ಕಾಬೂಲ್‌: ಅಫಘಾನಿಸ್ತಾನದಲ್ಲಿ ತಾಲಿಬಾನ್‌ ಉಗ್ರರಿಂದ ಪೊಲೀಸರ ಮಾರಣಹೋಮ ಮುಂದುವರಿದಿದೆ. ತಪಾಸಣಾ ಕೇಂದ್ರಗಳ ಮೇಲೆ ತಾಲಿಬಾನ್‌ ಉಗ್ರರು ನಡೆಸಿದ ಪ್ರತ್ಯೇಕ ದಾಳಿಗಳಲ್ಲಿ 28 ಆಫ್ಘನ್‌ ಪೊಲೀಸರು ಬಲಿಯಾಗಿದ್ದಾರೆ.
ಭಾನುವಾರ ಮುಂಜಾನೆ ಕುಂಡುಜ್‌ ಪ್ರಾಂತದ ಖಾನ್‌ ಅಬ್ದಾದ್‌ ಜಿಲ್ಲೆಯಲ್ಲಿ ನಡೆದ ದಾಳಿಯಲ್ಲಿ 13 ಪೊಲೀಸ್‌ ಅಧಿಕಾರಿಗಳು ಬಲಿಯಾಗಿದ್ದಾರೆ. ಈ ವೇಳೆ ಒಬ್ಬ ಪೊಲೀಸ್‌ ಮಾತ್ರ ಬದುಕುಳಿದಿದ್ದಾರೆ ಎಂದು ಪ್ರಾಂತದ ಪೊಲಿಸ್‌ ಮುಖ್ಯಸ್ಥರಾದ ಅಬ್ದುಲ್‌ ಹಮೀದ್‌ ಹಮೀದಿ ತಿಳಿಸಿದ್ದಾರೆ.
ಮುಸುಕುಧಾರಿ ದಾಳಿಕೋರರು ತಪಾಸಣಾ ಕೇಂದ್ರಗಳನ್ನು ಧ್ವಂಸಗೊಳಿಸಿರುವುದಲ್ಲದೆ, ಅತ್ಯಾಧುನಿಕ ಪೊಲೀಸ್‌ ವಾಹನಗಳನ್ನು ಕೊಂಡೊಯ್ದಿದ್ದಾರೆ.
ಶನಿವಾರವಷ್ಟೇ ಕಾಬೂಲ್‌ನ ಘಜ್ನಿ ಪ್ರದೇಶದಲ್ಲಿರುವ ತಪಾಸಣಾ ಕೇಂದ್ರದ ಮೇಲೆ ದಾಳಿ ನಡೆಸಿದ್ದ ಉಗ್ರರು, 9 ಪೊಲೀಸರನ್ನು ಕೊಂದಿದ್ದರು. ಈ ದಾಳಿಯಲ್ಲಿ ಇಬ್ಬರು ಗಾಯಗೊಂಡಿದ್ದರು.
ದಾಳಿಕೋರರ ಪೈಕಿ 12 ಮಂದಿಯನ್ನು ಪೊಲೀಸರು ಗುಂಡಿನ ದಾಳಿಯಲ್ಲಿ ಹೊಡೆದುರುಳಿಸಿದ್ದಾರೆ. ಗಾಯಗೊಂಡ ಇಬ್ಬರು ಉಗ್ರರನ್ನು ಜೀವಂತವಾಗಿ ಸೆರೆಹಿಡಿಯಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ತಾಲಿಬಾನ್‌ ಮಾಧ್ಯಮ ಪ್ರಕಟಣೆ ಮೂಲಕ ಈ ಎರಡೂ ದಾಳಿಗಳ ಹೊಣೆ ಹೊತ್ತುಕೊಂಡಿದೆ.
ಪೊಲೀಸ್‌ ಹಾಗೂ ಭದ್ರತಾ ಪಡೆಗಳ ಸ್ಥೈರ್ಯಗುಂದಿಸುವ ಮತ್ತು ಅತ್ಯಾಧುನಿಕ ಶಸ್ತ್ರಾಸ್ತ್ರ, ವಾಹನಗಳನ್ನು ಕಳವು ಮಾಡುವ ಉದ್ದೇಶದಿಂದ ತಾಲಿಬಾನ್‌ ಉಗ್ರರು ಇತ್ತೀಚೆಗೆ ಭದ್ರತಾ ಕೇಂದ್ರಗಳ ಮೇಲೆ ದಾಳಿ ತೀವ್ರಗೊಳಿಸಿದ್ದಾರೆ.
Taliban kill 22 Afghan police in multiple attacks
Kabul: Taliban insurgents, some wearing night-vision goggles, killed 28 Afghan policemen in separate attacks on checkpoints over the weekend in the latest blow to the country's beleaguered security forces.