ಮುನ್ನೆಚ್ಚರಿಕಾ ಕ್ರಮ ಕಡೆಗಣಿಸಿದರೆ ಕೊರೊನಾ ಡೇಂಜರ್‌: ವಿಶ್ವ ಆರೋಗ್ಯ ಸಂಸ್ಥೆ

ಹೊಸದಿಲ್ಲಿ: ಆರೋಗ್ಯ ಕಾಪಾಡಿಕೊಳ್ಳುವ ವಿಷಯದಲ್ಲಿ ಮೂಲಭೂತವಾದ ಮುನ್ನೆಚ್ಚರಿಕೆ ಕ್ರಮಗಳನ್ನು ಅನುಸರಿಸದ ರಾಷ್ಟ್ರಗಳಲ್ಲಿ ಕೋವಿಡ್‌-19 ಸೋಂಕು ಹಾವಳಿ ಮಿತಿ ಮೀರಿ ಹೆಚ್ಚಳವಾಗಲಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಸೋಮವಾರ ಎಚ್ಚರಿಕೆ ನೀಡಿದೆ.

''ಸೋಂಕು ನಿಯಂತ್ರಣ ಕ್ರಮಗಳನ್ನು ಕೈಗೊಳ್ಳುವ ವಿಷಯದಲ್ಲಿಅನೇಕ ರಾಷ್ಟ್ರಗಳು ತಪ್ಪು ದಾರಿಯಲ್ಲಿ ಸಾಗಿವೆ. ಜನರು ಕೂಡ ಈ ಸೋಂಕಿನ ಅಪಾಯವನ್ನು ಕಡೆಗಣಿಸುತ್ತಿದ್ದಾರೆ. ಇದರಿಂದ ಅಪಾಯದ ಕತ್ತಿ ಇನ್ನಷ್ಟು ಹರಿತಗೊಳ್ಳುತ್ತಿದೆ. ಮುಖ್ಯವಾಗಿ ಈ ಸೋಂಕು ನಿಯಂತ್ರಣಕ್ಕೆ ಬರಬೇಕಾದರೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕು.

ಮಾಸ್ಕ್‌ ಧರಿಸುವುದನ್ನು ಕಡ್ಡಾಯಗೊಳಿಸಬೇಕು. ಆಗಾಗ ಕೈ ತೊಳೆಯುವುದು ಮರೆಯಬಾರದು. ಕೆಮ್ಮು-ಜ್ವರದಂತಹ ಸೋಂಕು ಲಕ್ಷಣಗಳು ಇರುವವರು ಜನರ ನಡುವೆ ಓಡಾಡದೇ ಮನೆಯಲ್ಲಿಯೇ ಪ್ರತ್ಯೇಕವಾಗಿ ಉಳಿಯಬೇಕು. ಸರಕಾರಗಳು ಕೂಡ ಅಗತ್ಯ ವೈದ್ಯಕೀಯ ಶುಶ್ರೂಷೆಯನ್ನು ತ್ವರಿತವಾಗಿ ಅಚ್ಚುಕಟ್ಟುಗೊಳಿಸಬೇಕು. ಇವು ಸಾಂಕ್ರಾಮಿಕ ತಡೆಯುವ ಮೂಲ ಹಾಗೂ ಮಹತ್ವದ ಕ್ರಮಗಳು,'' ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಮಹಾನಿರ್ದೇಶಕ ಟೆಡ್ರೋಸ್‌ ಅಧನೋಮ್‌ ಘೆಬ್ರೆಯಾಸುಸ್‌ ಹೇಳಿದ್ದಾರೆ.
ವಿಕ ಆಶಯ: ವ್ಯರ್ಥವಾಗದಿರಲಿ ಲಾಕ್‌ಡೌನ್‌, ಸರಕಾರ ತನ್ನ ಕೆಲಸ ಮಾಡಲಿ, ಕೊರೊನಾ ಬಗ್ಗೆ ಭಯ ಬೇಡ, ಜನರು ನಿಯಮ ಪಾಲಿಸಲಿ