ್ತರ ಕೊರಿಯಾ, ಇದಕ್ಕೆ ಮಿಲಿಟರಿ ಕಾರ್ಯಾಚರಣೆ ಮೂಲಕ ಉತ್ತರ ನೀಡಲಾಗುವುದು ಎಂದು ಬೆದರಿಕೆಯೊಡ್ಡಿತ್ತು.

ಅದರಲ್ಲೂ ಕಿಮ್ ಜಾಂಗ್ ಉನ್ ಸಹೋದರಿ ಕಿಮ್ ಯೋ ಜಾಂಗ್, ದಕ್ಷಿಣ ಕೊರಿಯಾಗೆ ಪಾಠ ಕಲಿಸಲು ಇದೇ ಸೂಕ್ತ ಸಮಯ ಎಂದು ಬಹಿರಂಗವಾಗಿಯೇ ಘೋಷಿಸಿದ್ದಳು.

ಸೇನಾ ಕಾರ್ಯಾಚರಣೆ ಕಾದಿದೆ: ದ.ಕೊರಿಯಾಗೆ ವಿನಾಶದ ಬೆದರಿಕೆ ಹಾಕಿದ ಕಿಮ್ ತಂಗಿ!

ಆದರೆ ಸದ್ಯ ಮಿಲಿಟರಿ ಕಾರ್ಯಾಚರಣೆಗೆ ಬ್ರೇಕ್ ನೀಡುವ ನಿರ್ಧಾರ ಕೈಗೊಂಡಿರುವ ಕಿಮ್ ಜಾಂಗ್ ಉನ್, ಕೊರಿಯಾ ಪರ್ಯಾಯ ದ್ವೀಪದಲ್ಲಿ ನಿರ್ಮಾಣವಾಗಿದ್ದ ಯುದ್ಧಾಂತಕವನ್ನು ಶಮನಗೊಳಿಸಿದ್ದಾನೆ.