ಕೊಲೊಂಬೊ: ಶ್ರೀಲಂಕಾ ತನ್ನ ಯುದ್ಧತಾಂತ್ರಿಕ ಅನುಕೂಲಕರ ಹಂಬಂತೊತಾ ಬಂದರಿನ 70 ಪ್ರತಿಶತ ಷೇರುಗಳನ್ನು ಚೀನಾಗೆ ಮಾರಾಟ ಮಾಡುವ ಮಹತ್ವದ ಒಪ್ಪಂದಕ್ಕೆ ಶನಿವಾರ ಸಹಿ ಹಾಕಿದೆ. ಬಂದರಿನ ನಿರ್ಮಾಣಕ್ಕೆ ಸಾಕಷ್ಟು ಸಾಲ ಮಾಡಿಕೊಂಡಿದ್ದ ದ್ವೀಪರಾಷ್ಟ್ರ ಶ್ರೀಲಂಕಾಗೆ ಚೀನಾ ಸಾಕಷ್ಟು ಹಣವನ್ನು ವಿನಿಯೋಗಿಸಿತ್ತು.
ನಷ್ಟದಲ್ಲಿದ್ದ ಬಂದರನ್ನು ಚೀನಾದ ಸರಕಾರಿ ಸ್ವಮ್ಯದ ಚೀನಾ ಮರ್ಚಂಟ್‌ ಪೋರ್ಟ್‌ ಹೊಲ್ಡಿಂಗ್‌ ಕಂಪನಿಗೆ ಮಾರಾಟ ಮಾಡಲಾಗಿದೆ. ಶ್ರೀಲಂಕಾದ ಬಂದರು ಮತ್ತು ನೌಕಾಯಾನ ಸಚಿವ ಮಹಿಂದ್ರ ಸಮರಸಿಂಘೆ ಹಾಗೂ ಚೀನಾದ ರಾಯಭಾರಿ ಯಿ ಕ್ಸಿಯಾನ್‌ಲಿಯಾಂಗ್‌ ಒಪ್ಪಂದಕ್ಕೆ ಸಹಿ ಮಾಡಿದ್ದಾರೆ. ಒಪ್ಪಂದದ ಪ್ರಕಾರ ಬಂದರನ್ನು ಚೀನಾಗೆ 99 ವರ್ಷಗಳ ಕಾಲ ಗುತ್ತಿಗೆ ನೀಡಲಾಗಿದೆ. ಚೀನಾ ಬಂದರಿಗಾಗಿ ಸುಮಾರು 110 ಕೋಟಿ ಡಾಲರ್‌ ಹಣ ವಿನಿಯೋಗಿಸಲಿದೆ.
ಭಾರತಕ್ಕೆ ಆತಂಕಕಾರಿ: ಪ್ರಸ್ತುತ ಚೀನಾ ಶ್ರೀಲಂಕಾ ಒಪ್ಪಂದ ಭಾರತಕ್ಕೆ ಅಪಾಯ ತಂದೊಡ್ಡುವ ಸಾಧ್ಯತೆಗಳಿವೆ. ಒಪ್ಪಂದದ ಪ್ರಕಾರ ಕೇವಲ ಶ್ರೀಲಂಕಾದ ನೌಕಾಪಡೆ ಮಾತ್ರ ಬಂದರಿನ ಭದ್ರತೆಯನ್ನು ನೋಡಿಕೊಳ್ಳಲಿದ್ದು, ಬೇರೆ ಯಾವುದೇ ನೌಕಾಪಡೆ ಅಲ್ಲಿ ತನ್ನ ನೆಲೆಯನ್ನು ಸ್ಥಾಪಿಸಲು ಅವಕಾಶ ನೀಡುವುದಿಲ್ಲ. ಹಿಂದೂ ಮಹಾಸಾಗರದಲ್ಲಿ ಪ್ರಮುಖ ಬಂದರಾಗಿದ್ದು ಚೀನಾ ಮತ್ತು ಯುರೋಪಿನ ರಸ್ತೆಗಳಿಗೆ ಸಂಪರ್ಕ ಕಲ್ಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಲಿದೆ.
ವ್ಯಾಪಕ ಟೀಕೆ: ಈ ಒಪ್ಪಂದಕ್ಕೆ ಮುಂದಾದ ಶ್ರೀಲಂಕಾ ಸರಕಾರಕ್ಕೆ ಸಾಕಷ್ಟು ವಿರೋಧ ವ್ಯಕ್ತವಾಗಿದೆ.ರಾಷ್ಟ್ರೀಯ ಆಸ್ತಿಯನ್ನು ಸರಕಾರ ಚೀನಾಕ್ಕೆ ಮಾರಲು ಹೊರಟಿವೆ ಎಂದು ಲಂಕಾದ ವ್ಯಾಪಾರಿ ಒಕ್ಕೂಟಗಳು ಆರೋಪಿಸಿದ್ದವು. ಕಳೆದ ವಾರ ಪೆಟ್ರೋಲ್‌ ಬಂಕ್‌ಗಳು 2 ದಿನ ಬಂದ್‌ ನಡೆಸಿ ಪ್ರತಿಭಟಿಸಿದ್ದವು.
ಆದರೆ ಲಂಕಾದ ಪ್ರಧಾನಿ ವಿಕ್ರಮ ಸಿಂಘೆ ಈ ಒಪ್ಪಂದ ದೇಶವನ್ನು ಸಾಲಮುಕ್ತವಾಗಿಸಲಿದೆ. ಬಂದರಿನಿಂದ ಸುಮಾರು 30 ಕೋಟಿ ಡಾಲರ್‌ ನಷ್ಟವಾಗಿದ್ದು, ಒಪ್ಪಂದದಿಂದ ಚೀನಾದಿಂದ ಪಡೆದಿದ್ದ ಸಾಲವೆಲ್ಲ ಮನ್ನಾ ಆಗಲಿದೆ ಎಂದಿದ್ದಾರೆ. ಜು. 25 ರಂದು ಒಪ್ಪಂದಕ್ಕೆ ಶ್ರೀಲಂಕಾದ ಪಾರ್ಲಿಮೆಂಟ್‌ ಸಮ್ಮತಿ ಸೂಚಿಸಿತ್ತು.
Sri Lanka, China sign USD 1.1 bn Hambantota port deal
Sri Lanka today signed a USD 1.1 billion deal with China to sell a 70-per cent stake in the strategic Hambantota port to a state-run Chinese firm, a move that could raise security concerns in India.