ನೂತನ ಸಂವಿಧಾನ ರಚಿಸಲು ಮುಂದಾದ ಶ್ರೀಲಂಕಾ

ಕೋಲಂಬೋ :ಐತಿಹಾಸಿಕ ಬೆಳವಣಿಗೆಯಲ್ಲಿ ಶ್ರೀಲಂಕಾ ಸಂಸತ್ತು ಇಂದು ನೂತನ ಸಂವಿಧಾನವನ್ನು ರಚಿಸಲು ಸಂವಿಧಾನಾತ್ಮಕ ಅಸೆಂಬ್ಲಿಯನ್ನು ರಚಿಸಿದೆ. 1978ರಲ್ಲಿ ಅಳವಡಿಸಲಾದ ಕಾರ್ಯನಿರ್ವಾಹಕ ಅಧ್ಯಕ್ಷರ ಬದಲಾಗಿ ಹೊಸ ಸಂವಿಧಾನ ರೂಪಿಸಲಿದೆ.

ಪ್ರಧಾನಿ ರನಿಲ್‌ ವಿಕ್ರಮೆಸಿಂಘೇ 21 ಸದಸ್ಯರ ಒಂದು ಸಮಿತಿಗೆ ಮುಖ್ಯಸ್ಥರಾಗಿದ್ದು,ಸ್ಪೀಕರ್‌ ಕರು ಜಯಸೂರ್ಯ ಅಸ್ಸೆಂಬ್ಲಿಯ ಅಧ್ಯಕ್ಷರಾಗಿ ಆಯ್ಕೆ ಆಗಿದ್ದಾರೆ.ಉಳಿದಂತೆ 7 ಉಪಾಧ್ಯಕ್ಷರನ್ನು ನೇಮಿಸಲಾಗಿದೆ. ಸಂವಿಧಾನ ಅಸೆಂಬ್ಲಿಯು ಹೊಸ ಸಂವಿಧಾನ ಸಿದ್ದಗೊಳಿಸಲು ತಯಾರಾಗಿದ್ದು ದೇಶದ ಇತಿಹಾಸದಲ್ಲಿಯೇ ಇದು ಎರಡನೇ ಬಾರಿ. ಈ ಹಿಂದೆ 1978 ರಲ್ಲಿ ಬ್ರಿಟಿಷ್‌ ಸಾರ್ವಭೌಮ ಗಣರಾಜ್ಯ ಮುಕ್ತ ದೇಶ ಎಂದು ಸಂವಿಧಾನ ರಚಿಸಲಾಗಿತ್ತು.

ನಾವು 2017 ರ ಹೊತ್ತಿಗೆ ನೂತನ ಸಂವಿಧಾನ ರಚಿಸುವ ನಿಟ್ಟಿನಲ್ಲಿ ಪ್ರಯತ್ನಿಸುತ್ತೇವೆಂದು ಪ್ರಧಾನಿ ತಿಳಿಸಿದ್ದಾರೆ.