ಉತ್ತರ ಕೊರಿಯಾ ಅಣ್ವಸ್ತ್ರ ಪರೀಕ್ಷೆ: ಸುರಂಗ ಕುಸಿದು 200 ಸಾವು?

ಟೋಕಿಯೊ: ಜಾಗತಿಕ ಸಮುದಾಯವನ್ನು ಎದುರು ಹಾಕಿಕೊಂಡು ಉತ್ತರ ಕೊರಿಯಾ ನಡೆಸಿರುವ ಅಣ್ವಸ್ತ್ರ ಪರೀಕ್ಷೆಗೆ ಅಮಾಯಕರು ಬಲಿಯಾಗಿದ್ದಾರೆ.

ಪ್ಯುಂಗ್‌ಯಾಂಗ್‌ನಲ್ಲಿ ಕಳೆದ ಸೆಪ್ಟೆಂಬರ್‌ 3ರಂದು ನಡೆಸಿದ ಪರೀಕ್ಷೆಯಿಂದ 200ಕ್ಕೂ ಹೆಚ್ಚು ಮಂದಿ ಮೃತಪಟ್ಟಿದ್ದಾರೆ ಎಂದು ಜಪಾನ್‌ ಸುದ್ದಿಸಂಸ್ಥೆ ವರದಿ ಮಾಡಿದೆ.

ಅಣ್ವಸ್ತ್ರ ಪರೀಕ್ಷೆಗಾಗಿ ಕೊರೆಯಲಾಗಿದ್ದ ಸುರಂಗ ಕುಸಿದ ಪರಿಣಾಮ 200ಕ್ಕೂ ಹೆಚ್ಚು ಕಾರ್ಮಿಕರು ಪ್ರಾಣ ಕಳೆದುಕೊಂಡಿದ್ದಾರೆ.

ಈ ಸುರಂಗ ಕುಸಿಯಲು ಉತ್ತರ ಕೊರಿಯಾ ನಡೆಸಿರುವ ಅಣ್ವಸ್ತ್ರ ಪರೀಕ್ಷೆಯೇ ಕಾರಣ ಎಂದು ವರದಿಯಲ್ಲಿ ವಿಶ್ಲೇಷಿಸಲಾಗಿದೆ.

ಭೂಮಿಯೊಳಗಡೆ ನಡೆಸಿರುವ ಈ ಅಣ್ವಸ್ತ್ರ ಪರೀಕ್ಷೆಯಿಂದ ಬೆಟ್ಟಗುಡ್ಡಗಳು ಅಲುಗಾಡಿವೆ. ಇದರ ಪರಿಣಾಮವಾಗಿ ಸುರಂಗ ಕುಸಿದಿದೆ. ಅಲ್ಲದೇ ವಿಕಿರಣ ಸೋರಿಕೆಯಾಗಿರುವ ಸಾಧ್ಯತೆಯೂ ಇದೆ ಎನ್ನಲಾಗಿದೆ.

ಈ ಸುರಂಗ ಕುಸಿದ ಬೆನ್ನಲ್ಲೇ ಕೆಲವಡೆ ಭೂಕಂಪಗಳಾಗಿರುವ ವರದಿಗಳಾಗಿವೆ.

ಈ ವರದಿಗಳ ಬಗ್ಗೆ ಉತ್ತರ ಕೊರಿಯಾ ಅಧಿಕಾರಿಗಳಿಗೆ ಕೇಳಿದಾಗ, ಇದು ನಮಗೆ ಗೊತ್ತಿದೆ. ಆದರೆ ಹೆಚ್ಚಿನ ಪ್ರತಿಕ್ರಿಯೆ ನೀಡುವುದಿಲ್ಲ ಎಂದಿದ್ದಾರೆ.

Tunnel collapse after North Korea nuclear test may have killed 200: Report