ಆ್ಯಪ್ನಗರ

ರೆಡ್ ಸ್ಟೇಟ್, ಬ್ಲೂ ಸ್ಟೇಟ್ ಎಲ್ಲಾ ಸುಳ್ಳು: ಯುನೈಟೆಡ್ ಸ್ಟೇಟ್ಸ್ ಒಂದೇ ಸತ್ಯ ಎಂದ ಬಿಡೆನ್!

ಅಮೆರಿಕದಲ್ಲಿ ರೆಡ್ ಸ್ಟೇಟ್(ರಿಪಬ್ಲಿಕನ್ ಬೆಂಬಲಿಗ ರಾಜ್ಯ) ಬ್ಲೂ ಸ್ಟೇಟ್(ಡೆಮಾಕ್ರೆಟಿಕ್ ಬೆಂಬಲಿಗ ರಾಜ್ಯ) ಎಂಬುದು ಇಲ್ಲ. ಇರುವುದು ಯುನೈಟೆಡ್ ಸ್ಟೇಟ್ಸ್(ಅಮೆರಿಕ) ಒಂದೇ ಎಂದು, ಡೆಮಾಕ್ರೆಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಎಜೋ ಬಿಡೆನ್ ಹೇಳಿದ್ದಾರೆ.

Vijaya Karnataka Web 4 Nov 2020, 2:30 am
ವಾಷಿಂಗ್ಟನ್: ಅಮೆರಿಕದಲ್ಲಿ ರೆಡ್ ಸ್ಟೇಟ್(ರಿಪಬ್ಲಿಕನ್ ಬೆಂಬಲಿಗ ರಾಜ್ಯ) ಬ್ಲೂ ಸ್ಟೇಟ್(ಡೆಮಾಕ್ರೆಟಿಕ್ ಬೆಂಬಲಿಗ ರಾಜ್ಯ) ಎಂಬುದು ಇಲ್ಲ. ಇರುವುದು ಯುನೈಟೆಡ್ ಸ್ಟೇಟ್ಸ್(ಅಮೆರಿಕ) ಒಂದೇ ಎಂದು, ಡೆಮಾಕ್ರೆಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಎಜೋ ಬಿಡೆನ್ ಹೇಳಿದ್ದಾರೆ.
Vijaya Karnataka Web Joe Biden
ಡೆಮಾಕ್ರೆಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಜೋ ಬಿಡೆನ್


ಒಂದು ದೇಶವಾಗಿ ನಮಗೆ ಅಪಾರ ಅವಕಾಶವಿದೆ. ನಾವು ಒಗ್ಗಟ್ಟಾಗಿ ಅಮೆರಿಕವನ್ನು ಮತ್ತೆ ವಿಶ್ವದ ಶ್ರೇಷ್ಠ ರಾಷ್ಟ್ರವನ್ನಾಗಿ ಮಾಡಲು ಸಾಧ್ಯವಿದೆ ಎಂದು ಜೋ ಬಿಡೆನ್ ಹೇಳಿದರು.

'ದೇಶದ ಆತ್ಮ ಗುಣಪಡಿಸಲು ಕೈ ಜೋಡಿಸಿ': ಬಿಡೆನ್ ಮನವಿಗೆ ಮತಮುದ್ರೆ ಒತ್ತುವನೇ ಯುಎಸ್ ಮತದಾರ?

ಇದೇ ವೇಳೆ ಕೊರೊನಾ ವೈರಸ್ ಹಾವಳಿ ಕುರಿತು ಮಾತನಾಡಿದ ಜೋ ಬಿಡೆನ್, ಪರಿಣಾಮಕಾರಿ ಕ್ರಮಗಳನ್ನು ತೆಗೆದುಕೊಳ್ಳುವ ಮೂಲಕ ನಾವು ಈ ಮಾರಕ ವೈರಾಣುವಿನ ವಿರುದ್ಧ ಜಯಗಳಿಸಲು ಸಾಧ್ಯವಿದೆ ಎಂದು ಹೇಳಿದರು.


ನಾನು ಅಮೆರಿಕದ ಹೆಮ್ಮೆಯ ಪ್ರಜಾಪ್ರಭುತ್ವದ ಪ್ರತಿನಿಧಿಯಾಗಿ ನಿಮ್ಮ ಮುಂದೆ ನಿಂತಿದ್ದೇನೆ. ನನಗೆ ದೇಶದ ಪ್ರಜಾಪ್ರಭುತ್ವ ಶಕ್ತಿಯ ಮೇಲೆ ನಂಬಿಕೆಯಿದೆ. ಈ ದೇಶವನ್ನು ಸರ್ವಾಧಿಕಾರದ ದುರಾಡಳಿತದ ಕೂಪಕ್ಕೆ ನೀವು ತಳ್ಳುವುದಿಲ್ಲ ಎಂಬ ಭರವಸೆ ಇದೆ ಎಂದು ಜೋ ಬಿಡೆನ್ ಭಾವನಾತ್ಮಕವಾಗಿ ನುಡಿದರು.

ಗೆದ್ದು ಬಂದರೆ ಜಾಗತಿಕ ಪ್ರಜಾಪ್ರಭುತ್ವ ಶೃಂಗಸಭೆ ಆಯೋಜನೆ: ಜೋ ಬಿಡೆನ್ ಭರವಸೆ!

ಟ್ರಂಪ್ ಈ ದೇಶವನ್ನು ರೆಡ್ ಸ್ಟೇಟ್(ರಿಪಬ್ಲಿಕನ್ ಬೆಂಬಲಿಗ ರಾಜ್ಯ) ಬ್ಲೂ ಸ್ಟೇಟ್(ಡೆಮಾಕ್ರೆಟಿಕ್ ಬೆಂಬಲಿಗ ರಾಜ್ಯ) ಎಂದು ವಿಂಗಡನೆ ಮಾಡಿದ್ದಾರೆ. ಆದರೆ ಚುನಾವಣೆ ಬಳಿಕ ಕೇವಲ ಯುನೈಟೆಡ್ ಸ್ಟೇಟ್ಸ್(ಅಮೆರಿಕ) ಒಂದಾಗಿ ಉಳಿಯಲಿದೆ ಎಂದು ನಾನು ನಿಮಗೆ ಭರವಸೆ ನೀಡುತ್ತೇನೆ ಎಂದು ಜೋ ಬಿಡೆನ್ ಹೇಳಿದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ