ಹೊಸದಿಲ್ಲಿ: ಸಾಮಾಜಿಕ ಜಾಲ ತಾಣಗಳಲ್ಲಿ ಪ್ರಮುಖವಾಗಿರುವ ಟ್ವಿಟರ್‌ ತನ್ನ ಬಳಕೆದಾರರಿಗೆ ಪ್ರತಿ ಟ್ವೀಟ್‌ನಲ್ಲಿ 140 ಅಕ್ಷರಗಳ (ಕ್ಯಾರೆಕ್ಟರ್‌) ಮಿತಿಯನ್ನು ಸದ್ಯಕ್ಕೆ ಇಟ್ಟಿದೆ. ಅದನ್ನು 280ಕ್ಕೆ ವಿಸ್ತರಿಸುವ ಬಗ್ಗೆ ಪ್ರಾಯೋಗಿಕವಾಗಿ ಪರಿಶೀಲಿಸುತ್ತಿದೆ. ಅಂದರೆ ಈಗ ಬಳಕೆದಾರರಿಗೆ ಪ್ರತಿ ಟ್ವೀಟ್‌ಗೆ ಸಿಗುವ ಸ್ಥಳಾವಕಾಶ ಇಮ್ಮಡಿಯಾಗಲಿದೆ.
ಟ್ವಿಟರ್‌ ಈ ಸಂಬಂಧ ಹೇಳಿಕೆ ಹೊರಡಿಸಿದೆ. ಈ ಪ್ರಾಯೋಗಿಕ ಸೌಲಭ್ಯ ಸದ್ಯ ಕೆಲ ಭಾಷೆಗಳಲ್ಲಿ ಲಭ್ಯ. ಬಳಕೆದಾರರಿಗೆ ಸುಲಭವಾಗಿ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಲು ಇದರಿಂದ ಸಾಧ್ಯವಾಗಲಿದೆ ಎಂದು ಕಂಪನಿ ತಿಳಿಸಿದೆ. ಟ್ವೀಟ್‌ ಮಾಡುವಲ್ಲಿ ಸದ್ಯಕ್ಕೆ ಇರುವ ಅಕ್ಷರಗಳ ಮಿತಿಯು ಇಂಗ್ಲಿಷ್‌ನಲ್ಲಿ ಟ್ವೀಟ್‌ ಮಾಡುವವರಿಗೆ ಅನಾನುಕೂಲಕರವಾಗಿ ಕಂಡು ಬಂದಿದೆ ಎಂದು ಕಂಪನಿ ಹೇಳಿದೆ.
Twitter word Limit extended