ಸೋಲೊಪ್ಪದ ಡೊನಾಲ್ಡ್‌ ಟ್ರಂಪ್‌, ಅಮೆರಿಕದಲ್ಲಿ ಮುಂದುವರಿದ ಪ್ರತಿಭಟನೆ

ವಾಷಿಂಗ್ಟನ್‌: ಭರ್ಜರಿ ಜಯದೊಂದಿಗೆ ಅಮೆರಿಕ ನೂತನ ಅಧ್ಯಕ್ಷ ಜೋ ಬಿಡೆನ್‌ ಆಡಳಿತ ನಡೆಸಲು ಸಜ್ಜಾಗುತ್ತಿರುವ ಹೊತ್ತಲ್ಲಿ, ಹಾಲಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರ ಬೆಂಬಲಿಗರಿಂದ ಪ್ರತಿಭಟನೆಗಳು ಮುಂದುವರಿದಿವೆ.

ಅಧ್ಯಕ್ಷೀಯ ಚುನಾವಣೆ ಇನ್ನೂ ಮುಗಿದಿಲ್ಲ. ‘ನಿಖರ ಮತ್ತು ಪ್ರಾಮಾಣಿಕ ಮತ ಎಣಿಕೆ’ಗೆ ಸಾಧ್ಯವಿರುವ ಎಲ್ಲ ಆಯ್ಕೆಗಳನ್ನು ಅನ್ವೇಷಿಸುವುದಾಗಿ ಟ್ರಂಪ್‌ ಬೆಂಬಲಿಗರು ಹೇಳಿದ್ದು, ಇದು ಬಿಡೆನ್ ‌ಅವರಿಗೆ ಕಿರಿಕಿರಿ ತರಿಸಿದೆ.

ಸೋಲೊಪ್ಪಿಕೊಂಡು ಶ್ವೇತಭವನದಿಂದ ನಿರ್ಗಮಿಸಲು ಟ್ರಂಪ್‌ ನಿರಾಕರಿಸಿದ್ದು, ಹಲವು ರಾಜ್ಯಗಳಲ್ಲಿ ಕಾನೂನು ಹೋರಾಟ ಮುಂದುವರಿಸಿದ್ದು ಅದಕ್ಕೆ ತಾರ್ಕಿಕ ಅಂತ್ಯ ಸಿಗಲು ಇನ್ನೊಂದು ವಾರವೇ ಬೇಕಾದೀತು. ಮತದಾನ ಮತ್ತು ಎಣಿಕೆಯಲ್ಲಿ ಅಕ್ರಮಗಳು ನಡೆದಿರುವ ಬಗ್ಗೆ ಯಾವುದೇ ಪುರಾವೆಗಳು ಸಿಕ್ಕಿಲ್ಲವಾದರೂ, ಕಾನೂನು ಹೋರಾಟದಿಂದ ಚುನಾವಣಾ ಫಲಿತಾಂಶದ ಅಧಿಕೃತ ಘೋಷಣೆ ಇನ್ನೂ ವಿಳಂಬವಾಗಬಹುದು.

ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಹುದ್ದೆಯಿಂದ ಮಾರ್ಕ್ ಎಸ್ಪರ್‌ರನ್ನು ಕೆಳಗಿಳಿಸಿದ ಟ್ರಂಪ್!

ಮಾಧ್ಯಮಗಳ ಪ್ರಕಾರ, ಬೈಡೆನ್‌ಗೆ 290 ಎಲೆಕ್ಟೊರಲ್‌ ಕಾಲೇಜ್‌ ಮತಗಳು ಲಭಿಸಿದ್ದರೆ, ಟ್ರಂಪ್‌ಗೆ 214 ಮತಗಳಷ್ಟೇ ಬಂದಿವೆ. ಕೋವಿಡ್‌ ನಿಯಂತ್ರಣ ತಮ್ಮ ಪ್ರಥಮ ಆದ್ಯತೆ ಎಂದು ಬಿಡೆನ್‌ ಘೋಷಿಸಿದ್ದು, ಈಗಾಗಲೇ ಈ ನಿಟ್ಟಿನಲ್ಲಿ ಕೋವಿಡ್‌ ಟಾಸ್ಕ್‌ ಫೋರ್ಸ್‌ ರಚಿಸಿದ್ದಾರೆ.