ಉದ್ದೇಶಪೂರ್ವಕವಾಗಿ ಕೊರೊನಾ ಹರಡಿದರೆ ಅಮೆರಿಕದಲ್ಲಿ ಭಯೋತ್ಪಾದನಾ ಪ್ರಕರಣ ದಾಖಲು

ನ್ಯೂಯಾರ್ಕ್: ಉದ್ದೇಶಪೂರ್ವಕವಾಗಿ ಕೊರೊನಾ ವೈರಸ್ ಹಬ್ಬಿಸುವವರು ಭಯೋತ್ಪಾದನಾ ಕಾನೂನುಗಳ ಅಡಿಯಲ್ಲಿ ಕ್ರಿಮಿನಲ್ ಪ್ರಕರಣ ಎದುರಿಸಬೇಕಾಗುತ್ತದೆ ಎಂದು ಅಮೆರಿಕದ ನ್ಯಾಯಾಂಗ ಇಲಾಖೆಯ ಉನ್ನತ ಅಧಿಕಾರಿಗಳು ಎಚ್ಚರಿಸಿದ್ದಾರೆ.

ನ್ಯಾಯಾಂಗ ಇಲಾಖೆಯ ಉನ್ನತ ಅಧಿಕಾರಿಗಳು, ಕಾನೂನು ಜಾರಿ ಸಂಸ್ಥೆಯ ಮುಖ್ಯಸ್ಥರು ಮತ್ತು ಅಮೆರಿಕದ ಎಲ್ಲ ಅಟಾರ್ನಿಗಳಿಗೆ ಡೆಪ್ಯೂಟಿ ಅಟಾರ್ನಿ ಜನರಲ್‌ ಜೆಫ್ರಿ ರೋಸೆನ್ ಪತ್ರ ಬರೆದಿದ್ದು, ಉದ್ದೇಶಪೂರ್ವಕವಾಗಿ ಕೋವಿಡ್-19 ವೈರಸ್‌ ಹರಡಿದರೆ ಅವರನ್ನು ಭಯೋತ್ಪಾದಕರೆಂದು ಪರಿಗಣಿಸಿ, ಕಠಿಣ ಕ್ರಮ ಜರುಗಿಸಲಾಗುವುದು ಎಂದು ಹೇಳಿದ್ದಾರೆ.

ಕೊರೊನಾ ವೈರಸ್ ಜೈವಿಕ ದಾಳಿಯಂತೆ ಕಂಡು ಬರುತ್ತಿದೆ. ಆದ್ದರಿಂದ ಇಂತಹ ಕೃತ್ಯಗಳು ರಾಷ್ಟ್ರದ ಭದ್ರತೆಗೆ ಸಂಬಂಧಿಸಿದವು ಎಂಬುದನ್ನು ಸೂಚಿಸುತ್ತದೆ. ಕೊರೊನಾ ವೈರಸ್‌ನ್ನು ಅಮೆರಿಕನ್ನರ ವಿರುದ್ಧ ಅಸ್ತ್ರವಾಗಿ ಬಳಸುವ ಬೆದರಿಕೆಗಳು ಅಥವಾ ಪ್ರಯತ್ನಗಳನ್ನು ನಾವು ಸಹಿಸಲ್ಲ ಎಂದು ಜೆಫ್ರಿ ರೋಸೆನ್ ಬರೆದಿದ್ದಾರೆ.

ಇಟಲಿ ಬಳಿಕ ಸ್ಪೇನ್‌ನಲ್ಲೀಗ ಕೊರೊನಾ ಮರಣ ಮೃದಂಗ, ಒಂದೇ ದಿನ 738 ಜನ ಬಲಿ!

ಅಮೆರಿಕದಲ್ಲಿ ಕೊರೊನಾ ವೈರಸ್‌ ವ್ಯಾಪಕವಾಗಿ ಹರಡುತ್ತಿದೆ. ಇದುವರೆಗೂ 60 ಸಾವಿರಕ್ಕೂ ಹೆಚ್ಚು ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿದ್ದು, 819 ಜನ ಮೃತಪಟ್ಟಿದ್ದಾರೆ. ಸದ್ಯಕ್ಕೆ ಅತಿ ಹೆಚ್ಚು ಸಕ್ರಿಯ ಕೊರೊನಾ ಸೋಂಕಿತರು ಅಮೆರಿಕದಲ್ಲಿದ್ದು, ನಿಯಂತ್ರಣಕ್ಕೆ ಅನೇಕ ಕ್ರಮಗಳನ್ನು ಅಮೆರಿಕ ಸರಕಾರ ಕೈಗೊಳ್ಳುತ್ತಿದೆ.

ಕೊರೊನಾಗೆ ಸಿಕ್ತಾ ಮದ್ದು..? ಕೇರಳದಲ್ಲಿ ಮೂರೇ ದಿನದಲ್ಲಿ ಸೋಂಕಿತ ಗುಣಮುಖ