ಮಂಗಳ ಗ್ರಹಕ್ಕೆ ಯುಎಇ ನೌಕೆ: ಜಪಾನ್ ಸಹಯೋಗದಲ್ಲಿ ಅರಬ್ ಜಗತ್ತಿನ ಮೊದಲ ಬಾಹ್ಯಾಕಾಶ ಯೋಜನೆ ಯಶಸ್ವಿ!

ಟೋಕಿಯೋ: ಬಾಹ್ಯಾಕಾಶ ಕ್ಷೇತ್ರಕ್ಕೆ ಅಧಿಕೃತವಾಗಿ ಕಾಲಿಟ್ಟಿರುವ ಅರಬ್ ಜಗತ್ತು, ಈ ಮೂಲಕ ಬಾಹ್ಯಾಕಾಶ ಸಂಶೋಧನಾ ಕ್ಷೇತ್ರದಲ್ಲಿ ಹೊಸ ಇತಿಹಾಸವೊಂದನ್ನು ಬರೆದಿದೆ.

ಮಂಗಳ ಗ್ರಹದ ವಾತಾವರಣದ ಅಧ್ಯಯನಕ್ಕೆ ಸಂಯುಕ್ತ ಅರಬ್ ಸಂಸ್ಥಾನ(ಯುಎಇ) ನಿರ್ಮಿಸಿರುವ ನೌಕೆಯನ್ನು, ಜಪಾನ್‌ ಸಹಭಾಗಿತ್ವದಲ್ಲಿ ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿದೆ.

ದಕ್ಷಿಣ ಜಪಾನ್‌ನ ತನೆಗಶಿಮಾ ಬಾಹ್ಯಾಕಾಶ ಕೇಂದ್ರದಿಂದ ಯುಎಇ ನಿರ್ಮಿತ ಅಲ್-ಅಮಲ್(HOPE ) ನೌಕೆಯನ್ನು ಜಪಾನ್‌ನ ರಾಕೆಟ್ ಮೂಲಕ ಯಶಸ್ವಿಯಾಗಿ ಉಡಾವಣೆ ಮಾಡಲಾಯಿತು.

ನಾಸಾದ ಮಾರ್ಸ್ ಹೆಲಿಕಾಪ್ಟರ್‌ಗೆ 'ಇಂಜೆನ್ಯುಯಿಟಿ' ಎಂದು ಹೆಸರಿಟ್ಟ ಹೈಸ್ಕೂಲ್ ವಿದ್ಯಾರ್ಥಿನಿ!

ಈ ಕುರಿತು ಮಾಹಿತಿ ನೀಡಿರುವ ಯುಎಇಯ ಮೊಹಮ್ಮದ್ ಬಿನ್ ರಶೀದ್ ಬಾಹ್ಯಾಕಾಶ ಕೇಂದ್ರದ ನಿರ್ದೇಶಕ ಯೂಸುಫ್ ಹಮದ್ ಅಲ್ಶೈಬಾನಿ, ಮಂಗಳ ಗ್ರಹಕ್ಕೆ ಅಲ್-ಅಮಲ್ ನೌಕೆ ಯಶಸ್ವಿಯಾಗಿ ಪ್ರಯಾಣ ಬೆಳೆಸಿದ್ದು ಯುಎಇ ಸೇರಿದಂತೆ ಇಡೀ ಅರಬ್ ಜಗತ್ತಿಗೆ ಐತಿಹಾಸಿಕ ದಿನ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.

HOPE ಅಥವಾ ಅಲ್-ಅಮಲ್ ನೌಕೆಯನ್ನು ಉಡಾವಣೆ ಮಾಡುವ ಮೂಲಕ ಯುಎಇ ಅರಬ್ ಜಗತ್ತನ್ನು ಬಾಹ್ಯಾಕಾಶ ಕ್ಷೇತ್ರಕ್ಕೆ ಅಧಿಕೃತವಾಗಿ ಪರಿಚಯಿಸಿದ ಹೆಗ್ಗಳಿಕೆ ಮಾತ್ರವಾಗಿದೆ.


ಮಂಗಳ ಗ್ರಹದಲ್ಲೂ ಭೂಕಂಪ: ನೆಲ ನಡುಗಿಸಲು ತೋರದು ಅನುಕಂಪ!

ಇನ್ನು ಯುಎಇಯ ಅಲ್-ಅಮಲ್ ಬಾಹ್ಯಾಕಾಶ ನೌಕೆ ಯಶಸ್ವಿಯಾಗಿ ನಭಕ್ಕೆ ಚಿಮ್ಮಿರುವುದಕ್ಕೆ ಸಂತಸ ವ್ಯಕ್ತಪಡಿಸಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪುತ್ರಿ ಇವಾಂಕಾ ಟ್ರಂಪ್, ಮಹಿಳಾ ವಿಜ್ಞಾನಿಗಳ ತಂಡ ಈ ಯೋಜನೆಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿರುವುದು ಅತ್ಯಂತ ಸಂತಸದ ಸಂಗತಿ ಎಂದು ಹೇಳಿದ್ದಾರೆ.