ಶ್ರೀಲಂಕಾ ತಲುಪಿದ ಪಾಂಪಿಯೋ: ದ್ವೀಪ ರಾಷ್ಟ್ರದ ಅಧ್ಯಕ್ಷರೊಂದಿಗೆ ಮಾತುಕತೆ!

ಕೊಲಂಬೋ: ಭಾರತ-ಅಮೆರಿಕ ನಡುವಿನ 2+2 ಸಚಿವರ ಮಟ್ಟದ ಮಾತುಕತೆಗೆ ಭಾರತಕ್ಕೆ ಬಂದಿದ್ದ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ, ಇದೀಗ ದ್ವಿಪಕ್ಷೀಯ ಸಂಬಂಧ ಸುಧಾರಣೆ ಕುರಿತು ಮಾತನಾಡಲು ಶ್ರೀಲಂಕಾಗೆ ಬಂದು ತಲುಪಿದ್ದಾರೆ.

ಭಾರತದ ನವದೆಹಲಿಯಿಂದ ಹೊರಟ ಮೈಕ್ ಪಾಂಪಿಯೋ ನೇರವಾಗಿ ಶ್ರೀಲಂಕಾ ರಾಜಧಾನಿ ಕೊಲಂಬೋಗೆ ಬಂದು ತಲುಪಿದ್ದಾರೆ. ಈ ಕುರಿತು ಕೊಲಂಬೋದಲ್ಲಿರುವ ಅಮೆರಿಕ ರಾಯಭಾರ ಕಚೇರಿ ಮಾಹಿತಿ ನೀಡಿದೆ.

ಇನ್ನು ಕೊಲಂಬೋಗೆ ಬಂದಿಳಿಯುತ್ತಿದ್ದಂತೇ, ಶ್ರೀಲಂಕಾದ ಅಧ್ಯಕ್ಷ ಗೋಟಬಯ ರಾಜಪಕ್ಸ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದಾರೆ.

ಭಾರತ-ಅಮೆರಿಕ 2+2 ಮಾತುಕತೆ: ಚೀನಾಗೆ ಶುರುವಾಗಲಿದೆಯಾ ಚಿಂತೆ?

ಅಮೆರಿಕ-ಶ್ರೀಲಂಕಾ ನಡುವಿನ ರಾಜತಾಂತ್ರಿಕ ಹಾಗೂ ಸಾಮರಿಕ ಸಂಬಂಧವನ್ನು ಮತ್ತಷ್ಟು ಗಟ್ಟಿಗೊಳಿಸುವ ಕುರಿತು ಉಭಯ ನಾಯಕರು ಮಾತುಕತೆ ನಡೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.


ಇನ್ನು ಅಧ್ಯಕ್ಷರ ಭೇಟಿ ಬಳಿಕ ಮೈಕ್ ಪಾಂಪಿಯೋ ಶ್ರೀಲಂಕಾದ ವಿದೇಶಾಂಗ ಸಚಿವ ದಿನೇಶ್ ಗುಣವರ್ಧನ್ ಅವರೊಂದಿಗೂ ಮಾತನಾಡಿದ್ದು, ಈ ಸಭೆಯಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಅಮೆರಿಕ-ಶ್ರೀಲಂಕಾ ನಡುವಿನ ದ್ವಿಪಕ್ಷೀಯ ಸಂಬಂಧವನ್ನು ಹೆಚ್ಚಿಸುವ ತೀರ್ಮಾನ ಕೈಗೊಳ್ಳಲಾಗಿದೆ ಎನ್ನಲಾಗಿದೆ.

ಶ್ರೀಲಂಕಾ-ಚೀನಾ ಸಂಬಂಧವನ್ನು ಕನಿಷ್ಠ ಮಟ್ಟಕ್ಕೆ ಇಳಿಸುವುದು ಅಮೆರಿಕದ ಗುರಿಯಾಗಿದ್ದು, ಮೈಕ್ ಪಾಂಪಿಯೋ ಅವರ ಶ್ರೀಲಂಕಾ ಭೇಟಿ ಈ ಗುರಿಯನ್ನು ಬಹುತೇಕವಾಗಿ ಈಡೇರಿಸಲಿದೆ ಎಂದು ನಿರೀಕ್ಷಿಸಲಾಗಿದೆ.

ಪ್ರಜಾಪ್ರಭುತ್ವ ವಿರೋಧಿ ಕಮ್ಯೂನಿಸ್ಟ್ ಚೀನಾ ವಿರುದ್ಧ ಭಾರತ-ಅಮೆರಿಕ ಒಂದಾಗಿವೆ: ಪಾಂಪಿಯೋ!

ಶ್ರೀಲಂಕಾ ಭೇಟಿ ಬಳಿಕ ಮೈಕ್ ಪಾಂಪಿಯೋ ಮಾಲ್ಡೀವ್ಸ್ ಹಾಗೂ ಇಂಡೋನೇಷ್ಯಾ ರಾಷ್ಟ್ರಗಳಿಗೂಈ ಭೇಟಿ ನೀಡಲಿದ್ದಾರೆ.