CNN ಮೇಲೆ ಪಂಚ್‌ ಮಾಡಿದ ಟ್ರಂಪ್‌

ವಾಷಿಂಗ್ಟನ್: ಮಾಧ್ಯಮದವರನ್ನು ಕಂಡರೆ ಸದಾ ಕೆಂಡಕಾರುವ ಅಮೆರಿಕ ಅಧ್ಯಕ್ಷ ಮತ್ತೆ ಸುದ್ದಿಯಲ್ಲಿದ್ದು, ಮಾಧ್ಯಮದ ವಿರುದ್ಧ ತಮ್ಮ ಅಸಮಾಧಾನವನ್ನು ಸಿಎನ್ಎನ್ ಮಾಧ್ಯಮದ ಲೋಗೋ ಬಳಸಿ ತೋರ್ಪಡಿಸಿಕೊಂಡಿದ್ದಾರೆ.

ಸುಮಾರು ಹತ್ತು ವರ್ಷಗಳ ಹಿಂದೆ ವಿಶ್ವ ರೆಸ್ಲಿಂಗ್‌ನಲ್ಲಿ ಪಾಲ್ಗೊಂಡಿದ್ದ ಟ್ರಂಪ್‌ ಅಲ್ಲಿನ ತನ್ನ ಎದುರಾಳಿಗೆ ಬಾರಿಸಿದ್ದರು, ಇದೇ ವೀಡಿಯೋವನ್ನು ಭಾನುವಾರ ಅಪ್ಲೋಡ್‌ ಮಾಡಿರುವ ಟ್ರಂಪ್‌ ಎದುರಾಳಿ ಮುಖಕ್ಕೆ ಸಿಎನ್‌ಎನ್‌ ಲೋಗೋ ಬಳಸಿಕೊಂಡು ಅಪ್ಲೋಡ್‌ ಮಾಡಿ ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ. ಅಲ್ಲದೇ ವೀಡಿಯೋ ಕೊನೆಯಲ್ಲಿ ಎಫ್ಎನ್‌ಎನ್‌: ಫೇಕ್‌ ನ್ಯೂಸ್‌ ನೆಟ್‌ವರ್ಕ್‌ ಎಂಬ ಲೋಗೋ ಕೂಡಾ ಕಾಣಿಸಿಕೊಂಡಿದೆ.
#FraudNewsCNN #FNN pic.twitter.com/WYUnHjjUjg — Donald J. Trump (@realDonaldTrump) July 2, 2017 28 ಸೆಕೆಂಡ್‌ನ ವೀಡಿಯೋ ಟ್ರಂಪ್‌ರ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಪೋಸ್ಟ್ ಮಾಡಲಾಗಿದ್ದು ಫ್ರಾಡ್ ನ್ಯೂಸ್ ಸಿಎನ್‌ಎನ್ ಎಂಬ ಸಂದೇಶವನ್ನು ಬರೆಯಲಾಗಿದೆ. ಈ ವಿಡಿಯೋವನ್ನು ಯಾರು ತಯಾರಿಸಿದ್ದು ಎಂದು ತಿಳಿದುಬಂದಿಲ್ಲ. ಅಲ್ಲದೇ ಸಿಎನ್‌ಎನ್‌ನ್ನು ಮುಖ್ಯವಾಗಿ ಗುರಿಯಾಗಿರಿಸಿಕೊಂಡಿರುವ ಟ್ರಂಪ್ ಸಿಎನ್‌ಎನ್ ನೆಟ್ವರ್ಕ್ ನಕಲಿ ಸುದ್ದಿಗಳನ್ನು ಪ್ರಸಾರಮಾಡುತ್ತದೆ ಎಂದು ಟೀಕಿಸಿದ್ದಾರೆ.