ಗಡೀಪಾರು ಆದೇಶ ಪ್ರಶ್ನಿಸಲು ವಿಜಯ್‌ ಮಲ್ಯಗೆ ಲಂಡನ್‌ ನ್ಯಾಯಾಲಯ ಅನುಮತಿ

ಲಂಡನ್: ಭಾರತದ ಬ್ಯಾಂಕ್‌ಗಳಲ್ಲಿ ಸಾಲ ಪಡೆದು ಮರು ಪಾವತಿ ಮಾಡದೆ ವಿದೇಶದಲ್ಲಿ ಇರುವ ಮದ್ಯ ದೊರೆ ವಿಜಯ್‌ ಮಲ್ಯಗೆ ತುಸು ಸಮಾಧಾನ ದಕ್ಕಿದೆ.

ಆರ್ಥಿಕ ಘೋಷಿತ ಅಪರಾಧಿಯಾಗಿರುವ ವಿಜಯ್‌ ಮಲ್ಯ ಗಡಿಪಾರು ಆದೇಶ ಪ್ರಶ್ನಿಸಿ ಅರ್ಜಿ ಸಲ್ಲಿಸಲು ಲಂಡನ್‌ ನ್ಯಾಯಾಲಯ ಅವಕಾಶ ಕಲ್ಪಿಸಿದೆ.

ಕಳೆದ ಡಿಸೆಂಬರ್‌ನಲ್ಲಿ ವಿಜಯ್ ಮಲ್ಯ ಗಡಿಪಾರಿಗೆ ಲಂಡನ್‌ ಹೈಕೋರ್ಟ್‌ ಸಮ್ಮತಿಸಿತ್ತು.

ರಾಯಲ್‌ ಕೋರ್ಟ್‌ ಆಫ್‌ ಜಸ್ಟೀಸ್‌ನ ನ್ಯಾಯಾಧೀಶರು ಅರ್ಜಿ ವಿಚಾರಣೆ ನಡೆಸಿದರು.

ಇದರೊಂದಿಗೆ ಗಡೀಪಾರು ಅರ್ಜಿ ವಿಚಾರಣೆ ಲಂಡನ್‌ ಹೈಕೋರ್ಟ್‌ನಲ್ಲಿ ನಡೆಯಲಿದೆ.

ಭಾರತದ ಬ್ಯಾಂಕ್‌ಗಳಿಗೆ ವಂಚಿಸಿ ಪರಾರಿಯಾಗಿದ್ದ ವಿಜಯ್‌ ಮಲ್ಯ ಲಂಡನ್‌ನಲ್ಲಿ ಬೀಡು ಬಿಟ್ಟಿದ್ದರು.

ಲಂಡನ್‌ನಲ್ಲಿ ವಾಸ್ತವ್ಯ ಹೂಡಿದ್ದಾರೆ ಎಂಬ ಮಾಹಿತಿ ಮೇರೆಗೆ ವಿಜಯ್‌ ಮಲ್ಯ ಗಡೀಪಾರಿಗೆ ಭಾರತ ಪ್ರಯತ್ನ ನಡೆಸಿತ್ತು. ಇದಕ್ಕೆ ಕಳೆದ ಡಿಸೆಂಬರ್‌ನಲ್ಲಿ ಗೆಲುವು ಕೂಡ ಸಿಕ್ಕಿತ್ತು.

ಆದರೆ ಈಗ ವಿಜಯ್‌ ಮಲ್ಯ ಸಲ್ಲಿಸಿದ ಅರ್ಜಿ ಪುರಸ್ಕಾರಗೊಂಡಿದ್ದು, ವಿಚಾರಣೆ ನಡೆಯಲಿದೆ.