ಐಸಿಸ್‌ ಉಗ್ರರ ಮೇಲೆ 36,000 ಕೆ.ಜಿ ಬಾಂಬ್‌ ಹಾಕಿದ ಅಮೆರಿಕ

ಬಾಗ್ದಾದ್‌: ಐಸಿಸ್‌ ಪ್ರಾಬಲ್ಯದ ಇರಾಕ್‌ನ ದ್ವೀಪವೊಂದರ ಮೇಲೆ ಅಮೆರಿಕ ಬರೋಬ್ಬರಿ 36,000 ಕೆ.ಜಿ ಬಾಂಬ್‌ನೊಂದಿಗೆ ವಾಯುದಾಳಿ ನಡೆಸಿದೆ.

ಇಲ್ಲಿನ ಟೈಗ್ರಿಸ್‌ ನದಿಯ ನಡುವೆ ಇರುವ ಕ್ವಾನಸ್‌ ದ್ವೀಪದಲ್ಲಿಅಡಗಿದ್ದ ಐಸಿಸ್‌ ಉಗ್ರರ ಮೇಲೆ ಅಮೆರಿಕ ಸೇನಾಪಡೆ ಮಿತ್ರ ರಾಷ್ಟ್ರಗಳ ಸೈನ್ಯದ ಸಹಯೋಗದೊಂದಿಗೆ ಈ ಕಾರ್ಯಾಚರಣೆ ನಡೆಸಿದೆ. ಇರಾಕ್‌ನಲ್ಲಿ ಐಸಿಸ್‌ ಉಗ್ರರನ್ನು ಸಂಪೂರ್ಣ ನಿರ್ನಾಮ ಮಾಡುವುದು ಇದರ ಉದ್ದೇಶವಾಗಿದೆ.

ಡಿಕೆಶಿ ಹೊರಬರೋದು ಕಾಂಗ್ರೆಸ್‌ಗೇ ಇಷ್ಟವಿಲ್ಲ!: ಜಾತಿ ಎತ್ತಿಕಟ್ಟಬೇಡಿ ಅಂದ್ರು ರೇಣುಕಾಚಾರ್ಯ

ಅಮೆರಿಕ ನೇತೃತ್ವದ ಸೇನಾಪಡೆಗಳು ಬಾಂಬ್‌ ದಾಳಿ ನಡೆಸುತ್ತಿರುವ ವಿಡಿಯೊವನ್ನು ಉಗ್ರರ ವಿರುದ್ಧ ಹೋರಾಟ ನಡೆಸುತ್ತಿರುವ ಜಂಟಿ ಕಾರ್ಯಪಡೆಯು ಟ್ವಿಟರ್‌ನಲ್ಲಿಶೇರ್‌ ಮಾಡಿದೆ. ಕ್ವಾನಸ್‌ ದ್ವೀಪದಲ್ಲಿ ಬಾಂಬ್‌ ಬಿದ್ದ ಸ್ಥಳದಲ್ಲಿಭಾರಿ ಬೆಂಕಿಯ ಸ್ಫೋಟ ಹಾಗೂ ಹೊಗೆಯ ದೃಶ್ಯವನ್ನು ವಿಡಿಯೊನಲ್ಲಿ ಕಾಣಬಹುದು. ಲೇಸರ್‌ಗೈಡೆಡ್‌ ತಂತ್ರಜ್ಞಾನದ ಮೂಲಕ ನಿಖರ ಗುರಿಗಳನ್ನು ಗುರುತಿಸಿ ಈ ಬಾಂಬ್‌ ದಾಳಿ ನಡೆಸಲಾಗಿದೆ. ಆದರೆ ಸಾವು ನೋವಿನ ಬಗ್ಗೆ ಇದುವರೆಗೂ ಯಾವುದೇ ನಿಖರ ಮಾಹಿತಿ ಲಭ್ಯವಾಗಿಲ್ಲ.