'ಟ್ರಂಪ್ ಹಾಗೂ ಮೋದಿ ನಡುವೆ ಉತ್ತಮ ಸ್ನೇಹಬಂಧ'

ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷ ಡೋನಾಲ್ಡ್ ಟ್ರಂಪ್ ಅವರು ಭಾರತದ ಪ್ರಧಾನಿ ನರೇಂದ್ರ ಮೋದಿಯವರ ಜತೆ ಬಲವಾದ ಸ್ನೇಹ ಸಂಬಂಧ ಹೊಂದಿದ್ದು, ಭಾರತ ಹಾಗೂ ಅಮೆರಿಕ ನಡುವಿನ ಸಂಬಂಧ ಅತ್ಯಂತ ಮಹತ್ವದಾಗಿದೆ ಎಂದು ಅಲ್ಲಿನ ರಾಜ್ಯ ಇಲಾಖೆಯ ವಕ್ತಾರ ಹೀದರ್ ನೌರ್ಟ್ ತಿಳಿಸಿದ್ದಾರೆ.

'ಕಳೆದ ವರ್ಷ ಹೈದರಾಬಾದ್‌ಗೆ ಭೇಟಿ ನೀಡಿದ್ದ ಟ್ರಂಪ್ ಪುತ್ರಿ ಇವಾಂಕಾ ಅವರು ಭಾರತವನ್ನು ಹೊಗಳಿ ಮಾತನಾಡಿದ್ದರು. ಇದು ಭಾರತ ಹಾಗೂ ಅಮೆರಿಕಾ ನಡುವಿನ ಸಂಬಂಧವನ್ನು ತೋರಿಸುತ್ತದೆ' ಎಂದು ಹೇಳಿದರು.

ಇದೇ ವೇಳೆ, ಭಯೋತ್ಪಾದಕ ಪೀಡಿತ ಅಫ್ಘಾನಿಸ್ತಾನದಲ್ಲಿ ಭಾರತ ಕೈಗೊಂಡಿರುವ ಅಭಿವೃದ್ಧಿ ಪರ ಕೆಲಸವನ್ನು ನೌರ್ಟ್ ಶ್ಲಾಘಿಸಿದರು.

ಈ ತಿಂಗಳ ಆರಂಭದಲ್ಲಿ, ಟ್ರಂಪ್ ಹಾಗೂ ಮೋದಿ ಉಭಯ ದೇಶಗಳ ಬಾಂಧವ್ಯ, ರಕ್ಷಣೆ, ಆರ್ಥಿಕ, ವಾಣಿಜ್ಯ-ವಹಿವಾಟಿಗೆ ಹೆಚ್ಚಿನ ಉತ್ತೇಜನ ನೀಡುತ್ತಿರುವ ಕಾರಣ ಎರಡು ದೇಶಗಳ ಮೈತ್ರಿ ವೃದ್ಧಿಸುತ್ತದೆ. ಈ ಸ್ನೇಹ-ವಿಶ್ವಾಸಕ್ಕೆ ಅಣಿಯೇ ಇಲ್ಲ, ಆಗಸವೇ ಮಿತಿ ಎಂದು ವಿಶ್ವಸಂಸ್ಥೆಯಲ್ಲಿನ ಅಮೆರಿಕಾ ರಾಯಭಾರಿ ನಿಕ್ಕಿ ಹ್ಯಾಲೆ ಹೇಳಿದ್ದರು