ಮುಂದಿನ ದಶಕದ ವೇಳೆಗೆ ಹಾರುವ ಕಾರುಗಳು ರಸ್ತೆಗೆ!

ಟೊಕಿಯೊ: ಉಬರ್‌, ಏರ್‌ಬಸ್‌ ಸೇರಿದಂತೆ ಖಾಸಗಿ ಸಂಸ್ಥೆಗಳ ಸಹಯೋಗದೊಂದಿಗೆ ಜಪಾನ್‌ ಸರಕಾರ ಮುಂದಿನ ದಶಕದ ವೇಳೆಗೆ ಹಾರುವ ಕಾರುಗಳನ್ನು(ವಿಮಾನವಾಗಿ ಬದಲಾಗುವ ಕಾರುಗಳು) ರಸ್ತೆಗೆ ಇಳಿಸುವ ಯೋಜನೆಗೆ ಚಾಲನೆ ನೀಡಿದೆ.

ಬೋಯಿಂಗ್‌, ಎನ್‌ಇಸಿ ಕಾರ್ಪೋರೇಶನ್‌, ಟೊಯೋಟಾ ಮೋಟಾರ್‌ ಬೆಂಬಲಿತ ಸ್ಟಾರ್ಟ್‌ಅಪ್‌ ಕಂಪನಿ ಕಾರ್ಟಿವೇಟರ್‌, ಎಎನ್‌ಎ ಹೋಲ್ಡಿಂW್ಸ…, ಜಪಾನ್‌ ಏರ್‌ಲೈಸ್ಸ್‌, ಯಮಟೊ ಹೋಲ್ಡಿಂಗ್ಸ್‌ ಸೇರಿದಂತೆ 20 ಕಂಪನಿಗಳು ಈ ಯೋಜನೆಯ ಭಾಗವಾಗಿ ಕೆಲಸ ಮಾಡಲಿದೆ. ಈ ಗುಂಪು ಇದೇ ಆಗಸ್ಟ್‌ 29ರಂದು ತನ್ನ ಮೊದಲ ಮಾಸಿಕ ಸಭೆ ನಡೆಸಲಿದೆ. ಜಪಾನ್‌ನ ಹಣಕಾಸು ಸಚಿವಾಲಯ, ವಾಣಿಜ್ಯ, ಕೈಗಾರಿಕೆ ಮತ್ತು ಸಾರಿಗೆ ಇಲಾಖೆ ಈ ವರ್ಷದ ಅಂತ್ಯದ ವೇಳೆಗೆ ಈ ಯೋಜನೆಯ ರೂಪುರೇಷೆ ಅಂತಿಮಗೊಳಿಸಲಿದೆ.

ಚಿಕ್ಕ ಪುಟ್ಟ ರಸ್ತೆಗಳಲ್ಲಿ ಪ್ರಯಾಣಿಸಲು ಅನುಕೂಲವಾಗುವಂತೆ, ರಸ್ತೆ ಮತ್ತು ಆಕಾಶ ಎರಡರಲ್ಲೂ ಪ್ರಯಾಣಿಸಲು ಅನುವಾಗುವಂತೆ ಹಲವರಿಗೆ ಕನಸಾಗಿರುವ ಹಾರುವ ಕಾರುಗಳನ್ನು ಸಾಮಾನ್ಯರ ಬಳಕೆಗೆ ತರಲು ಜಪಾನ್‌ ಸರಕಾರ ನಿರ್ಧರಿಸಿದೆ.