'ಇದು ನಿಮ್ಮ ಸಮಯ..!' ಅಮೆರಿಕ ನೂತನ ಅಧ್ಯಕ್ಷ ಜೋ ಬಿಡೆನ್‌ಗೆ ಶುಭ ಕೋರಿದ ಒಬಾಮಾ

ವಾಷಿಂಗ್‌ಟನ್‌ ಡಿಸಿ: ಅಮೆರಿಕದ ನೂತನ ಅಧ್ಯಕ್ಷ ಜೋ ಬಿಡೆನ್‌ ಅವರನ್ನು ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಅಭಿನಂದಿಸಿದ್ದು, ತಮ್ಮ ಟ್ವಿಟ್ಟರ್‌ ಖಾತೆಯಲ್ಲಿ ಜೋ ಬಿಡೆನ್‌ ಜೊತೆಗಿರುವ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ.

ತಮ್ಮ ಟ್ವಿಟ್ಟರ್‌ ಖಾತೆಯಲ್ಲಿ ನನ್ನ ಸ್ನೇಹಿತ ಜೋ ಬಿಡೆನ್‌ ಅವರಿಗೆ ಅಭಿನಂದನೆಗಳು. ಇದು ನಿಮ್ಮ ಸಮಯ ಎಂದು ಒಬಾಮಾ ಬರೆದಿದ್ದಾರೆ.


ಭಾರೀ ವಿವಾದಕ್ಕೆ ಕಾರಣವಾಗಿದ್ದ ಚುನಾವಣೆ ಹಾಗೂ ಅಧಿಕಾರ ಹಸ್ತಾಂತರಕ್ಕೆ ನಡೆದ ಗಲಾಟೆಗೆ ಸಾಕ್ಷಿಯಾದ ಅಮೆರಿಕವನ್ನು ಗುಣಪಡಿಸುವ ಭರವಸೆಯೊಂದಿಗೆ ಜೋಸೆಫ್‌ ಆರ್‌ ಬಿಡೆನ್‌ ಬುಧವಾರ ಅಮೆರಿಕದ 46ನೇ ಅಧ್ಯಕ್ಷರಾಗಿ ಪದಗ್ರಹಣ ಮಾಡಿದ್ದಾರೆ.

ಒಬಾಮಾ ಆಡಳಿತದ ಅವಧಿಯಲ್ಲಿ ಉಪಾಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದ್ದ ಬಿಡೆನ್‌ ತಮ್ಮ ಜಾಗತಿಕ ಕಾರ್ಯತಂತ್ರದ ಮೂಲಕ ವಿಶ್ವದಾದ್ಯಂತ ಹೆಸರುವಾಸಿಯಾಗಿದ್ದರು. ದೇಶದ ಅಧ್ಯಕ್ಷರಾಗಿ ಪ್ರಮಾಣ ವಚನ ಸ್ವೀಕರಿಸಿದ ಅತ್ಯಂತ ಹಿರಿಯ ವ್ಯಕ್ತಿ ಎಂಬ ಹೆಗ್ಗಳಿಕೆಯೂ ಇವರದ್ದಾಗಿದ್ದು, 2020ರ ನವೆಂಬರ್‌ನಲ್ಲಿ 78ನೇ ವರ್ಷಕ್ಕೆ ಕಾಲಿಟ್ಟಿದ್ದರು.
ಕಮಲಾ ಹ್ಯಾರಿಸ್‌ ಭಾರತಕ್ಕೆ ಸಹಕರಿಸಿದರೆ ಮುಂದಿನ ಅಧ್ಯಕ್ಷರು ಅವರೇ: ತಮಿಳುನಾಡು ಅಭಿಮಾನಿ59ನೇ ಅಧ್ಯಕ್ಷೀಯ ಉದ್ಘಾಟನಾ ಸಮಾರಂಭದಲ್ಲಿ ಅಧ್ಯಕ್ಷರಾಗಿ ಚುನಾಯಿತರಾದ ಜೋ ಬಿಡೆನ್ ಮತ್ತು ಉಪಾಧ್ಯಕ್ಷರಾಗಿ ಆಯ್ಕೆಯಾದ ಕಮಲಾ ಹ್ಯಾರಿಸ್ ಯುಎಸ್ ಕ್ಯಾಪಿಟಲ್‌ನ ವೆಸ್ಟ್ ಫ್ರಂಟ್‌ನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದರು.
ಅಮೆರಿಕಕ್ಕೆ ಹೊಸ ದಿನ: ಜೋ ಬಿಡೆನ್, ಕಮಲಾ ಹ್ಯಾರಿಸ್ ಪದಗ್ರಹಣಕ್ಕೆ ಕ್ಷಣಗಣನೆ!ಕೊರೊನಾ ವೈರಸ್‌ ಬಿಕ್ಕಟ್ಟು ಹಾಗೂ ಅಮೆರಿಕದಲ್ಲಿ ನಡೆಯುತ್ತಿರುವ ಪ್ರತಿಭಟನೆಗಳ ನೆರಳಿನಲ್ಲಿ ಬಿಡೆನ್ ಅಧ್ಯಕ್ಷರಾಗಿ ಪದಗ್ರಹಣ ಮಾಡಿದರು. ಜನವರಿ 6ರ ಕ್ಯಾಪಿಟಲ್ ಗಲಭೆಯ ಬಳಿಕ ಉನ್ನತ ಮಟ್ಟದ ಭದ್ರತೆಯನ್ನು ಪ್ರಮಾಣ ವಚನ ಸಮಾರಂಭಕ್ಕೆ ನೀಡಲಾಗಿತ್ತು.