ಬ್ಯಾಂಕಾಕ್: ಥಾಯ್ಲೆಂಡ್‌ನ ಕೇಂದ್ರ ಭಾಗದಲ್ಲಿರುವ ಪ್ರಸಿದ್ಧ ಬೌದ್ಧ ದೇಗುಲದಲ್ಲಿರುವ ಬಿಕ್ಕುಗಳಿಗೆ ಮಾದಕವಸ್ತು ಪರೀಕ್ಷೆ ನಡೆಸಲಾಗಿದ್ದು, ಅಲ್ಲಿದ್ದ ಎಲ್ಲ ಸನ್ಯಾಸಿಗಳೂ ಡ್ರಗ್ಸ್ ಸೇವಿಸಿರುವ ಆಘಾತಕಾರಿ ಸಂಗತಿ ಪತ್ತೆಯಾಗಿದೆ. ಇದರಿಂದಾಗಿ ಎಲ್ಲರನ್ನೂ ದೇವಸ್ಥಾನದಿಂದ ವಜಾಗೊಳಿಸಿದ್ದು, ಈಗ ಅಲ್ಲಿ ದೈನಂದಿನ ಪೂಜಾ ಕೈಂಕರ್ಯ ನಡೆಸಲು ಒಬ್ಬ ಬಿಕ್ಕುವೂ ಇಲ್ಲದಂತಾಗಿದೆ ಎಂದು ಸ್ಥಳೀಯ ಅಧಿಕಾರಿಯೊಬ್ಬರು ಗುರುವಾರ ತಿಳಿಸಿದ್ದಾರೆ.
ಬಿಕ್ಕುಗಳನ್ನು ಮಾದಕವಸ್ತು ವ್ಯರ್ಜನ ಚಿಕಿತ್ಸೆಗಾಗಿ ಆರೋಗ್ಯ ಕೇಂದ್ರಕ್ಕೆ ಕಳುಹಿಸಲಾಗಿದೆ ಎಂದು ಅಧಿಕಾರಿ ಹೇಳಿದ್ದಾರೆ. "ದೇವಸ್ಥಾನದಲ್ಲಿ ಈಗ ಯಾವುದೇ ಸನ್ಯಾಸಿಗಳು ಉಳಿದಿಲ್ಲ. ಇದು ಅಕ್ಕಪಕ್ಕದ ಗ್ರಾಮದ ಜನರಲ್ಲಿ ಆತಂಕ ಮೂಡಿಸಿದೆ" ಎಂದು ಹೇಳಿದ್ದಾರೆ. ಆರಾಧಕರು ದೇಗುಲದಲ್ಲಿ ಪ್ರಾರ್ಥನೆ ಸಲ್ಲಿಸುವುದರ ಜತೆಗೆ, ಬಿಕ್ಕುಗಳಿಗೆ ಸದ್ಭಾವನೆ, ಒಳಿತಿನ ಉದ್ದೇಶದಿಂದ ಆಹಾರ ದಾನ ಮಾಡುತ್ತಾರೆ. ಈ ಘಟನೆ ಬಳಿಕ ಅವರು ಅದಕ್ಕೆ ಹಿಂದೇಟು ಹಾಕುವಂತಾಗಿದೆ.
ಗ್ರಾಮಸ್ಥರು ತಮ್ಮ ಧಾರ್ಮಿಕ ಚಟುವಟಿಕೆಗಳನ್ನು ಮುಂದುವರಿಸಲು ಅನುಕೂಲವಾಗುವಂತೆ ದೇವಸ್ಥಾನಕ್ಕೆ ಬೇರೆ ಸನ್ಯಾಸಿಗಳನ್ನು ಕಳುಹಿಸಲಾಗುವುದು ಎಂದು ಅಧಿಕಾರಿ ತಿಳಿಸಿದ್ದಾರೆ.
ಬೌದ್ಧ ದೇಶವಾಗಿರುವ ಥಾಯ್ಲೆಂಡ್, ಪ್ರಸಿದ್ಧ ಪ್ರವಾಸಿ ತಾಣವಾಗಿದೆ. ಇದರ ಜತೆಗೆ ಐಷಾರಾಮಿ ವಿಲಾಸಿ ಜೀವನ ಹಾಗೂ ಮೋಜು ಮಸ್ತಿಗೂ ಹೆಸರಾಗಿದೆ. ಇಲ್ಲಿಗೆ ಲಾವೋಸ್ ಮೂಲಕ ಮ್ಯಾನ್ಮಾರ್‌ನಿಂದ ಮೀಥಾಂಫೆಟಮೈನ್ ದೊಡ್ಡ ಪ್ರಮಾಣದಲ್ಲಿ ಸಾಗಣೆಯಾಗುತ್ತದೆ ಎಂದು ಮಾದಕವಸ್ತು ಹಾಗೂ ಅಪರಾಧಗಳ ಕುರಿತಾದ ವಿಶ್ವಸಂಸ್ಥೆಯ ಕಚೇರಿ ತಿಳಿಸಿದೆ. ಈ ಮಾದಕವಸ್ತುವುಳ್ಳ ಮಾತ್ರೆಗಳನ್ನು 20 ಬಾಹ್ಟ್‌ಗಳಿಗಿಂತ (0.50 ಡಾಲರ್) ಕಡಿಮೆ ದರದಲ್ಲಿ ಬೀದಿಗಳಲ್ಲಿ ಮಾರಾಟ ಮಾಡಲಾಗುತ್ತದೆ.
ಬಿಕ್ಕುಗಳನ್ನು ಮಾದಕವಸ್ತು ವ್ಯರ್ಜನ ಚಿಕಿತ್ಸೆಗಾಗಿ ಆರೋಗ್ಯ ಕೇಂದ್ರಕ್ಕೆ ಕಳುಹಿಸಲಾಗಿದೆ ಎಂದು ಅಧಿಕಾರಿ ಹೇಳಿದ್ದಾರೆ. "ದೇವಸ್ಥಾನದಲ್ಲಿ ಈಗ ಯಾವುದೇ ಸನ್ಯಾಸಿಗಳು ಉಳಿದಿಲ್ಲ. ಇದು ಅಕ್ಕಪಕ್ಕದ ಗ್ರಾಮದ ಜನರಲ್ಲಿ ಆತಂಕ ಮೂಡಿಸಿದೆ" ಎಂದು ಹೇಳಿದ್ದಾರೆ. ಆರಾಧಕರು ದೇಗುಲದಲ್ಲಿ ಪ್ರಾರ್ಥನೆ ಸಲ್ಲಿಸುವುದರ ಜತೆಗೆ, ಬಿಕ್ಕುಗಳಿಗೆ ಸದ್ಭಾವನೆ, ಒಳಿತಿನ ಉದ್ದೇಶದಿಂದ ಆಹಾರ ದಾನ ಮಾಡುತ್ತಾರೆ. ಈ ಘಟನೆ ಬಳಿಕ ಅವರು ಅದಕ್ಕೆ ಹಿಂದೇಟು ಹಾಕುವಂತಾಗಿದೆ.
ಗ್ರಾಮಸ್ಥರು ತಮ್ಮ ಧಾರ್ಮಿಕ ಚಟುವಟಿಕೆಗಳನ್ನು ಮುಂದುವರಿಸಲು ಅನುಕೂಲವಾಗುವಂತೆ ದೇವಸ್ಥಾನಕ್ಕೆ ಬೇರೆ ಸನ್ಯಾಸಿಗಳನ್ನು ಕಳುಹಿಸಲಾಗುವುದು ಎಂದು ಅಧಿಕಾರಿ ತಿಳಿಸಿದ್ದಾರೆ.
ಬೌದ್ಧ ದೇಶವಾಗಿರುವ ಥಾಯ್ಲೆಂಡ್, ಪ್ರಸಿದ್ಧ ಪ್ರವಾಸಿ ತಾಣವಾಗಿದೆ. ಇದರ ಜತೆಗೆ ಐಷಾರಾಮಿ ವಿಲಾಸಿ ಜೀವನ ಹಾಗೂ ಮೋಜು ಮಸ್ತಿಗೂ ಹೆಸರಾಗಿದೆ. ಇಲ್ಲಿಗೆ ಲಾವೋಸ್ ಮೂಲಕ ಮ್ಯಾನ್ಮಾರ್‌ನಿಂದ ಮೀಥಾಂಫೆಟಮೈನ್ ದೊಡ್ಡ ಪ್ರಮಾಣದಲ್ಲಿ ಸಾಗಣೆಯಾಗುತ್ತದೆ ಎಂದು ಮಾದಕವಸ್ತು ಹಾಗೂ ಅಪರಾಧಗಳ ಕುರಿತಾದ ವಿಶ್ವಸಂಸ್ಥೆಯ ಕಚೇರಿ ತಿಳಿಸಿದೆ. ಈ ಮಾದಕವಸ್ತುವುಳ್ಳ ಮಾತ್ರೆಗಳನ್ನು 20 ಬಾಹ್ಟ್‌ಗಳಿಗಿಂತ (0.50 ಡಾಲರ್) ಕಡಿಮೆ ದರದಲ್ಲಿ ಬೀದಿಗಳಲ್ಲಿ ಮಾರಾಟ ಮಾಡಲಾಗುತ್ತದೆ.