ಮಹಾಯುದ್ಧ ಆತಂಕ ನಿಜವೇ?: ಕಪ್ಪು ಸಮುದ್ರಕ್ಕೆ ಯುದ್ಧನೌಕೆ ಕಳಿಸುವ ಚಿಂತನೆ ನಡೆಸುತ್ತಿದೆ ಅಮೆರಿಕ!

ವಾಷಿಂಗ್ಟನ್: ರಷ್ಯಾ-ಉಕ್ರೇನ್‌ ನಡುವಿನ ಮಿಲಿಟರಿ ಕಿತ್ತಾಟ ಜಾಗತಿಕ ಮಹಾಯುದ್ಧಕ್ಕೆ ಕಾರಣವಾಗಲಿದೆಎಂಬ ಮಿಲಿಟಿ ತಜ್ಞನ ಎಚ್ಚರಿಕೆ, ನಿಜವಾಗುವ ಎಲ್ಲಾ ಲಕ್ಷಣಗಳು ಗೋಚರಿಸುತ್ತಿವೆ.ರಷ್ಯಾ-ಉಕ್ರೇನ್ ನಡುವಿನ ಬಿಗುವಿನ ವಾತಾವರಣ ಜಾಗತಿಕ ಚಿಂತೆ ಹೆಚ್ಚಿಸಿದೆ. ಅಲ್ಲದೇ ಈ ಎರಡು ರಾಷ್ಟ್ರಗಳ ನಡುವಿನ ಮಿಲಿಟರಿ ಕಿತ್ತಾಟದಲ್ಲಿ ವಿಶ್ವದ ಇತರ ರಾಷ್ಟ್ರಗಳೂ ಸಾಲು ಸಾಲಾಗಿ ಭಾಗಿಯಾಗುವ ಸಾಧ್ಯತೆ ಕಂಡುಬರುತ್ತಿದೆ.

ಇದಕ್ಕೆ ಪುಷ್ಠಿ ಎಂಬಂತೆ ಕಪ್ಪು ಸಮುದ್ರಕ್ಕೆ ತನ್ನ ಅತ್ಯಾಧುನಿಕ ಯುದ್ಧ ನೌಕೆಯನ್ನು ಕಳುಹಿಸಲು ಅಮೆರಿಕ ಚಿಂತನೆ ನಡೆಸಿದೆ ಎಂಬ ವರದಿಗಳು ಬಂದಿವೆ.

ಯುದ್ಧೋನ್ಮಾದದಲ್ಲಿರುವ ರಷ್ಯಾ ಮೇಲೆ ಒತ್ತಡ ಹೇರುವ ತಂತ್ರದ ಭಾಗವಾಗಿ ಅಮೆರಿಕ ನೌಕಾಸೇನೆ ಕಪ್ಪು ಸಮುದ್ರಕ್ಕೆ ತನ್ನ ಯುದ್ಧ ನೌಕೆಯನ್ನು ರವಾನಿಸುವ ಚಿಂತನೆ ನಡೆಸಿದೆ ಎನ್ನಲಾಗಿದೆ.

ನಾಲ್ಕು ವಾರಗಳಲ್ಲಿ ಮಹಾಯುದ್ಧ: ಜಗತ್ತಿನ ಆತಂಕ ಹೆಚ್ಚಿಸಿದ ರಷ್ಯಾದ ಮಿಲಿಟರಿ ತಜ್ಞ!

ಈಗಾಗಲೇ ಕಪ್ಪು ಸಮುದ್ರ ಭಾಗದ ಅಂತಾರಾಷ್ಟ್ರೀಯ ವಾಯುಗಡಿ ಬಳಿ ಅಮೆರಿಕದ ವಿಚಕ್ಷಣ ವಿಮಾನಗಳು ಹಲವು ಸುತ್ತು ಪ್ರದಕ್ಷಿಣೆ ಹಾಕಿದ್ದು, ರಷ್ಯಾ ನೌಕಾಸೇನೆಯ ಚಲನವಲನಗಳ ಮೇಲೆ ನಿಗಾ ಇರಿಸಿದೆ.

ಅದರಂತೆ ಮುಂದಿನ ದಿನಗಳಲ್ಲಿ ಅತ್ಯಾಧುನಿಕ ಯುದ್ಧ ನೌಕೆಯನ್ನು ಕಪ್ಪು ಸಮುದ್ರದ ಗಡಿ ಬ:ಳಿ ರವಾನಿಸಿ, ಈ ಮೂಲಕ ರಷ್ಯಾಗೆ ನೇರ ಎಚ್ಚರಿಕೆಯ ಸಂದೇಶ ರವಾನಿಸುವುದು ಅಮೆರಿಕದ ಯೋಜನೆ ಎನ್ನಲಾಗಿದೆ.

ಉಕ್ರೇನ್ ವಿರುದ್ಧ ರಷ್ಯಾ ತೋರುತ್ತಿರುವ ಆಕ್ರಮಣಕಾರಿ ವರ್ತನೆ ಜಗತ್ತನ್ನು ಮತ್ತೊಂದು ಮಹಾಯುದ್ಧದ ಅಂಚಿಗೆ ತಳ್ಳಬಹುದು ಎಂಬ ಆತಂಕ ಎದುರಾಗಿದೆ.

ಈಗಾಗಲೇ ಉಕ್ರೇನ್ ಗಡಿಗೆ ಭಾರೀ ಪ್ರಮಾಣದಲ್ಲಿ ಸೈನ್ಯವನ್ನು ರವಾನಿಸಿರುವ ರಷ್ಯಾ, ಕಪ್ಪು ಸಮುದ್ರದಲ್ಲಿ ತನ್ನ ನೌಕಾಸೇನೆಯ ಚಟುವಟಿಕೆಗಳನ್ನು ಹೆಚ್ಚಿಸಿರುವುದು ಹಲವು ಅನುಮಾನಗಳಿಗೆ ಕಾರಣವಾಗಿದೆ.

ಪುಟಿನ್‌ರನ್ನು ಕೊಲೆಗುಡುಕ ಎಂದ ಬಿಡೆನ್: ಶುರುವಾಯ್ತು ರಷ್ಯಾ-ಯುಎಸ್ ವಾಕ್ಸಮರ!

ನಡುವೆ ಉದ್ಭವಿಸಿರುವ ಮಿಲಿಟರಿ ಬಿಕ್ಕಟ್ಟು ಜಗತ್ತನ್ನು ಅಥವಾ ಕನಿಷ್ಟ ಯುರೋಪ್‌ನ್ನು ಇನ್ನೊಂದು ತಿಂಗಳ ಅವಧಿಯಲ್ಲಿ ಮಹಾಯುದ್ಧದ ಅಂಚಿಗೆ ತಳ್ಳಲಿದೆ ಎಂದು ರಷ್ಯಾದ ಮಿಲಿಟರಿ ತಜ್ಞ ಪಾವೆಲ್ ಫೆಲ್ಗೆನ್ಹೌರ್ ಎಚ್ಚರಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.